II Nau Rêh Jêng 10:14 - Nau Brah Ndu Ngơi 2023

¹⁴ Hađăch tĭng nchră phung mom ndăm, jêh ri plơ̆ lah ma phung ƀon lan pô aơ: “Mbơ̆ gâp hŏ n'gân ta klơ khân may du mâng mbăk jâk jêr, gâp mra ƀư ma mâng mbăk nây jâk lơn. Mbơ̆ gâp hŏ rmal khân may ma rvĕ ntâu, bi gâp, gâp mra tâm rmal khân may ma mâng rvĕ ndŭr vơng.”

II Nau Rêh Jêng 10:14 ပူးပေါင်းရင်းမြစ်များ

II Nau Rêh Jêng 10:13

Hađăch plơ̆ sĭt lah ma phung ƀon lan ma nau ngơi dăng. Pôri, hađăch Rôbôam dun lơi nau mĭn phung kôranh bu ranh hŏ kơl.

II Nau Rêh Jêng 10:15

Pôri, hađăch mâu ŭch iăt ôh tǐng nau phung ƀon lan dăn, jêh ri nau nây jêng yor tă bơh Brah Ndu nơm ăn, gay ƀư tât di ngăn nau Brah Yêhôva hŏ đă Y-Ahija, bunuyh ƀon Silô, ngơi đah Y-Jêrôbôam, kon Y-Nêbat.

Nau Hôr 12:5

Nau mĭn phung sŏng srăng jêng di ngăn, Nau nchră bơh phung ƀai jêng nau ndơm da dê.

Nau Hôr 17:14

Ntơm bôk nau tâm djrel nâm bu pling ntât dak; Pôri rlu hom nau tâm rlăch êlor păng geh nau tâm djrel.

Nơm Nti 10:16

Rêh ni ăn ma bri dak geh hađăch hôm ndăm ngăn, Jêh ri geh lĕ phung kôranh mhe ang hŏ rvê nau nhêt sa!

Nơm Nti 2:19

Mbu nơm dơi gĭt đŏng bunuyh nây blau mĭn mâu lah rluk? Nđâp tơlah păng mra mât uănh lĕ rngôch nau kan gâp hŏt rgănh jêh ri blau mĭn ƀư tâm dâng nar. Nau nây ăt jêng nau dơm dam.

Nơm Nti 7:8

Nglĕ dŭt du ntil kan ueh lơn ntơm saơm kan nây; Nau nsrôih ueh lơn ma nau sưr.

Daniel 6:7

Lĕ rngôch phung kôranh toyh tâm ƀon bri hađăch, phung kôranh ntang, phung kôranh nkual, phung kôranh nchră jêh ri phung kôranh chiă uănh dăn da dê ma hađăch ƀư nau ntrŭnh jêh ri ăn du luh nau vay buay ktang mâu dơi ƀư tâm pe jât nar tơlah mbu nơm vơl ma brah mâu lah ma bunuyh êng padih may, ơ hađăch, nơm nây mra klŭp tâm trôm ntu yau mŭr.

Yakơ 3:14

Ƀiălah tơlah khân may geh nau tâm rmot ma nau rngot ngăn ngên jêh ri tâm djrel tâm nuih n'hâm, lơi ta rnê êng nơm mâu lah sŏk nau ngơi mƀruh tâm rdâng đah nau ngăn.

Nau Tâm Mpơl 9:10

Khân păng geh chiăng jêh ri dak kăch tâm ban ma mpôch ndŭr vơng; lĕ chiăng nây geh nau dơi ƀư nau mhĭk ma phung bunuyh tâm prăm khay.

Nau Tâm Mpơl 9:3

Tă bơh nhhŭk ŭnh nĕ geh krah nsăt mpăr luh lam neh ntu, jêh ri bu ăn ma khân păng nau dơi tâm ban ma nau dơi phung ndŭr vơng geh tâm neh ntu.

Nau Tâm Mpơl 9:5

Bu ăn ma khân păng mâu dơi vay nkhĭt bu, ƀiălah dơi vay ƀư rêh ni phung bunuyh tâm prăm khay. Nau nđêh nji khân păng ƀư, jêng nâm bu nau nđêh nji bunuyh ndŭr vơng sôch.