II Kôrintô 6:6 - Nau Brah Ndu Ngơi 2023

⁶ tâm nau kloh rsang, nau gĭt rbăng, nau srôih, nau ueh, tâm Brah Huêng Ueh, tâm nau rŏng răp jăp,

Bunong Bible Latin Script Cambodian dialect

⁶ Hên nhhơ ăn bu say hên bunuyh sơm kơl jan kar ma Kôranh Brah ngăn ngên ma nau gŭ ngao ueh, ma nau gĭt năl Kôranh Brah, ma nau blao ăt nuih, ma nau jan ueh ma bu, ma nau Brah Huêng Ueh i kloh ueh gŭ ndrel hên, ma nau geh nuih n'hâm rŏng ma bu răp jăp,

Bunong

⁶ ហេន​ញហើ​អ៝ន់​ឞូ​ឆៃ​ហេន​ឞូនុយ្ស​ឆើម​កើល​ជាន​ការ​មា​កោរាញ​ឞ្រាស​ងាន់​ងេន​មា​នាវ​គុ​ងាវ​អ្វែស មា​នាវ​គឹត​នាល់​កោរាញ​ឞ្រាស មា​នាវ​ឞ្លាវ​អ៝ត់​នូយ្ស មា​នាវ​ជាន​អ្វែស​មា​ឞូ មា​នាវ​ឞ្រាស​ហ្វេង​អ្វែស​អី​ក្ល៝ស​អ្វែស​គុ​នទ្រែល​ហេន មា​នាវ​គែស​នូយ្ស​នហ៝ម់​រ៝ង់​មា​ឞូ​រាប់​ជាប់‌

II Kôrintô 6:6 ပူးပေါင်းရင်းမြစ်များ

Êsêkiêl 33:31

Khân păng n'hoch lĕ rngôch mpôl văch ma may; phung ƀon lan Gâp gŭ tanăp măt may jêh ri iăt nau may ƀiălah khân păng mâu tĭng ƀư ôh. Mbung khân păng ngơi âk bêng ma nau rŏng ƀiălah nuih n'hâm knŏng joi nau mâu tâm di.

Samƀŭt Pôl Njuăl Ăn Ma Phung Nsing Ta Ƀon Rôm 12:9

Ăn nau rŏng khân may jêng ngăn. Tâm rmot hom ma nau mhĭk, ndrel ma nau ueh.

Samƀŭt Pôl Njuăl Ăn Ma Phung Nsing Ta Ƀon Rôm 15:19

ma nau brah khlay ngăn jêh ri nau mbên khlay, ma nau dơi Brah Huêng Ueh Brah Ndu, gâp hŏ mbơh âk bunuyh gĭt Nau Mhe Mhan Ueh Brah Yêsu Krist lam ntŭk, tă bơh ƀon Yêrusalem jêh ri n'gor văr jŭm ma tât ta n'gor Iliri.

I Kôrintô 12:8

Ma bunuyh aơ geh Brah Huêng Ueh ăn ma nau ngơi blau mĭn, tă bơh nguay Brah Huêng Ueh, bunuyh êng dơn dơi nau ngơi gĭt rbăng.

I Kôrintô 13:4

Nau rŏng blau ŭn nuih, nau rŏng vay ƀư nau ueh; nau rŏng mâu geh tâm mâu nach, mâu lah n'hao êng păng nơm, mâu sưr rlau,

I Kôrintô 2:16

“Yorlah mbu nơm gĭt năl jêh nau mĭn Kôranh Brah, Gay ma sâm ntĭm an Păng?” Ƀiălah hên geh nau mĭn Brah Krist.

I Kôrintô 2:4

Nau gâp ngơi, nau gâp nti lah mâu nsing ma lĕ nau blau gay ma nsŭk nsôr ôh, ƀiălah gay ma tâm mpơl nau brah Brah Huêng Ueh;

II Kôrintô 1:23

Gâp mbơh sơm dăn Brah Ndu mbơh ma huêng gâp, yorlah chrê khân may rĭ dĭng gâp ê hŏ hăn tât ma ƀon Kôrintô.

II Kôrintô 11:11

Mâm ƀư kơt nĕ? Yorlah gâp mâu rŏng ma khân may hĕ? Brah Ndu gĭt nau nây!

II Kôrintô 11:4

Yorlah, tơlah bu văch mbơh nkoch ma khân may du huê Brah Yêsu êng ma Brah Yêsu hên mbơh nkoch jêh, mâu lah tơlah khân may sŏk dơn jêh du huêng êng đah Brah Huêng Ueh khân may sŏk dơn jêh, mâu lah tơlah sŏk dơn du nau mhe mhan ueh êng ma Nau Mhe Mhan Ueh khân may sŏk dơn jêh, pôri n'hêl nanê̆ khân may ndrăp gay dơn!

II Kôrintô 11:6

Nau gâp ngơi nđâp lah mâu blau ngơi ueh kđôi, ƀiălah nau gĭt rbăng mâu jê̆ ôh. Gâp hŏ mpơl rah vah jêh nau nây tâm lĕ rngôch nau geh jêh ri ta nklang lĕ rngôch bunuyh.

II Kôrintô 12:15

Gâp maak ngăn dŏng mpŭng moh ndơ gâp geh, suăt lĕ nau dăng ktang yor huêng khân may. Tơlah gâp rŏng ma khân may lơ âk lơn, mâm ƀư khân may rŏng ma gâp lơ hô djê̆?

II Kôrintô 13:10

Yor ri, nôk ndŭt măt, gâp nchih nau aơ gay nôk gâp geh măt, gay gâp mâu ƀư janh nau dơi Kôranh Brah ăn jêh ma gâp, jêng nau dơi gay ndâk njêng khân may, mâu di gay ƀư rai ôh.

II Kôrintô 2:10

Ƀiălah mbu nơm khân may yô̆ an, gâp yô̆ an lĕ. Tơlah moh ndơ gâp yô̆ an jêh, gâp ƀư pônây yor khân may tanăp Brah Krist,

II Kôrintô 2:4

Nôk nchih jêh ma khân may, nuih n'hâm gâp rngot rvê, ji kruăt rêt jêh ri ma âk dak măt; mâu di gay ƀư ma khân may rngot rvê ôh, ƀiălah gay ma khân may gĭt nau gâp rŏng ma khân may jru ngăn.

II Kôrintô 3:3

Rah vah ngăn khân may jêng blah samƀŭt bơh Brah Krist, nchih jêh tă bơh nau pah kan hên, mâu di nchih ma dak ôch, ƀiălah ma Brah Huêng Ueh Brah Ndu gŭ rêh mro mrăng; mâu di nchih ta kađar lŭ, ƀiălah nchih ta lĕ kađar nuih n'hâm kon bunuyh.

II Kôrintô 4:6

Yorlah Brah Ndu jêng Nơm lah pô aơ: “Ăn nau ang sol bơh nau ngo,” hŏ sol ang jêh tâm nuih n'hâm hên, ăn nau ang gay ma gĭt rbăng nau chrêk rmah Brah Ndu ta muh măt Brah Yêsu Krist.

II Kôrintô 7:2

Prăp hom ma hên du ntŭk tâm nuih n'hâm khân may. Hên mâu mâp ƀư mhĭk ma bu ôh, mâu ƀư rai bu ôh, mâu mâp sa ndô ndơ bu ôh.

Galati 3:2

Gâp knŏng ŭch khân may ăn ma gâp gĭt nau aơ: Khân may sŏk dơn jêh Brah Huêng Ueh jêng tă bơh kan nau vay hĕ mâu lah tă bơh nau tăng jêh ri chroh?

Galati 3:5

Nơm ăn Brah Huêng Ueh jêh ri ƀư âk nau mbên khlay ta nklang khân may, jêng yor ma khân may ƀư tĭng nau vay, mâu lah yor ma nau tăng jêh ri chroh?

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Êphêsô 3:4

Dôl rŏ tât nau nây, khân may klăp lah dơi gĭt nau gâp gĭt rbăng ma nau khlay ndâp tâm Brah Krist,

Êphêsô 4:2

Ăn dŭt dêh rhêt, rdơ̆ rbăn jêh ri nau srôih, ăn khân may ŭn nuih ndrăng khân may tâm nau rŏng.

Êphêsô 4:32

Ăn khân may gŭ ngao tâm nau ueh jêh ri nau rdơ̆ rbăn, yô̆ an ndrăng khân may nâm bu Brah Ndu yô̆ an jêh ma khân may tâm Brah Krist.

Kôlôh 1:27

Yor Brah Ndu ŭch khân may mpơl nau rmeh ler jêh ri nau chrêk rmah nau khlay ndâp nây ta nklang phung bu năch, nây jêng Brah Krist gŭ tâm khân may, jêng nau kâp gân ma nau chrêk rmah.

Kôlôh 2:3

tâm Păng pôn prăp lĕ rngôch drăp ndơ khlay ma nau blau mĭn jêh ri nau gĭt rbăng.

Kôlôh 3:12

Khân may jêng phung bunuyh Brah Ndu săch, jêng phung kloh ueh jêh ri phung Brah Ndu rŏng ngăn ngên. Pôri, nsoh hom nuih n'hâm yô̆ nđach, nuih n'hâm ueh, nau dêh rhêt, nau rdơ̆ rbăn, nau srôih.

I Têsalônik 2:10

Khân may mbơh nkoch, jêh ri Brah Ndu mbơh đŏng pô aơ ma khân may jêng phung chroh, hên hŏ gŭ ngao tâm nau kloh, nau sŏng srăng jêh ri mâu geh nau nduyh ôh.

I Timôthê 4:12

Lơi ăn bu rmot may yor may hôm druh ndăm, ƀiălah ăn may sŏk nau ngơi, nau gŭ ngao, nuih n'hâm rŏng, nau chroh jêh ri nau kloh rsang gay ma ƀư leo trong ma phung chroh.

I Timôthê 5:2

phung bu ur ranh tâm ban ma mê̆, phung bu ur druh tâm ban ma oh ruh, ma lĕ rngôch nau kloh ngăn.

II Timôthê 3:10

Bi ma may, may tĭng jêh nau ntĭm nti, nau gŭ ngao, nau ŭch gŭ rêh, nau chroh, nau srôih, nau rŏng, nuih n'hâm gâp nâp;

II Timôthê 4:2

Mbơh nkoch hom nau ngơi Brah Ndu, srôih hom nđâp lah tâm mông găl mâu lah mâu mông găl, sŭk nsôr hom, nduyh, n'hao nuih ma nuih n'hâm srôih jêh ri nau ntĭm nti.

Titus 2:7

Tâm lĕ rngôch nau, may jêng nơm leo trong tâm lĕ nau kan ueh jêh ri tâm mpơl nau di, ăn gŭ ngao ueh lah may ntĭm nti;

Yakơ 3:17

Ƀiălah nau blau mĭn tă bơh klơ trôk, lor lơn jêng kloh, jêh nây đăp mpăn, rdơ̆ rbăn, nuih n'hâm blau iăt nau bu, nuih n'hâm bêng ma nau yô̆ jêh ri kao play ueh, mâu geh nau ngơi bar mâu lah mƀruh ndơm ôh.

I Pêtrôs 1:12

Geh nau tâm mpơl ma phung mbơh lor gĭt năl pô aơ khân păng mâu di pah kan ma khân păng nơm ôh, ƀiălah pah kan ma khân may yơh ma lĕ nau aƀaơ aơ mbơh jêh ma khân may tă bơh phung bunuyh, rnơm jêh Brah Huêng Ueh jêng Nơm dơi njuăl jŭr tă bơh trôk, mbơh nkoch Nau Mhe Mhan Ueh ma khân may. Phung tông mpăr yơh ŭch uănh saơ lĕ nau nây lĕ.

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

I Yôhan 3:18

Hơi phung kon jê̆, lơi rŏng tâm nau ngơi jêh ri ta mbung mpiăt, ƀiălah rŏng hom tâm nau kan jêh ri ma nau nanê̆ ngăn.

Phung Kôranh Phat Dôih 16:15

Rnôk nây, păng lah ma Y-Samsôn: “Mâm may dơi lah ‘gâp rŏng ma ay,’ tâm nôk nuih n'hâm may mâu geh ndrel ma gâp? May ndơm ma gâp pe tơ̆, jêh ri may mâu lah ôh ma gâp gĭt mbah tă may geh nau ktang toyh kơt nĕ.”