II Kôrintô 6:16 - Nau Brah Ndu Ngơi 2023

¹⁶ Mâm dơi geh nau tâm rnglăp ngih brah Brah Ndu đah lĕ rup brah? Yorlah he jêng ngih brah Brah Ndu gŭ rêh mro mrăng, nâm bu Brah Ndu lah jêh: “Gâp mra rêh gŭ tâm khân păng jêh ri hăn nsong tâm khân păng; Gâp mra jêng Brah Ndu khân păng, Jêh ri khân păng mra jêng phung ƀon lan Gâp.”

Bunong Bible Latin Script Cambodian dialect

¹⁶ Nhih brah Kôranh Brah nơm đah ma ntŭk ôp brah blao tâm lăp băl đŏng bơh? Yorlah dâng lĕ bân jêng tâm ban ma nhih brah Kôranh Brah nơm, brah i rêh ngăn, Păng lĕ lah jêh kơt nđa: ‘Gâp mra gŭ ta khân păng, jêh ri hăn brô̆ ndrel khân păng đŏng. Gâp mra jêng i brah khân păng Jêh ri khân păng jêng i phung ƀon lan Gâp nơm’.

Bunong

¹⁶ ញីស​ឞ្រាស​កោរាញ​ឞ្រាស​នើម​ដាស​មា​នតុក​អោប​ឞ្រាស​ឞ្លាវ​តឹម​លាប់​ឞាល់​ដ៝ង់​ឞើស? យ៝រ​លាស​ទឹង​លែៈ​ឞ៝ន់​ជេង​តឹម​ឞាន​មា​ញីស​ឞ្រាស​កោរាញ​ឞ្រាស​នើម ឞ្រាស​អី​រេស​ងាន់ ពាង់​លែៈ​លាស​ជេស​កើត​នអា៖ «គ៝ប់​មរា​គុ​តា​ខាន់​ពាង់ ជេសរី​ហាន់​ឞ្រោៈ​នទ្រែល​ខាន់​ពាង់​ដ៝ង់។ គ៝ប់​មរា​ជេង​អី​ឞ្រាស​ខាន់​ពាង់ ជេសរី​ខាន់​ពាង់​ជេង​អី​ផូង​ប៝ន​លាន​គ៝ប់​នើម»។

II Kôrintô 6:16 ပူးပေါင်းရင်းမြစ်များ

I Phung Hađăch 18:21

Y-Êli văch tât lor panăp phung ƀon lan jêh ri lah: “Khân may tâm nchrĭng hăn bar mbor kŏ tât ndah jŏ? Tơlah Brah Yêhôva jêng Brah Ndu, tĭng ndô̆ hom Păng; bi tơlah Baal jêng Brah Ndu, tĭng ndô̆ hom păng rĭ.” Ƀiălah phung ƀon lan mâu ngơi.

Nau Mprơ Ơm 90:1

Ơ Kôranh Brah, bơh rnôk aơ tât rnôk ri, May njêng jêh ntŭk hên gŭ.

Nau Ngluh Êjipt 20:3

Tanăp măt Gâp may lơi ta geh brah êng ôh.

Nau Ngluh Êjipt 23:13

Ăn may blau njrăng lĕ nau Gâp lah jêh ma may. Mâu dơi nkah tay ôh tât amoh phung brah êng, mâu đŏng ăn bu tăng nau nây tă bơh trôm mbung may lah amoh phung brah nây.”

Nau Ngluh Êjipt 25:8

Khân păng mra ƀư ma Gâp du Ngih Brah Kloh Ueh gay Gâp gŭ tâm nklang khân păng.

Nau Ngluh Êjipt 29:45

Jêh ri Gâp mra gŭ ta nklang phung ƀon lan Israel, jêh ri jêng Brah Ndu khân păng.

Nau Ngluh Êjipt 34:14

Lơi yơk mbah ôh ma brah êng, yorlah Brah Yêhôva, amoh Păng jêng Nơm blau ntôn; nanê̆ Păng jêng Brah Ndu blau ntôn.

Yêrêmi 24:7

Gâp mra ăn ma khân păng nuih n'hâm gĭt năl Gâp jêng Brah Yêhôva. Khân păng mra ƀư ƀon lan Gâp jêh ri Gâp mra ƀư Brah Ndu khân păng, yorlah khân păng mra lĕ nuih n'hâm plơ̆ sĭt tay ma Gâp.’

Yêrêmi 31:1

Brah Yêhôva lah: “Tât rnôk nây, Gâp mra jêng Brah Ndu ma lĕ rngôch mpôl băl Israel, jêh ri khân păng mra jêng phung ƀon lan Gâp.”

Yêrêmi 31:33

Brah Yêhôva lah: “Aơ jêng nau tâm rnglăp Gâp mra ƀư đah ngih Israel pakơi lĕ nar nây. Gâp mra dơm nau vay Gâp tâm nuih n'hâm khân păng jêh ri nchih prăp tâm nuih n'hâm khân păng. Gâp mra jêng Brah Ndu khân păng jêh ri khân păng mra jêng ƀon lan Gâp.

Yêrêmi 32:38

Khân păng mra jêng phung ƀon lan Gâp, jêh ri Gâp mra jêng Brah Ndu khân păng.

Êsêkiêl 11:20

gay khân păng mra hăn tĭng nau vay dăp Gâp, tông prăp jêh ri ƀư tĭng nau vay ƀư bơh Gâp. Khân păng mra jêng ƀon lan Gâp jêh ri Gâp mra jêng Brah Ndu ma khân păng.

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Êsêkiêl 36:28

Khân may mra gŭ tâm bri Gâp ăn jêh ma chô yau khân may; khân may jêng phung ƀon lan Gâp, jêh ri Gâp jêng Brah Ndu khân may.

Êsêkiêl 43:7

Bunuyh nây lah ma gâp: “Hơi kon bunuyh, aơ yơh jêng ntŭk dơm sưng hađăch Gâp, jêng ntŭk ăn mpang jâng Gâp. Ta aơ, Gâp mra gŭ ta nklang phung kon sau ƀon lan Israel kŏ tât n'ho ro. Ntơm bơh abaơ let kăndơ̆, ngih Israel lĕ rngôch phung ƀon lan jêh ri phung hađăch khân păng mâu mra ƀư ƀơ̆ đŏng ôh amoh kloh ueh Gâp yor nau văng tĭr khân păng jêh ri yor ma săk jăn khĭt phung hađăch khân păng ta klơ lĕ ntŭk prêh đŏng ôh.

Êsêkiêl 43:9

Aƀaơ ri, ăn khân păng chalơi lĕ nau văng tĭr jêh ri mƀăr săk jăn khĭt khân păng ngai đah Gâp ri mơ Gâp mra gŭ ta nklang khân păng n'ho ro.

Ndrom Samƀŭt bơh Ôsê 14:8

Hơi Êphraim, mâm Gâp dơi dơh dăch đah lĕ rup brah? Gâp yơh hŏ mplơ̆ lah jêh ri mra uănh treng păng. Gâp mra jêng nâm bu tơm si chiprơ ndrêh ueh; Tă bơh Gâp yơh may luh kao play âk.”

Ndrom Samƀŭt bơh Ôsê 2:23

Gâp mra tăm păng ăn ma Gâp tâm neh ntu Mpơl nau yô̆ nđach ‘phung mâu geh nau yô̆ nđach.’ Jêh ri lah ma phung ƀon lan ‘mâu di ƀon lan Gâp’ pô aơ: ‘Ay jêng ƀon lan Gâp’, Jêh ri ƀon lan nây mra plơ̆ lah: ‘May jêng Brah Ndu hên.’”

Kan Lêvi 26:12

Gâp mra hăn ta nklang khân may, jêng Brah Ndu khân may, jêh ri khân may mra jêng phung ƀon lan Gâp.

Sôphôni 1:5

Gâp mra nkhĭt lĕ phung chon mbah ta klơ chor ngih Jêh ri yơk mbah ma tahan tâm trôk, Phung yơk mbah jêh ri sơm ton đah Brah Yêhôva, Jêh nây sơm ton đŏng yor tă hađăch khân păng,

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”

Sakari 8:8

Gâp djôt leo khân păng sĭt, jêh ri khân păng mra gŭ ta nklang ƀon Yêrusalem. Khân păng mra jêng phung ƀon lan Gâp; bi Gâp mra jêng Brah Ndu khân păng tâm nau răp jăp jêh ri nau sŏng srăng.”

Mathay 16:16

Y-Simôn Pêtrôs ơh: “May jêng Brah Krist, Kon Brah Ndu gŭ rêh mro mrăng.”

Mathay 6:24

“Mâu geh mbu nơm dơi pah kan ma bar hê kôranh; yorlah mra tâm rmot ma kôranh aơ jêh ri rŏng ma kôranh ri, mâu lah yơk ma kôranh aơ jêh ri mưch ma kôranh êng. Khân may mâu dơi ôh pah kan ƀă ma Brah Ndu jêh ri pah kan ƀă ma prăk ndô ndơ ôh.

Luka 5:36

Brah Yêsu nkoch bri đŏng du nau hôr ma khân păng: “Mâu bu nkhêk ôh du blah tâm ao mhe gay jĭm ndop ta ao ơm. Lah ƀư kơt nĕ, ao mhe mra hêk, jêh ri blah bok mhe mâu tâm di ôh đah ao ơm.

Yôhan 14:23

Brah Yêsu plơ̆ lah: “Lah mbu nơm rŏng ma Gâp, păng mra djôt prăp nau Gâp ngơi, Mbơ̆ Gâp mra rŏng ma păng, Mbơ̆ Gâp ndrel ma Gâp mra văch ma păng jêh ri gŭ ndrel ma păng.

Yôhan 6:56

Mbu nơm sa nglay săk Gâp jêh ri nhêt dak mham Gâp ri mơ gŭ tâm Gâp, jêh ri Gâp gŭ tâm bunuyh nây.

Samƀŭt Pôl Njuăl Ăn Ma Phung Nsing Ta Ƀon Rôm 8:11

Tơlah Brah Huêng Ueh Nơm hŏ ƀư ăn ma Brah Yêsu dâk rêh tay tă bơh nau khĭt gŭ tâm khân may, Nơm hŏ ƀư ma Brah Krist dâk rêh tay tă bơh nau khĭt ăt mra yor Brah Huêng Ueh Păng gŭ tâm khân may ăn nau rêh ma săk jăn blau khĭt khân may.

Samƀŭt Pôl Njuăl Ăn Ma Phung Nsing Ta Ƀon Rôm 8:9

Ƀiălah tơlah Brah Huêng Ueh Brah Ndu gŭ ngăn tâm khân may, khân may mâu gŭ rêh tĭng nâm nglay săk ôh, ƀiălah gŭ rêh tĭng nâm Brah Huêng Ueh; ƀiălah mbu nơm mâu geh Brah Huêng Ueh Brah Krist, păng mâu jêng phung Brah Krist ôh.

Samƀŭt Pôl Njuăl Ăn Ma Phung Nsing Ta Ƀon Rôm 9:26

“Jêh ri tâm ntŭk Gâp lah ma khân păng: ‘Khân may mâu di phung Gâp ôh,’ Ta ntŭk nây bu mra kuăl khân păng jêng ‘Phung kon Brah Ndu gŭ rêh mro mrăng.’ ”

I Kôrintô 10:21

Khân may mâu dơi nhêt kachok Kôranh Brah jêh ri nhêt đŏng kachok phung brah mhĭk. Khân may mâu dơi râng nhêt sông Kôranh Brah jêh ri râng nhêt sông phung brah mhĭk.

I Kôrintô 6:19

Khân may mâu gĭt hĕ săk jăn khân may jêng ngih brah Brah Huêng Ueh dôl gŭ jêh tâm khân may. Di lĕ Nơm Brah Ndu hŏ ăn ma khân may? Khân may mâu hôm jêng ndơ khân may nơm ôh,

Êphêsô 2:20

bu ndâk njêng khân may klơ mbon phung kôranh oh mon jêh ri phung nơm mbơh lor jêh ri Brah Yêsu Krist yơh jêng lŭ njônh ngih.

Êphêsô 2:22

Tâm Păng yơh, khân may dơi ndâk njêng ndrel đah ngih nây, gay jêng ntŭk gŭ ma Brah Ndu tâm Brah Huêng Ueh.

Êphêsô 3:17

jêh ri bơh nau chroh, Brah Krist gŭ tâm nuih n'hâm khân may. Gâp mbơh sơm đŏng gay ma khân may hon reh jêh ri nâp tâm nau rŏng;

Nau Vay Nkah Tay 5:7

Rlau ma Gâp, may mâu dơi yơk mbah brah êng ôh.

I Timôthê 3:15

gay tơlah gâp băt tât, pô ri may gĭt đŏng nau gŭ ngao tâm ngih Brah Ndu, jêng Phung Ngih Brah Ndu rêh, ntur jêh ri meh ma nau ngăn.

II Timôthê 1:14

Rnơm hom Brah Huêng Ueh, Nơm dôl gŭ tâm he, gay ma djôt prăp ndơ ueh jao jêh ma may.

ហេឞ្រើ 3:6

Ƀiălah Brah Krist gŭ răp jăp tâm ban ma kon bu klâu mât uănh ma ngih Brah Ndu. He jêng ngih ma Păng, knŏng tơlah he djôt nâp nau rnơm nsing jêh ri tâm rnê êng tâm nau he kâp gân kŏ tât nglĕ dŭt.

ហេឞ្រើ 8:10

Kôranh Brah lah: “Aơ jêng nau tâm rnglăp Gâp mra ƀư ma ngih Israel: Pakơi lĕ nar nây, Gâp mra dơm nau vay Gâp tâm nau mĭn khân păng, Jêh ri nchih prăp tâm nuih n'hâm khân păng. Gâp mra jêng Brah Ndu khân păng, Jêh ri khân păng mra jêng phung ƀon lan Gâp.

Yakơ 4:5

Mâu lah khân may mĭn jêng dơm dam nôk Nau Brah Ndu Ngơi lah: “Brah Huêng Ueh jêng Nơm Brah Ndu ƀư ăn gŭ tâm nuih n'hâm he, rŏng ma he kŏ tât geh nau ntôn?”

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.

I Yôhan 4:12

Mâu geh du huê bunuyh mâp saơ Brah Ndu ôh; tơlah he tâm rŏng ndrăng he, Brah Ndu gŭ tâm he, jêh ri nau rŏng Păng jêng nŭm rĭng tâm he.

I Yôhan 4:15

Mbu nơm mbơh Brah Yêsu jêng Kon Brah Ndu, Brah Ndu gŭ tâm bunuyh nây, jêh ri bunuyh nây gŭ tâm Brah Ndu.

Nau Tâm Mpơl 2:1

“Nchih hom ma phung tông mpăr ma Phung Ngih Brah Ndu ta ƀon Êphêsô pô aơ: Aơ jêng nau ngơi Nơm djôt pơh mănh mbing tâm ti ma, jêh ri hăn ta nklang pơh jâng kađen mah:

Nau Tâm Mpơl 21:3

Gâp tăng nteh bâr ktang tă bơh sưng hađăch lah nâm pô aơ: “Ri, ngih bok Brah Ndu gŭ ndrel ma kon bunuyh! Păng mra gŭ ndrel ma khân păng jêh ri khân păng mra jêng phung ƀon lan Păng; Brah Ndu yơh mra gŭ ndrel ma khân păng.

Nau Tâm Mpơl 21:7

Mbu nơm dơi, păng mra dơn lĕ nau aơ jêng drăp ndơn; Gâp mra jêng Brah Ndu păng, jêh ri păng mra jêng kon Gâp.