II Nau Rêh Jêng 1:11 - Nau Brah Ndu Ngơi 2023

¹¹ Brah Ndu lah ma Y-Salômôn: “Gâp njêng jêh may ƀư hađăch ma phung ƀon lan Gâp. Yorlah may geh nau ton kơt nĕ, may mâu ŭch dăn ôh nau ndrŏng kuăng, drăp ndơ, nau chrêk rmah, mâu lah nau rêh phung rlăng may, jêh ri mâu mâp lĕ geh dăn nau jong rêh, ƀiălah may dăn nau gĭt mĭn jêh ri nau gĭt rbăng ma may nơm gay chiă uănh ma phung ƀon lan Gâp,

II Nau Rêh Jêng 1:11 ပူးပေါင်းရင်းမြစ်များ

I Phung Hađăch 10:24

Lam lĕ neh ntu ŭch tâm mâp đah Y-Salômôn gay iăt nau blau mĭn Brah Ndu hŏ dơm jêh tâm nuih n'hâm hađăch.

I Phung Hađăch 3:28

Tơlah lĕ rngôch phung Israel hŏ tăng nau hađăch phat dôih nây, jêh ri khân păng geh nau yơk ma hađăch, yorlah khân păng saơ pô aơ Brah Ndu hŏ ăn ma hađăch nau gĭt mĭn gay ƀư nau di.

I Phung Hađăch 8:18

Ƀiălah Brah Yêhôva lah jêh ma Y-Đavit, mbơ̆ gâp, pô aơ: ‘May geh nau mĭn ŭch ndâk du ngih brah ma amoh Gâp jêng nau ueh.

I Nau Rêh Jêng 28:2

Hađăch Đavit dâk jêh ri ngơi: “Hơi phung oh nâu jêh ri phung ƀon lan gâp, iăt hom! Gâp geh nau mĭn ndâk du mlâm ngih brah gay dơm Hip Nau Tâm Rnglăp Brah Yêhôva, jêh ri jêng rnơl chrong jâng ma Brah Ndu he. Gâp lĕ ndrăp nkra jêh ndơ dŏng prăp ndâk ngih.

II Nau Rêh Jêng 1:12

pôri Gâp hŏ ăn jêh nau gĭt mĭn jêh ri nau gĭt rbăng ma may. Gâp mra ăn ma may nau ndrŏng kuăng, drăp ndơ, jêh ri nau chrêk rmah kŏ tât mâu dơi geh ôh lĕ phung hađăch lor panăp may jêh ri pakơi may dơi ban.”

Nau Hôr 14:8

Nau blau bơh bunuyh blau njrăng jêng nau gĭt n'hêl nê̆ trong păng, Ƀiălah nau brŭt moih bơh phung rluk jêng nau ndơm.

Nau Hôr 23:7

Yorlah ntil nau păng mĭn tâm nuih n'hâm rĭ mơ jêng săk păng ngăn. Păng lah ma may: “sông sa nhêt hom!” Ƀiălah păng mâu geh ôh nuih n'hâm ngăn đah may.

Nau Hôr 8:15

Tă bơh gâp, lĕ phung hađăch chiă uănh, Jêh ri lĕ phung kôranh chiă uănh ntrŭnh nau vay sŏng.

Kôranh Oh Mon 5:4

Lah ê hŏ tăch neh nây, di lĕ păng ăt hôm ma may? Lah may tăch jêh, may mâu geh nau dơi dŏng prăk nây? Mâm ƀư may mĭn tâm nuih n'hâm tâm ban pônây? May ngơi mƀruh mâu di ma kon bunuyh ôh, ƀiălah may ngơi mƀruh ma Brah Ndu yơh.”

ហេឞ្រើ 4:12

Yorlah nau ngơi Brah Ndu jêng nau ngơi rêh jêh ri geh nau dơi, hơr lơn ma đao bar măt, lăp băm kŏ tât tâm nglah nuih n'hâm đah huêng, ntŭk nting tâm ntrŭp đah glo, phat dôih lĕ nau mĭn jêh ri nau ŭch tâm nuih n'hâm.

Yakơ 3:13

Tâm phung khân may, mbu nơm jêng nơm blau mĭn jêh ri gĭt rbăng? Sŏk hom nau gŭ rêh ueh khân may nơm gay tâm mpơl lĕ nau khân may ƀư ntơm tă bơh nau dêh rhêt bơh nau blau mĭn.

Yakơ 3:17

Ƀiălah nau blau mĭn tă bơh klơ trôk, lor lơn jêng kloh, jêh nây đăp mpăn, rdơ̆ rbăn, nuih n'hâm blau iăt nau bu, nuih n'hâm bêng ma nau yô̆ jêh ri kao play ueh, mâu geh nau ngơi bar mâu lah mƀruh ndơm ôh.

I Samuel 16:7

Ƀiălah Brah Yêhôva lah ma Y-Samuel: “Lơi ta uănh padih mâu lah ma nau păng prêh juat ôh, yorlah Gâp dun jêh ma păng. Brah Yêhôva mâu uănh nâm bu bunuyh uănh ôh; bunuyh uănh padih, ƀiălah Brah Yêhôva uănh saơ tâm trôm nuih n'hâm.”