II Kôrintô 8:7 - Nau Brah Ndu Ngơi 2023

⁷ Yorlah, nâm bu khân may jêng ueh ngăn tâm lĕ rngôch nau: Nau chroh, nau ngơi, nau gĭt rbăng, nau duh nđơr jêh ri nau rŏng ma hên, pôri ăn khân may jêng ueh lơn tâm nau ăn ndơ tâm kơl.

Bunong Bible Latin Script Cambodian dialect

⁷ Gâp vay say khân ay may jan dâng lĕ ndơ dŭt ueh ngăn, nau nsing khân ay may nâp ngăn, khân ay may blao nti bu, khân ay may lĕ gĭt vât nau Kôranh Brah, khân ay may nsrôyh ta ăp ntil ndơ, jêh ri nđâp ma geh nuih n'hâm rŏng ma hên. Lah ndri nau rgum prăk nhhơr i nây ăn khân ay may jan dŭt ueh đŏng.

Bunong

⁷ គ៝ប់​វៃ​ឆៃ​ខាន់​អៃ​មៃ​ជាន​ទឹង​លែៈ​នទើ​ទុត​អ្វែស​ងាន់ នាវ​ញឆីង​ខាន់​អៃ​មៃ​ន៝ប់​ងាន់ ខាន់​អៃ​មៃ​ឞ្លាវ​នតី​ឞូ ខាន់​អៃ​មៃ​លែៈ​គឹត​វ៝ត់​នាវ​កោរាញ​ឞ្រាស ខាន់​អៃ​មៃ​ញឆ្រោយ្ស​តា​អាប់​នតីល​នទើ ជេសរី​នអ៝ប់​មា​គែស​នូយ្ស​នហ៝ម់​រ៝ង់​មា​ហេន។ លាស​នទ្រី​នាវ​រាគូម​ព្រាក់​ញហើរ​អី​នៃ​អ៝ន់​ខាន់​អៃ​មៃ​ជាន​ទុត​អ្វែស​ដ៝ង់។

II Kôrintô 8:7 ပူးပေါင်းရင်းမြစ်များ

Mathay 25:22

Bunuyh hŏ dơn jêh bar talâng văch đŏng jêh ri lah: ‘Hơi kôranh, may jao jêh ma gâp bar talâng, aơ, gâp geh n'hao ntop bar talâng đŏng.’

Samƀŭt Pôl Njuăl Ăn Ma Phung Nsing Ta Ƀon Rôm 15:14

Hơi phung oh nâu, gâp mĭn khân may geh jêh nuih n'hâm bêng nau rŏng bu, bêng nau gĭt rbăng, jêh ri geh nau blau nti nkah ndrăng khân may nơm.

I Kôrintô 1:5

yorlah tâm Păng, khân may geh nau rmeh ler ma lĕ nau kan, lĕ nau ngơi jêh ri nau gĭt rbăng —

I Kôrintô 12:13

Yorlah he, nđâp tơlah phung Yuđa, phung Grek, phung dĭk mâu lah phung kon me, lĕ rngôch phung he hŏ dơn nau ƀaptem da dê tâm nguay Brah Huêng Ueh gay ma jêng du săk jăn; lĕ rngôch dơi nhêt tâm nguay Brah Huêng Ueh da dê.

I Kôrintô 12:8

Ma bunuyh aơ geh Brah Huêng Ueh ăn ma nau ngơi blau mĭn, tă bơh nguay Brah Huêng Ueh, bunuyh êng dơn dơi nau ngơi gĭt rbăng.

I Kôrintô 13:2

Nđâp tơlah gâp geh nau yô̆ ngơi nau mbơh lor jêh ri gĭt lĕ nau khlay ndâp jêh ri lĕ nau gĭt rbăng; nđâp tơlah gâp geh lĕ nau chroh kŏ tât dơi trơn yôk, ƀiălah mâu geh nau rŏng, gâp mâu geh nau khlay.

I Kôrintô 13:8

Nau rŏng mâu blau dŭt ôh. Lĕ nau mbơh lor mra lôch, nau dơi ăn ngơi nau bu năch mra nsrŭng, nau gĭt rbăng mra rlau lôch.

I Kôrintô 14:12

Khân may tâm ban lĕ, yorlah ŭch tâm nau rêh huêng, khân may joi hom gay ma geh âk rmeh lĕ nau dơi ăn, gay ma ndâk njêng Phung Ngih Brah Ndu.

I Kôrintô 4:7

Yorlah mbu moh saơ khân may blau lơn ma bunuyh ƀaƀă? Moh ndơ khân may geh dĭng khân may mâu sŏk dơn? Tơlah khân may sŏk dơn jêh, mâm ƀư khân may hôm ngơi hưn nâm bu khân may ê hŏ sŏk dơn?

II Kôrintô 7:7

mâu knŏng yor nau Y-Tit tât dơm, ƀiălah yor ma nau bonh leng păng nơm hŏ dơn jêh bơh khân may đŏng. Păng lah đah hên jêh ma nau kâp gân, nau rngot rvê, jêh ri nuih n'hâm khân may duh nđơr ma gâp, ƀư ăn gâp geh nau răm maak âk lơn.

II Kôrintô 8:6

Yor ri, hên ntrôl jêh Y-Tit ƀư lôch hom nau kan ăn ndơ yô̆ aơ ta nklang khân may nâm bu păng ntơm ƀư jêh.

II Kôrintô 9:14

Bi khân păng mra mbơh sơm ma khân may jêh ri rŏng khân may, yorlah nau yô̆ khlay ngăn Brah Ndu ăn jêh ma khân may.

II Kôrintô 9:8

Brah Ndu geh nau dơi ăn ma khân may nau yô̆ âk rmeh gay ƀư tŏng lĕ rngôch nau khân may ŭch, lŏ geh âk rmeh gay ƀư ăp ntil kan ueh,

Êphêsô 4:29

Lơi ăn du nau ngơi mhĭk luh tă bơh trôm mbung khân may ôh, ƀiălah tơlah khư ngơi, ngơi hom lĕ nau ngơi ueh, geh nau ndâk njêng gay djôt leo nau ueh tât ma phung gŭ iăt.

Philip 1:11

geh bêng ma play nau sŏng srăng bơh Yêsu Krist gay mât ton jêh ri nau tâm rnê ma Brah Ndu.

Philip 1:9

Tâm nau gâp dăn mbơh sơm, nây jêng nau rŏng khân may lơ nar lơ hao lơn, ndrel ma nau gĭt rbăng jêh ri lĕ rngôch gĭt vât jru ngăn,

II Têsalônik 1:3

Hơi phung oh nâu, ăn hên lah ueh ma Brah Ndu ƀaƀơ yor ma khân may; jêh ri nau aơ jêng di ngăn, yorlah nau chroh khân may văch ma toyh âk ngăn, jêh ri nau rŏng ăp nơm tâm khân may đah ndrăng khân may nơm lơ hô văch ma toyh lơn.

II Timôthê 2:1

Pôri hơi kon, rnơm hom nau yô̆ tâm Brah Yêsu Krist gay ma ƀư ktang ma may nơm.

ហេឞ្រើ 12:28

Yor nây, yor he sŏk dơn du ƀon bri hađăch mâu dơi mpât n'gơ ôh, ăn he gĭt nau lah ueh jêh ri sŏk nuih n'hâm klach yơk tâm nau pah kan ma Brah Ndu gay ƀư maak nuih n'hâm ma Păng;

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

II Pêtrôs 3:18

Ƀiălah ăn khân may văch ma toyh tâm nau yô̆ jêh ri nau gĭt rbăng Kôranh Brah jêh ri Nơm Tâm Rklaih he jêng Brah Yêsu Krist. Mbơh sơm dăn nau chrêk rmah jêng ndơ Păng, ntơm aƀaơ ma tât n'ho ro! Amen.

Nau Tâm Mpơl 3:17

May lah: ‘Gâp ndrŏng, gâp geh âk drăp ndơ, gâp mâu pưt ndơ ôh.’ Ƀiălah may mâu gĭt ma may nơm geh nau rêh ni, yô̆ nđach ngăn, o ach, chieh măt jêh ri rhôk.