II Kôrintô 6:14 - Nau Brah Ndu Ngơi 2023

¹⁴ Lơi ta anh mâng mbăk ndrel đah phung mâu chroh ôh. Yorlah nau sŏng srăng đah nau djơh mhĭk geh nau tâm rnglăp lĕ? Nau ang jêh ri nau ngo geh tâm rnglăp lĕ?

Bunong Bible Latin Script Cambodian dialect

¹⁴ Bu mâu ôh mbăk ndrel mpômpa (siŭm), nguai ndrôk, nguai seh, kơt ndri đŏng lơi ôh tâm rnglăp jan ndrel ndơ ma bunuyh i mâu nsing, yorlah nau sŏng đah nau kue gŭ ndrel mâu ôh blao, nau ang đah nau ngo gŭ ndrel kŏ mâu blao đŏng.

Bunong

¹⁴ ឞូ​មោ​អោស​មឞាក់​នទ្រែល​មពោមពា​(ឆ្យុម) ង្វាយ​នទ្រោក ង្វាយ​ឆែស កើត​នទ្រី​ដ៝ង់​លើយ​អោស​តឹម​រាង្លាប់​ជាន​នទ្រែល​នទើ​មា​ឞូនុយ្ស​អី​មោ​ញឆីង យ៝រ​លាស​នាវ​ឆ៝ង់​ដាស​នាវ​ក្វែ​គុ​នទ្រែល​មោ​អោស​ឞ្លាវ នាវ​អាង​ដាស​នាវ​ង៝​គុ​នទ្រែល​ក៝ៈ​មោ​ឞ្លាវ​ដ៝ង់។

II Kôrintô 6:14 ပူးပေါင်းရင်းမြစ်များ

Nau Ntơm 24:3

Gâp ŭch may sŏk amoh Brah Yêhôva, jêng Brah Ndu ma trôk jêh ri ma neh ntu, ăn may ton pô aơ may mâu mra sŏk ôh ur ma kon bu klâu gâp bơh phung kon bu ur phung Kanaan, ntŭk gâp gŭ aƀaơ aơ,

I Phung Hađăch 18:21

Y-Êli văch tât lor panăp phung ƀon lan jêh ri lah: “Khân may tâm nchrĭng hăn bar mbor kŏ tât ndah jŏ? Tơlah Brah Yêhôva jêng Brah Ndu, tĭng ndô̆ hom Păng; bi tơlah Baal jêng Brah Ndu, tĭng ndô̆ hom păng rĭ.” Ƀiălah phung ƀon lan mâu ngơi.

II Nau Rêh Jêng 19:2

Nơm geh nau tâm saơ Y-Jêhu, kon Y-Hanani, hăn tâm mâp đah Y-Jôsaphat jêh ri lah: “Di lĕ may hŏ kơl nơm djơh mhĭk jêh ri rŏng ma phung tâm rmot Brah Yêhôva? Yor nau nây, nau Brah Yêhôva ji nuih tât ma may.

Êsra 10:19

Khân păng ton mprơh lơi ur bu năch jêh ri nhhơr du mlâm biăp nkuăng ƀư ndơ ƀư brah chuai nau ƀư tih khân păng nơm.

Nau Mprơ Ơm 106:35

Ƀiălah tâm rlŭk đah phung ƀon lan nây, Ƀư tĭng lĕ kan khân păng ƀư.

Nau Mprơ Ơm 119:63

Gâp jêng mĭt jiăng ma lĕ rngôch phung klach yơk mbah ma May, Jêh ri ma phung tĭng ndô̆ lĕ nau May ntăm.

Nau Mprơ Ơm 16:3

Bi ma lĕ phung kloh ueh tâm neh ntu aơ, Khân păng jêng phung sŏng gâp geh lĕ nau maak.

Nau Ngluh Êjipt 34:16

Mâu đŏng dơi nđăp kon bu ur khân păng ma phung kon bu klâu khân may, klach lah phung kon bu ur khân păng ƀư nau văng tĭr đah phung brah jêh ri nsŭk phung kon bu klâu khân may ƀư nau văng tĭr đah phung brah khân păng.

Nau Hôr 22:24

Lơi jan mĭt jiăng ndrel bunuyh vay ji nuih, Ăt lơi hăn ndrel ma phung djơh janh,

Nau Hôr 29:27

Phung kue jêng nau tâm rmot đah bunuyh sŏng, Ƀiălah bunuyh rêh sŏng jêng tâm rmot ăn phung mhĭk.

Kan Lêvi 19:19

Ăn khân may djôt prăp lĕ nau vay Gâp dăp. Lơi ăn ôh ntil mpa nây tâm gar ma ntil mpa êng; lơi srih bar ntil găr tâm mir khân may jêh ri mâu lĕ dơi nsoh kho ao bu tanh ma bar ntil brai êng êng.

Malachi 2:11

Phung Yuđa gŭ tâm nau mbruh, jêh ri hŏ ƀư jêh nau ƀơ̆ ƀơch tâm phung Israel jêh ri tâm ƀon Yêrusalem. Yuđa hŏ ƀư ƀơ̆ jêh jrô kloh ueh Brah Yêhôva rŏng, yorlah khân păng nkhơng ma gŭ ur sai đah kon bu ur brah bu năch.

Malachi 2:15

Mâu di bơh Brah Ndu njêng knŏng du huê bunuyh nây, nđâp lah n'hâm păng nsôr rêh dơi rmeh ler ƀơh. Ƀiălah mâm dĭng njêng knŏng du huê bunuyh? Nây jêng gay joi du noi deh kloh ueh. Pôri, njrăng hom ma huêng khân may nơm, lơi ta mâu gŭ răp jăp ôh đah ur păng sŏk jêh dôl mom ndăm.

Yôhan 7:7

Neh ntu mâu dơi tâm rmot ma khân may ôh ƀiălah tâm rmot ma gâp, yorlah gâp hŏ mbơh ma neh ntu gĭt pô aơ nau kan khân păng jêng djơh mhĭk.

Kôranh Oh Mon 4:23

Jêh bu mƀơk, bar hê khân păng hăn ta phung oh nâu jêh ri nkoch bri lĕ nau phung kôranh ƀư brah toyh jêh ri phung kôranh bu ranh hŏ lah.

I Kôrintô 10:21

Khân may mâu dơi nhêt kachok Kôranh Brah jêh ri nhêt đŏng kachok phung brah mhĭk. Khân may mâu dơi râng nhêt sông Kôranh Brah jêh ri râng nhêt sông phung brah mhĭk.

I Kôrintô 15:33

Lơi ăn bu ndơm khân may nơm: “Mĭt jiăng mhĭk ƀư rai nau knuih ueh.”

I Kôrintô 5:9

Tâm samƀŭt nchih njuăl ma khân may, gâp hŏ ntĭnh ntăm ma khân may lơi tâm rnglăp đah phung văng tĭr ôh.

I Kôrintô 6:6

Ƀiălah khân may phong dôih ndrăng khân may, jêh nây djôt leo văch tanăp phung mâu chroh!

I Kôrintô 7:39

Ăn ur tâm krêp đah sai păng dôl păng hôm gŭ rêh. Tơlah sai păng khĭt, bu ur geh nau dah ŭch săch, sŏk sai êng tĭng nâm păng ŭch, iăt ma tâm Kôranh Brah.

Philip 2:15

gay ma khân may mâu geh nau nduyh ôh jêh ri kloh rsang, jêng kon dŭt ueh ngăn ma Brah Ndu ta nklang phung ndŭl mpôl plĕch rlăm jêh ri nau tih; ta nklang phung ndŭl mpôl nây, khân may sol hom nâm bu nau ang ta neh ntu;

Yakơ 4:4

Nĕ lĕ bunuyh văng tĭr ri! Khân may mâu gĭt hĕ ƀư băl đah neh ntu jêng tâm rlăng đah Brah Ndu? Yor nây, mbu nơm ŭch ƀư băl đah neh ntu, bunuyh nây jêng nơm rlăng đah Brah Ndu.