II Kôrintô 9:8 - Nau Brah Ndu Ngơi 2023

⁸ Brah Ndu geh nau dơi ăn ma khân may nau yô̆ âk rmeh gay ƀư tŏng lĕ rngôch nau khân may ŭch, lŏ geh âk rmeh gay ƀư ăp ntil kan ueh,

Bunong Bible Latin Script Cambodian dialect

⁸ Păng dơi ăn nau geh jêng ŏk rmeh ma khân ay may, gay ma geh ăp ntil ndơ dŏng ma khân ay may ƀaƀơ, jêh ri hôm ŏk rmeh đŏng, gay ma jan ăp ntil ndơ ueh ma bu.

Bunong

⁸ ពាង់​ទើយ​អ៝ន់​នាវ​គែស​ជេង​អ៝ក់​រាមែស​មា​ខាន់​អៃ​មៃ គៃ​មា​គែស​អាប់​នតីល​នទើ​ទ៝ង់​មា​ខាន់​អៃ​មៃ​បាបើ ជេសរី​ហោម​អ៝ក់​រាមែស​ដ៝ង់ គៃ​មា​ជាន​អាប់​នតីល​នទើ​អ្វែស​មា​ឞូ។

II Kôrintô 9:8 ပူးပေါင်းရင်းမြစ်များ

II Nau Rêh Jêng 25:9

Y-Amasia lah ma bunuyh Brah Ndu: “Mâm gâp mra ƀư ma pe rbăn kilô prăk gâp hŏ ăn jêh ma phung tahan Israel?” Bunuyh Brah Ndu plơ̆ lah: “Brah Yêhôva ăn ma may âk rmeh lơn ma rnoh nây.”

Nau Mprơ Ơm 84:11

Yorlah Yêhôva Brah Ndu jêng nar jêh ri khêl; Brah Yêhôva mra ăn nau yô̆ jêh ri nau chrêk rmah; Păng mâu dun du ntil nau ueh ôh Ăn ma phung gŭ rêh nŭm rĭng.

Nau Hôr 10:22

Nau ueh uĭn bơh Brah Yêhôva ƀư ăn ndrŏng; Păng mâu hôm ntop ôh nau hŏt rgănh jâk jêr.

Nau Hôr 11:24

Geh bunuyh pă ăn bu drăp ndơ păng nơm, lơ ntop geh âk lơn đŏng; Geh đŏng bunuyh mbeh krêp ir, ƀiălah knŏng geh nau pưt kƀah.

Nau Hôr 28:27

Mbu nơm ăn ma bunuyh o ach mâu mra pưt ôh, Bi ma nơm nhêp măt mâu gĭt yô̆ bu mra geh âk nau rak rtăp.

Nau Hôr 3:9

Sŏk hom drăp ndơ jêh ri kao play yan dak bôk Gay tâm rnê Brah Yêhôva;

Ndrom Samƀŭt bơh Agê 2:8

‘Prăk jêng ndơ Gâp, mah jêng ndơ Gâp.’ Brah Yêhôva ma phung tahan lah pônây.

Malachi 3:10

Lĕ ndơ du kô̆ tâm jât, ăn khân may nhhơr ăn nŭm ta jay prăp, gay geh ndơ sa tâm ngih brah Gâp. Jêh ri ntơm bơh aƀaơ, Brah Yêhôva ma phung tahan, sŏk hom nau aơ gay rlong uănh Gâp, gĭt lah Gâp pơk mpông bloh tâm trôk, nkhŭt nau ueh lăng ma khân may âk ngăn kŏ tât mâu tŏng ntŭk khân may ma dơ!

Kôranh Oh Mon 9:36

Ta ƀon Jôpa, geh du huê bu ur oh mon, amoh păng H'Tabitha, nâm bu ntĭt Dôrkas; păng ƀư âk kan ueh jêh ri vay ăn ndơ ma phung o ach.

I Kôrintô 15:58

Pôri, hơi phung oh nâu gâp rŏng ngăn ngên, gŭ nâp hom, lơi mpât n'gơ, ƀư hom âk rmeh nau kan ma Kôranh Brah, dôl khân may gĭt kan khân may pah mâu mra jêng dơm dam ôh tâm Kôranh Brah.

II Kôrintô 13:3

yorlah khân may dăn du nau mbơh gay gĭt Brah Krist lah bơh bâr mbung gâp. Păng mâu jêng rdja ôh tâm nau gŭ ngao đah khân may, ƀiălah Păng jêng Nơm bêng nau dơi ta nklang khân may.

II Kôrintô 8:19

Mâu di knŏng dŭm nĕ, bunuyh nây dơi geh Phung Ngih Brah Ndu đă hăn ndrel ma hên tâm nau pah kan ăn ndơ tâm kơl aơ, jêng nau kan hên dôl ƀư, yorlah nau chrêk rmah ma Kôranh Brah jêh ri gay tâm mpơl hên geh nuih n'hâm duh nđơr.

II Kôrintô 8:2

Khân păng hŏ găn âk nau rêh ni, ƀiălah bêng nau răm maak. Tâm nau pưt kƀah o ach pôri nuih n'hâm khân păng lŏng ngăn lơ hô âk rmeh.

II Kôrintô 8:7

Yorlah, nâm bu khân may jêng ueh ngăn tâm lĕ rngôch nau: Nau chroh, nau ngơi, nau gĭt rbăng, nau duh nđơr jêh ri nau rŏng ma hên, pôri ăn khân may jêng ueh lơn tâm nau ăn ndơ tâm kơl.

II Kôrintô 9:11

Khân may mra dơi ndrŏng tâm ăp ntil ndơ gay ƀư lĕ ndơ tâm kơl; gay bơh he, bu mra lah ueh ma Brah Ndu.

Êphêsô 2:10

Yorlah he jêng kan bơh ti Păng, dơi rhăk njêng tâm Brah Yêsu Krist gay ƀư lĕ nau kan ueh Brah Ndu nkra jêh bơh lor gay ma he kơt ƀư.

Êphêsô 3:20

Brah Ndu jêng Nơm pah kan tâm he ma nau brah Păng, dơi ƀư rlau lơn âk râk ma lĕ nau he mbơh sơm dăn mâu lah he mĭn ŭch.

Philip 4:11

Gâp ngơi kơt nây mâu di yor gâp pưt kƀah ôh, ƀiălah yorlah gâp nti jêh gŭ rêh ma nau maak tâm lĕ rngôch nau tât ma gâp.

Kôlôh 1:10

gay gŭ rêh tâm di ma Kôranh Brah, ƀư ueh nuih n'hâm Păng tâm lĕ kan, geh play tâm lĕ rngôch nau ƀư ueh, jêh ri văch ma toyh tâm nau gĭt rbăng Brah Ndu.

II Têsalônik 2:17

n'hao nuih n'hâm khân may, ƀư ma khân may ăn dơi nâp tâm lĕ kan jêh ri nau ngơi ueh!

II Timôthê 2:21

Yor ri, tơlah bu ƀư kloh păng nơm bơh lĕ nau ƀơ̆ ƀơch nây, păng mra plơ̆ jêng ndô ndơ ma nau khlay, geh nau kloh ueh, geh nau khlay ma kôranh păng jêh ri rơm ndrăp jêh ma lĕ kan ueh.

II Timôthê 3:17

gay ma bunuyh Brah Ndu geh nau gĭt blau jêh ri rơm ndrăp jêh ma lĕ kan ueh.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

Titus 3:14

Ăn phung chroh he nti nsrôih ƀư kan ueh, gay ma kơl ăn ma lĕ nau geh nau kan ndal, pôri lơi gŭ rêh du nau rêh mâu geh play.

Titus 3:8

Aơ jêng nau ngơi ngăn. Gâp ŭch ma may ƀư ngăn lĕ nau aơ, gay ma phung chroh jêh ma Brah Ndu mra nsrôih ƀư kan ueh jêh ri khlay ma lĕ rngôch bunuyh.

I Pêtrôs 4:10

Ăp nơm dŏng hom nau dơi he hŏ dơn jêh gay pah kan ndrăng khân may, nâm bu bunuyh mât uănh răp jăp blau dŏng nau yô̆ bơh Brah Ndu tâm âk trong êng êng.