II Kôrintô 6:4 - Nau Brah Ndu Ngơi 2023

⁴ Ƀiălah tâm lĕ rngôch nau, hên tâm mpơl hên nơm jêng oh mon Brah Ndu: ma nau srôih âk ngăn tâm nau rêh ni, tâm nau hŏt rgănh, tâm nau jâk jêr,

Bunong Bible Latin Script Cambodian dialect

⁴ Dâng lĕ ndơ hên jan, hên nhhơ ăn bu say hên bunuyh sơm kơl jan kar ma Kôranh Brah ngăn ngên: Ta nau gŭ nâp ta nau nsing, bol lah geh ăp ntil nau jêr jŏt, mâp ma nau rêh rnhăl, nau nklŏn rvê,

Bunong

⁴ ទឹង​លែៈ​នទើ​ហេន​ជាន ហេន​ញហើ​អ៝ន់​ឞូ​ឆៃ​ហេន​ឞូនុយ្ស​ឆើម​កើល​ជាន​ការ​មា​កោរាញ​ឞ្រាស​ងាន់​ងេន៖ តា​នាវ​គុ​ន៝ប់​តា​នាវ​ញឆីង ឞ៝ល​លាស​គែស​អាប់​នតីល​នាវ​ជេរ​ជ៝ត់ ម៝ប់​មា​នាវ​រេស​រាញាល់ នាវ​ងក្ល៝ន់​រាវៃ‌

II Kôrintô 6:4 ပူးပေါင်းရင်းမြစ်များ

Êsai 61:6

Bi khân may bu mra rnha khân may phung kôranh ƀư brah ma Brah Yêhôva, Bu mra kuăl khân may jêng phung oh mon Brah Ndu he; Khân may mra dơn drăp ndơ bơh lĕ bri dak, Jêh ri sŏk lĕ nau geh jêng khân păng.

Yôel 1:9

Ndơ ƀư brah rnih môi jêh ri ndơ nhhơr nhêt sa bu ngroh lơi tă bơh ngih Brah Yêhôva; Phung kôranh ƀư brah pah kan ma Brah Yêhôva dôl nhĭm vơl.

Yôel 2:17

Phung kôranh ƀư brah jêng phung pah kan ma Brah Yêhôva, Nhhiăng nhĭm hom, nter kuăl ta nklang mpông ngih brah jêh ri ta nơng ƀư brah pô aơ: “Ơ Brah Yêhôva, dăn yô̆ nđach ma ƀon lan May, Lơi ăn drăp ndơn May phung mpôl băl bunuyh ƀư bêk prêng jêh ri mưch gơm. Mâm ăn bu ngơi ta nklang phung mpôl băl bunuyh lah pô aơ: ‘Ta ntŭk gŭ Brah Ndu khân păng?’”

Luka 21:19

Ma nau srôih yơh khân may mra tâm rklaih huêng khân may.

Yôhan 16:33

Gâp lah lĕ nau aơ ma khân may, gay ma khân may geh nau đăp mpăn tâm Gâp. Khân may mra geh nau rêh ni tâm neh ntu, ƀiălah khân may nâp hom nuih n'hâm, Gâp hŏ dơi jêh đah neh ntu.”

Kôranh Oh Mon 2:22

Hơi phung Israel, iăt hom nau gâp ngơi aơ: Brah Yêsu bunuyh Nasaret, Nơm Brah Ndu mbơh ăn nanê̆ tanăp khân may ma lĕ kan nau brah, ma nau khlay jêh ri nau mbên khlay. Bơh Păng, Brah Ndu hŏ ƀư lĕ nau nây ta nklang khân may nâm bu khân may hŏ gĭt rah vah jêh.

Kôranh Oh Mon 20:34

Khân may nơm gĭt jêh, bar mpang ti aơ yơh sâm ăn lĕ nau ŭch ma gâp jêh ri ma phung băl ndrel kan đah gâp.

Kôranh Oh Mon 9:16

Gâp mra tâm mpơl ma păng gĭt âk nau rêh ni, păng mra dơn yor amoh Gâp.”

Samƀŭt Pôl Njuăl Ăn Ma Phung Nsing Ta Ƀon Rôm 14:18

Mbu nơm pah kan ma Brah Krist tâm ban pônây ƀư maak nuih n'hâm Brah Ndu jêh ri bu yơk ma bunuyh nây.

Samƀŭt Pôl Njuăl Ăn Ma Phung Nsing Ta Ƀon Rôm 16:10

Mbah khâl đah Y-Apêlês, nơm dơi sŏk dơn tâm Brah Krist. Mbah khâl đah phung bunuyh gŭ tâm rnăk vâl Y-Aristôbul.

Samƀŭt Pôl Njuăl Ăn Ma Phung Nsing Ta Ƀon Rôm 3:5

Ƀiălah tơlah nau mâu sŏng srăng he tâm mpơl nau sŏng srăng Brah Ndu, mâm he mra lah? Di lĕ Brah Ndu mâu sŏng tơlah Păng nkhŭt nau ji nuih klơ he mâu lah mâu? (Gâp ngơi tĭng nâm bunuyh ngơi).

Samƀŭt Pôl Njuăl Ăn Ma Phung Nsing Ta Ƀon Rôm 5:8

Ƀiălah Brah Ndu tâm mpơl nau Păng rŏng ma he, dôl he hôm jêng bunuyh tih, Brah Krist khĭt ntrok an ma he.

I Kôrintô 3:5

Lah ndrĭ, mbu nơm jêng Y-Apôlôs? Mbu nơm jêng Y-Pôl? Khân păng knŏng jêng phung oh mon, yor ma khân păng yơh khân may chroh jêh, tĭng nâm Kôranh Brah dăp jêh ma ăp nơm.

I Kôrintô 4:1

Pôri, ăn lĕ rngôch bunuyh uănh ma hên nâm bu phung oh mon Brah Krist, phung mât uănh lĕ nau khlay ndâp bơh Brah Ndu.

I Kôrintô 9:11

Tơlah hên srih jêh lĕ nau brah ta nklang phung khân may, pôri nau rek drăp ndơ tă bơh khân may jêng nau toyh ir lĕ ƀơh?

II Kôrintô 11:23

Khân păng jêng phung oh mon ma Brah Krist ƀơh? — Gâp ngơi nâm bu du huê bunuyh rluk mâl — gâp ueh lơn đah khân păng đŏng! Gâp hŏ pah kan hŏt rgănh âk lơn, gŭ ndrung âk lơn, bu dong âk lơn, âk tơ̆ bơi ma khĭt.

II Kôrintô 11:27

dơn nau hŏt rgănh, âk tơ̆ gâp rngeh măng, ji ngot, ji hir, âk tơ̆ ât sông sa, ji kăt ji go, gŭ săk hưl.

II Kôrintô 11:9

Tâm mông gŭ ndrel đah khân may, mâp pưt kƀah, gâp mâu mâp ƀư jêr bu ôh, yorlah phung oh nâu gŭ ta n'gor Masêđôn văch sâm ăn jêh lĕ ndơ gâp pưt. Tâm lĕ nau, gâp njrăng mâu ŭch ƀư jêr ma khân may ôh, jêh ri gâp ăt ƀư tâm ban lĕ.

II Kôrintô 12:10

Yor nây, yor Brah Krist, gâp maak dơn nau rdja, nau suai rak, nau ndĭt trơi, nau bu ƀư mhĭk, nau rêh ni. Yorlah nôk gâp rdja, ta nây gâp jêng ktang.

II Kôrintô 12:12

Lĕ nau mbên ma du huê kôranh oh mon tâm mpơl jêh ta nklang khân may: Nây jêng nau nsrôih dơn, nau mbên khlay, nau khlay, jêh ri lĕ nau brah.

II Kôrintô 2:17

Yorlah, hên mâu tăch rgâl ma nau ngơi Brah Ndu nâm bu âk bunuyh êng. Ƀiălah jêng bunuyh Brah Ndu njuăl hăn, hên mbơh nkoch ma nuih n'hâm răp jăp tâm Brah Krist, tanăp Brah Ndu.

II Kôrintô 3:6

Păng yơh ăn ma hên geh nau blau gay pah kan ma nau tâm rnglăp mhe, mâu di nau tâm rnglăp ma rplay samƀŭt nchih ôh, ƀiălah nau tâm rnglăp tâm Brah Huêng Ueh, yorlah rplay samƀŭt djôt leo nau khĭt, ƀiălah Brah Huêng Ueh ăn nau rêh.

II Kôrintô 4:17

Yorlah nau rêh ni hên n'gơch jêh ri ƀât lât mra djôt ma hên nau chrêk rmah toyh lơn jêh ri n'ho ro,

II Kôrintô 4:2

Hên dun jêh lĕ nau kan ndâp pôn jêh ri khư geh nau bêk prêng; hên mâu sŏk nau ndơm mâu lah nau nchơt nklă nau Brah Ndu ngơi ôh. Ƀiălah, hên rblang rah vah ma nau ngăn, hên ăn ma nuih n'hâm sŏng lĕ rngôch bunuyh tâm nal ma hên tanăp Brah Ndu.

II Kôrintô 4:8

Hên geh nau mpet tâm lĕ rngôch trong, ƀiălah mâu geh nau rchiăt hăch ôh; geh nau răng rŭng, ƀiălah mâu rdja nuih ôh;

II Kôrintô 7:11

Pôri, khân may uănh hom, nau rngot rvê tĭng nâm nau Brah Ndu ŭch njêng jêh tâm khân may geh nuih n'hâm duh nđơr! Mâu knŏng kơt nây dơm, ƀiălah lĕ nau srôih ƀư kloh khân may nơm, nau ji nuih, klach kir, kâp gân nau duh nđơr, nau nduyh nkra đŏng! Khân may tâm mpơl jêh tâm lĕ rngôch bunuyh ma khân may mâu geh tih tâm kan nây.

Kôlôh 1:11

Bơh nau brah chrêk rmah Păng, khân may geh bêng nau ktang gay srôih sŏk dơn lĕ rngôch nau tâm nau răm maak,

Kôlôh 1:24

Aƀaơ gâp răm maak tâm nau rêh ni yor khân may, jêh ri yor săk jăn Păng jêng Phung Ngih Brah Ndu, djôt leo săk jăn gâp nơm ƀư lôch jêh kô̆ hôm e tâm nau rêh ni Brah Krist.

I Têsalônik 3:7

Hơi phung oh nâu, kơt nây tâm lĕ rngôch nau jâk jêr jêh ri nau rêh ni, hên hŏ dơi geh nau tâm bonh leng bơh nau khân may chroh.

I Têsalônik 5:14

Hơi oh nâu, dăn khân may đă hom phung kơr ƀlao, n'hao nuih n'hâm phung rdja, srôih đah lĕ rngôch bunuyh.

I Timôthê 2:15

Nđâp lah pônây, phung bu ur mra geh nau rklaih tâm nôk deh kon, tơlah khân păng gŭ rêh sŏng tâm nau chroh, tâm nau rŏng, jêh ri tâm nau kloh ueh.

I Timôthê 4:6

Tơlah may mbơh lĕ nau aơ ma phung oh nâu, may mra jêng du huê oh mon ueh ma Brah Yêsu Krist, dơi mât rong jêh ma nau chroh jêh ri ma nau nti sŏng ngăn may hŏ tĭng chroh jêh.

I Timôthê 6:11

Ƀiălah hơi Y-Timôthê may jêng bunuyh Brah Ndu, der ngai hom lĕ nau nây jêh ri tĭng joi nau sŏng srăng, nau klach yơk, nau chroh, nau rŏng, nau srôih, nau rdơ̆ rbăn.

II Timôthê 1:8

Pôri, may lơi đit prêng ôh nôk mbơh nkoch Kôranh Brah he, mâu đŏng đit prêng ma gâp, nơm bu nă Păng; ƀiălah nsing hom nau brah Brah Ndu, ndrel ma gâp dơn nau rêh ni yor Nau Mhe Mhan Ueh.

II Timôthê 2:24

Oh mon Kôranh Brah mâu dơi tâm rlăch ôh, ƀiălah ăn geh nau dơh dăch đah lĕ rngôch, geh nau blau nti lah, blau ŭn nuih,

II Timôthê 4:5

Ƀiălah ma kô̆ may, di keh hom tâm lĕ rngôch ndơ, srôih dơn nau hŏt rgănh, pah kan du huê nơm mbơh nkoch Nau Mhe Mhan Ueh jêh ri ƀư rĭng nau kan may nơm.

ហេឞ្រើ 12:1

Pôri, yorlah he geh âk phung mbơh gŭ jŭm nâm bu ndâr tŭk toyh ngăn, ăn he mƀăr lơi lĕ ndơ ƀư jâk jêh ri nau tih kât nơih pơih, ƀiălah srôih nchuăt tâm nau tâm rlong bu pơk jêh ma he.

Nau Tâm Mpơl 1:9

Gâp jêng Y-Yôhan, nâu khân may, bunuyh tâm pă ndrel nau rêh ni, ƀon bri hađăch jêh ri nau srôih ma khân may tâm Brah Yêsu, aƀaơ aơ gâp dôl gŭ ta kôdak rnha jêng Patmôs, yor nau ngơi Brah Ndu jêh ri nau Brah Yêsu mbơh.

Nau Tâm Mpơl 3:10

Yorlah may djôt prăp jêh nau Gâp ntĭm nti ma nau srôih, Gâp ăt mra djôt prăp may bơh mông rlong uănh, jêng mông dăch tât tâm lam neh ntu, gay rlong uănh phung bunuyh gŭ tâm neh ntu.