II Kôrintô 7:11 - Nau Brah Ndu Ngơi 2023

¹¹ Pôri, khân may uănh hom, nau rngot rvê tĭng nâm nau Brah Ndu ŭch njêng jêh tâm khân may geh nuih n'hâm duh nđơr! Mâu knŏng kơt nây dơm, ƀiălah lĕ nau srôih ƀư kloh khân may nơm, nau ji nuih, klach kir, kâp gân nau duh nđơr, nau nduyh nkra đŏng! Khân may tâm mpơl jêh tâm lĕ rngôch bunuyh ma khân may mâu geh tih tâm kan nây.

Bunong Bible Latin Script Cambodian dialect

¹¹ Lŏng khân ay may mân, nau i khân ay may rngot nây nơh moh ƀă geh nau khlay ma khân ay may: Khân ay may ŭch ngăn jan ăn ueh rgâl lơi nau i djơh nơh, khân ay may ji nuih ngăn ma nau djơh i nây, khân ay may klach Kôranh Brah tê̆ dôih khân ay may nđâp ma bunuyh i nây, khân ay may ŭch mâp gâp ngăn, khân ay may ŭch ngăn tê̆ dôih ma bunuyh i nây. Dâng lĕ nau i nây jêng nhhơ n'hêl nanê̆ ngăn khân ay may mâu ôh geh nau tih ta nau i nây.

Bunong

¹¹ ល៝ង់​ខាន់​អៃ​មៃ​មឹន នាវ​អី​ខាន់​អៃ​មៃ​រាង៝ត​នៃ​នើស​ម៝ស​បាៈ​គែស​នាវ​ខ្លៃ​មា​ខាន់​អៃ​មៃ៖ ខាន់​អៃ​មៃ​អុច​ងាន់​ជាន​អ៝ន់​អ្វែស​រាគ៝ល់​លើយ​នាវ​អី​អ្យើស​នើស ខាន់​អៃ​មៃ​ជី​នូយ្ស​ងាន់​មា​នាវ​អ្យើស​អី​នៃ ខាន់​អៃ​មៃ​ក្លាច​កោរាញ​ឞ្រាស​តេៈ​ទោយ្ស​ខាន់​អៃ​មៃ​នអ៝ប់​មា​ឞូនុយ្ស​អី​នៃ ខាន់​អៃ​មៃ​អុច​ម៝ប់​គ៝ប់​ងាន់ ខាន់​អៃ​មៃ​អុច​ងាន់​តេៈ​ទោយ្ស​មា​ឞូនុយ្ស​អី​នៃ។ ទឹង​លែៈ​នាវ​អី​នៃ​ជេង​ញហើ​នហេល​នានេៈ​ងាន់​ខាន់​អៃ​មៃ​មោ​អោស​គែស​នាវ​តីស​តា​នាវ​អី​នៃ។

II Kôrintô 7:11 ပူးပေါင်းရင်းမြစ်များ

Nêhêmi 13:25

Gâp nduyh jêh ri rak rtăp khân păng, gâp dong mbang bar pe nuyh mâu lah tôch sŏk khân păng jêh ri lah khân păng sơm ton knŏng ma amoh Brah Ndu pô aơ: “Khân may mâu mra mbloh ôh kon druh khân may đah kon ndăm khân păng mâu lah nđăp kon bu ur druh khân păng đah kon bu klâu ndăm khân may mâu lah ma săk jăn khân may nơm!

Ndrom Samƀŭt bơh Yôp 42:6

Yor nây, gâp tâm rmot êng gâp nơm. Jêh ri rmal nau tih tâm ndruyh neh.”

Nau Mprơ Ơm 119:139

Nuih n'hâm duh nđơr ƀư hŭch gâp, Yorlah phung tŭn jot gâp hŏ chuêl jêh nau May ngơi.

Nau Mprơ Ơm 130:6

Huêng gâp kâp gân ma Kôranh Brah Rlau lơn ma phung tahan gak kâp ang ôi, Nanê̆ rlau lơn ma phung tahan gak kâp ang ôi.

Nau Mprơ Ơm 145:19

Păng ƀư mpay ma phung klach yơk Păng, Tăng đŏng nau khân păng kuăl dăn jêh ri rklaih an khân păng.

Nau Mprơ Ơm 2:11

Pah kan hom ma Brah Yêhôva ma nuih n'hâm klach yơk, Maak răm hom ma nuih n'hâm râm nsâr.

Nau Mprơ Ơm 35:13

Tơlah khân păng ji kuet, Gâp nsoh ao ƀau, Ver sông sa, nchâp ma huêng gâp. Nau gâp mbơh sơm plơ̆ sĭt ta ntang ntơh gâp.

Nau Mprơ Ơm 38:9

Ơ Kôranh Brah! Lĕ rngôch nau gâp ŭch gŭ tanăp May da dê. Nau gâp nter mâu dơi pôn ma May ôh.

Nau Mprơ Ơm 42:1

Ơ Brah Ndu! Huêng gâp ŭch mĭn ma May, Tâm ban ma du mlâm jun me ji hir n'hor dak.

Nau Mprơ Ơm 69:9

Yorlah nau duh nđơr ma Ngih May su lơi gâp, Nau bêk prêng phung bêk prêng May hŏ nkhŭt jêh tâm gâp.

Nau Hôr 14:16

Bunuyh blau mĭn klach nau mhĭk jêh ri der ngai, Ƀiălah bunuyh rluk ƀư sưr jêh ri mâu ôh blau njrăng.

Nau Hôr 28:14

Bunuyh klach yơk ma Kôranh Brah dơi geh nau ueh uĭn ƀaƀơ; Bi ma nơm dăng nuih n'hâm mra tŭp tâm nau rêh ni.

Nau Mprơ Ueh 8:6

Dăn n'gân gâp nâm bu ndơ tâp pŏng tâm play nuih may, Nâm bu ndơ tâp pŏng ta klơ tur ti may; Yorlah nau rŏng ŭch ngăn ktang nâm bu nau khĭt, Nuih n'hâm ntôn ktang ngăn nâm bu ƀon phung khĭt. Ŭnh nau rŏng hit n'gă ang, Nâm bu mpiăt ŭnh Brah Yêhôva.

Êsai 26:8

Ơ Brah Yêhôva, ngăn yơh, ta trong nau May phat dôih. Hên kâp gân May; Huêng hên ji hir ma May Ma amoh May jêh ri nau kah gĭt ndray ma May.

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Daniel 6:14

Tơlah tăng nau nây hađăch ji nuih n'hâm ngăn jêh ri joi trong gay ma tâm rklaih Y-Daniel. Kŏ tât nar nhâp hađăch ăt hôm gŭ joi trong tâm rklaih păng.

Markôs 3:5

Păng uănh ma khân păng, ji nuih ƀă rngot ƀă yor nuih n'hâm khân păng dăng ngăn, jêh ri Păng lah ma bunuyh siăr ti: “Yơr ti may.” Nơm nây yơr ti ro, ti păng bah.

Yôhan 2:17

Phung oh mon Păng kah gĭt tay nau hŏ nchih jêh: “Nuih n'hâm duh nđơr ma ngih Kôranh Brah su gâp.”

Kôranh Oh Mon 17:16

Rnôk nây, Y-Pôl gŭ kâp Y-Silas jêh ri Y-Timôthê ta ƀon Athen, păng ji nuih lah saơ ƀon nây bêng ma rup brah.

Samƀŭt Pôl Njuăl Ăn Ma Phung Nsing Ta Ƀon Rôm 11:20

Di ngăn. Bu koh lơi jêh lĕ n'gĭng nây, yorlah nuih n'hâm khân păng mâu chroh, bi may knŏng dâk nâp yor nau chroh. Lơi sưr rlau, ƀiălah klach hom.

Samƀŭt Pôl Njuăl Ăn Ma Phung Nsing Ta Ƀon Rôm 14:18

Mbu nơm pah kan ma Brah Krist tâm ban pônây ƀư maak nuih n'hâm Brah Ndu jêh ri bu yơk ma bunuyh nây.

Samƀŭt Pôl Njuăl Ăn Ma Phung Nsing Ta Ƀon Rôm 3:5

Ƀiălah tơlah nau mâu sŏng srăng he tâm mpơl nau sŏng srăng Brah Ndu, mâm he mra lah? Di lĕ Brah Ndu mâu sŏng tơlah Păng nkhŭt nau ji nuih klơ he mâu lah mâu? (Gâp ngơi tĭng nâm bunuyh ngơi).

I Kôrintô 12:25

gay ma mâu geh nau tâm nkhah tâm pă tâm săk jăn ôh, ƀiălah lĕ kô̆ tâm săk jăn geh nau rvê ndrel ma ndrăng khân păng.

I Kôrintô 5:13

Brah Ndu mra phat dôih ma phung padih. “Ngluh lơi hom phung bunuyh djơh mhĭk luh bơh khân may.”

I Kôrintô 5:2

Jêh ri khân may bêng ma nau sưr! Ueh lơn khân may nhĭm nhhiăng jêh ri nsot lơi nơm ƀư nau nây luh bơh khân may.

II Kôrintô 13:7

Ƀiălah gâp mbơh sơm dăn ma Brah Ndu gay ma khân may mâu ƀư du ntil nau tih ôh, mâu di gay ma mpơl hên dơi geh nau di, ƀiălah gay ma khân may dơi ƀư lĕ nau ueh, nđâp tơlah bu uănh hên tâm ban mâu geh tât nau tâm nal.

II Kôrintô 2:6

Bunuyh nây geh nau tâm rmal bơh âk bunuyh tâm phung khân may kơt nây jêng tŏng jêh.

II Kôrintô 6:4

Ƀiălah tâm lĕ rngôch nau, hên tâm mpơl hên nơm jêng oh mon Brah Ndu: ma nau srôih âk ngăn tâm nau rêh ni, tâm nau hŏt rgănh, tâm nau jâk jêr,

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

II Kôrintô 7:7

mâu knŏng yor nau Y-Tit tât dơm, ƀiălah yor ma nau bonh leng păng nơm hŏ dơn jêh bơh khân may đŏng. Păng lah đah hên jêh ma nau kâp gân, nau rngot rvê, jêh ri nuih n'hâm khân may duh nđơr ma gâp, ƀư ăn gâp geh nau răm maak âk lơn.

II Kôrintô 7:9

ri mơ aƀaơ aơ gâp răm maak. Gâp maak mâu di yor khân may geh nau rngot rvê ôh, ƀiălah yor nau rngot rvê khân may njŭn leo jêh ma nau rmal nau tih. Nanê̆ ngăn, khân may rngot rvê jêh tĭng nâm nau Brah Ndu ŭch; pônây, hên mâu ƀư nau roh ma khân may.

II Kôrintô 9:2

Yorlah gâp gĭt jêh ma nuih n'hâm lŏng khân may, jêh ri gâp tâm mpơl ma khân may đah phung Masêđôn ma phung Akai rơm ndrăp jêh bơh năm e, nuih n'hâm duh nđơr tâm n'hao nuih khân may hŏ ntrôl âk bunuyh.

Êphêsô 4:26

Tơlah khân may duh nuih, lơi ƀư tih ôh; lơi ji nuih tât nar nhâp,

Êphêsô 5:11

Lơi pah ndrel ôh lĕ nau kan mâu khlay bơh nau ngo; ueh lơn, ăn khân may nduyh khân păng;

Philip 2:12

Pôri, hơi phung oh nâu gâp rŏng ngăn ngên, nâm bu khân may vay tông bâr ƀaƀơ, mâu di knŏng nôk gâp geh măt, ƀiălah aƀaơ aơ, dôl gâp ndŭt măt, lơ hô tông bâr lơn đŏng; sŏk hom nau klach râm sâr gay ƀư lôch jêh nau tâm rklaih khân may nơm.

I Têsalônik 4:6

Tâm ntil nau aơ, lơi ăn geh bunuyh ƀư tih, mâu lah ndơm oh nâu păng nơm; yorlah Kôranh Brah jêng Nơm phat dôih tâm rmal ma lĕ nau nây, nâm bu hên hŏ lah lor jêh ri mbơh jêh ma khân may.

I Timôthê 5:20

Mpơl hom nau nduyh ma phung bunuyh vay ƀư tih, gay ma phung êng klach đŏng.

II Timôthê 2:15

Nsrôih pah kan hom gay ma maak nuih n'hâm Brah Ndu tâm ban bunuyh pah kan mâu mra geh nau đit prêng ôh, ma nau sŏng gay ma nti lah nau ngăn.

Titus 3:8

Aơ jêng nau ngơi ngăn. Gâp ŭch ma may ƀư ngăn lĕ nau aơ, gay ma phung chroh jêh ma Brah Ndu mra nsrôih ƀư kan ueh jêh ri khlay ma lĕ rngôch bunuyh.

ហេឞ្រើ 4:1

Pôri, dôl geh nau ton ăn lăp tâm nau rlu Kôranh Brah ăt hôm nây, ăn he klach hom gay lơi geh du huê tâm phung he mâu geh nau di.

Yakơ 3:17

Ƀiălah nau blau mĭn tă bơh klơ trôk, lor lơn jêng kloh, jêh nây đăp mpăn, rdơ̆ rbăn, nuih n'hâm blau iăt nau bu, nuih n'hâm bêng ma nau yô̆ jêh ri kao play ueh, mâu geh nau ngơi bar mâu lah mƀruh ndơm ôh.

I Pêtrôs 1:17

Tơlah khân may mbơh Păng jêng Mbơ̆, Nơm mâu chrê du huê jêh ri phat dôih ăp nơm tĭng nâm nau khân păng ƀư, pôri djôt leo hom nuih n'hâm klach yơk gay gŭ rêh tâm rnôk gŭ njưh aơ.

I Pêtrôs 2:2

Khân may ji hir hom ma dak toh brah kloh rsang nâm bu kon se mhe deh, gay tă bơh nĕ khân may văch ma toyh ma nau tâm rklaih,

Yuđas 1:23

tâm rklaih hom phung êng têk khân păng luh bơh ŭnh; jêh ri ma phung êng đŏng, geh hom nuih n'hâm yô̆ nđach nđâp nau klach, tâm rmot nđâp ma du blah ao nglay săk ƀư ƀơ̆ ƀơch jêh.

Nau Tâm Mpơl 3:19

Lĕ rngôch phung Gâp rŏng Gâp nduyh, nduyh nkra; pôri, duh nđơr hom jêh ri rmal hom nau tih!