II Nau Rêh Jêng 1:12 - Nau Brah Ndu Ngơi 2023

¹² pôri Gâp hŏ ăn jêh nau gĭt mĭn jêh ri nau gĭt rbăng ma may. Gâp mra ăn ma may nau ndrŏng kuăng, drăp ndơ, jêh ri nau chrêk rmah kŏ tât mâu dơi geh ôh lĕ phung hađăch lor panăp may jêh ri pakơi may dơi ban.”

II Nau Rêh Jêng 1:12 ပူးပေါင်းရင်းမြစ်များ

I Phung Hađăch 10:24

Lam lĕ neh ntu ŭch tâm mâp đah Y-Salômôn gay iăt nau blau mĭn Brah Ndu hŏ dơm jêh tâm nuih n'hâm hađăch.

I Nau Rêh Jêng 29:12

Nđâp nau ndrŏng kuăng jêh ri nau chrêk rmah luh bơh Kôranh Brah. May chiă uănh ta klơ lĕ rngôch, nau brah jêh ri nau ktang gŭ tâm ti May. Ti May ăn nau yơk jêh ri nau ktang n'hâm suan ma lĕ rngôch bunuyh.

I Nau Rêh Jêng 29:25

Brah Yêhôva ƀư ma Y-Salômôn geh nau yơk tanăp măt lĕ rngôch phung Israel, jêh ri ăn nau hit rnam ma hađăch, kŏ tât tâm phung Israel mâu mâp geh ôh ma du hađăch lor panăp păng dơi tâm ban pônây.

II Nau Rêh Jêng 9:22

Pônây, hađăch Salômôn rlau lơn ma lĕ rngôch phung hađăch ta neh ntu tâm nau ndrŏng jêh ri nau blau mĭn.

Nêhêmi 13:26

Mâu di hĕ hađăch phung Israel jêng Y-Salômôn hŏ ƀư tih jêh yorlah phung bu ur pônây? Tâm âk phung mpôl băl mâu geh ôh du huê hađăch nâm bu păng, jêng nơm Brah Ndu rŏng, ăn păng jêng hađăch ma lĕ rngôch phung Israel. Ƀiălah phung ur phung bu năch hŏ nsŭk ăn păng ƀư tih!

Nơm Nti 2:9

Pôri, gâp jêng toyh jêh ri rlau lơn ma lĕ rngôch phung hađăch rêh panăp gâp ta Yêrusalem. Rlau ma nây, gâp ăt hôm dơi prăp nau blau mĭn.

Nơm Nti 5:19

Tâm ban pônây, lĕ rngôch mbu nơm dơi geh Brah Ndu ăn nau ndrŏng, drăp ndơ, tâm ban ăn nau dơi dŏng drăp ndơ nây mra sŏk dơn kô̆ păng, jêh ri maak dơn kan hŏt păng ƀư jêh. Nây jêng ndơ Brah Ndu ăn.

Mathay 6:33

Ƀiălah lor lơn, ăn khân may joi ƀon bri hađăch Brah Ndu jêh ri nau sŏng srăng Păng, ri mơ Păng mra ăn ntop lĕ rngôch ndơ nây ma khân may đŏng.

Êphêsô 3:20

Brah Ndu jêng Nơm pah kan tâm he ma nau brah Păng, dơi ƀư rlau lơn âk râk ma lĕ nau he mbơh sơm dăn mâu lah he mĭn ŭch.

Yakơ 1:5

Tơlah mbu nơm tâm phung khân may pưt nau blau mĭn, vơh vơl hom ma Brah Ndu, Păng mra ăn ro, yorlah Brah Ndu jêng Nơm ăn ma lĕ rngôch bunuyh ma nuih n'hâm lŏng, mâu geh nau nduyh ôh.