II Kôrintô 8:12 - Nau Brah Ndu Ngơi 2023

¹² Tơlah du huê nuyh geh nuih n'hâm ŭch nhhơr pôri ndơ păng nhhơr bu mra dơn, tĭng nâm ndơ khân păng geh, mâu di tĭng nâm ndơ khân păng mâu geh ôh.

Bunong Bible Latin Script Cambodian dialect

¹² Lah bân geh nuih n'hâm ŭch ăn, Kôranh Brah răm maak ma ndơ i ăp nơm dơi ăn, Păng mâu ôh ŭch bân ăn rlau ma ndơ bân geh.

Bunong

¹² លាស​ឞ៝ន់​គែស​នូយ្ស​នហ៝ម់​អុច​អ៝ន់ កោរាញ​ឞ្រាស​រាម់​មអាក​មា​នទើ​អី​អាប់​នើម​ទើយ​អ៝ន់ ពាង់​មោ​អោស​អុច​ឞ៝ន់​អ៝ន់​រាលាវ​មា​នទើ​ឞ៝ន់​គែស។

II Kôrintô 8:12 ပူးပေါင်းရင်းမြစ်များ

II Nau Rêh Jêng 6:8

Ƀiălah Brah Yêhôva lah jêh ma Y-Đavit, mbơ̆ gâp, pô aơ: ‘May geh nau mĭn ŭch ndâk du ngih brah ma amoh Gâp, nau ŭch nây jêng ueh ngăn.

Nau Ngluh Êjipt 25:2

“Lah hom ma phung ƀon lan Israel nhhơr ndơ ma Gâp. Khân may sŏk dơn ndơ nhhơr bơh lĕ rngôch mbu geh nuih n'hâm nhhơr.

Nau Ngluh Êjipt 35:24

Mbu geh moh ndơ ma prăk mâu lah kông dơi ƀư ndơ nhhơr ma Brah Yêhôva; mbu geh si akasi dơi dŏng ma moh nau kan njŭn nhhơr dĭng lĕ.

Nau Ngluh Êjipt 35:29

Lĕ rngôch phung ƀon lan Israel, lĕ rngôch bu ur nđâp bu klâu, geh nuih n'hâm sŭk nsôr ŭch nhhơr moh ntil ndơ tâm lĕ nau kan Brah Yêhôva hŏ ntĭnh jêh ma Y-Môis, ŭch da dê tât nhhơr ma Brah Yêhôva.

Nau Ngluh Êjipt 35:5

Sŏk hom tă bơh khân may drăp ndơ nhhơr ma Brah Yêhôva. Mbu nơm geh nuih n'hâm lŏng, djôt leo hom ndơ nhhơr ma Brah Yêhôva tâm ban mah, prăk jêh ri kông;

Nau Hôr 19:22

Nau bu gay ŭch ma du huê bunuyh jêng nuih n'hâm răp jăp, Ueh lơn ƀư bunuyh o ach rlau lơn jêng nơm ngơi mƀruh.

Mathay 25:17

Bunuyh dơn jêh bar talâng, dơi ntop bar talâng đŏng.

Mathay 25:22

Bunuyh hŏ dơn jêh bar talâng văch đŏng jêh ri lah: ‘Hơi kôranh, may jao jêh ma gâp bar talâng, aơ, gâp geh n'hao ntop bar talâng đŏng.’

Luka 16:10

Mbu nơm răp jăp tâm kan dŭt jê̆, răp jăp đŏng tâm kan toyh, mbu nơm kue tâm nau dŭt jê̆, kue đŏng tâm kan toyh.

II Kôrintô 8:11

Lah ndrĭ, aƀaơ aơ ƀư lôch hom nau aơ gay nau khân may ŭch dơi geh lah ƀư rĭng nau nây tĭng nâm nau khân may dơi.

II Kôrintô 8:13

Gâp mâu ŭch ôh phung êng geh nau n'gơch, ƀư jâk âk ma khân may, ƀiălah gâp ŭch geh tâm ban da dê.

II Kôrintô 8:19

Mâu di knŏng dŭm nĕ, bunuyh nây dơi geh Phung Ngih Brah Ndu đă hăn ndrel ma hên tâm nau pah kan ăn ndơ tâm kơl aơ, jêng nau kan hên dôl ƀư, yorlah nau chrêk rmah ma Kôranh Brah jêh ri gay tâm mpơl hên geh nuih n'hâm duh nđơr.

II Kôrintô 9:7

Pôri ăn ăp nơm nhhơr tĭng nâm nau păng hŏ mĭn jêh tâm nuih n'hâm, mâu geh lah ăn ma nau rngot, mâu lah ma nau nchâp ôh, yorlah Brah Ndu rŏng ma mbu nơm nhhơr ma nau maak.

I Pêtrôs 4:10

Ăp nơm dŏng hom nau dơi he hŏ dơn jêh gay pah kan ndrăng khân may, nâm bu bunuyh mât uănh răp jăp blau dŏng nau yô̆ bơh Brah Ndu tâm âk trong êng êng.