II Kôrintô 5:18 - Nau Brah Ndu Ngơi 2023

¹⁸ Lĕ rngôch nau nây luh bơh Brah Ndu, Nơm ăn ma he geh nau tâm nsĭr đah Păng tâm Brah Krist, jêh ri jao ma hên pah kan nau tâm nsĭr.

Bunong Bible Latin Script Cambodian dialect

¹⁸ Dâng lĕ nau i nây jêng tă bơh Kôranh Brah nơm, Păng tâm boh tâm blai bân ăn tâm di ma Păng nơm, yor ma ndơ Brah Krist lĕ jan, jêh ri Păng ăn bân jan kar năk kơl tâm boh tâm blai dja gay ma ăn bunuyh tâm di đah Păng nơm đŏng.

Bunong

¹⁸ ទឹង​លែៈ​នាវ​អី​នៃ​ជេង​តាៈ​ឞើស​កោរាញ​ឞ្រាស​នើម ពាង់​តឹម​ឞ៝ស​តឹម​ឞ្លាយ​ឞ៝ន់​អ៝ន់​តឹម​ទី​មា​ពាង់​នើម យ៝រ​មា​នទើ​ឞ្រាស​ក្រីស  ​លែៈ​ជាន ជេសរី​ពាង់​អ៝ន់​ឞ៝ន់​ជាន​ការ​នាក់​កើល​តឹម​ឞ៝ស​តឹម​ឞ្លាយ​អ្យា​គៃ​មា​អ៝ន់​ឞូនុយ្ស​តឹម​ទី​ដាស​ពាង់​នើម​ដ៝ង់។

II Kôrintô 5:18 ပူးပေါင်းရင်းမြစ်များ

Êsai 52:7

Phung mbơh nau đăp mpăn, Mbơh nau mhe mhan ueh, Mbơh nau tâm rklaih, Jêh ri lah ma ƀon Siôn pô aơ: “Brah Ndu may gŭ chiă uănh;” Mbang jâng phung nây ta klơ yôk Ueh ngăn!

Êsai 57:19

Gâp rhăk njêng nau tâm rnê ta bâr mbung khân păng: ‘Đăp mpăn! Đăp mpăn ma nơm gŭ ngai jêh ri ma phung gŭ dăch!’” Brah Yêhôva lah: “Gâp mra ƀư bah păng.

Êsêkiêl 45:15

Tâm lĕ ndrêch gơ̆ nse phung Israel, geh bar rhiăng mlâm biăp mra sŏk du mlâm biăp kon gay ƀư ndơ ƀư brah rnih môi, ndơ ƀư brah gŭch, jêh ri ndơ ƀư brah ma nau đăp mpăn gay chuai nau tih phung ƀon lan khân păng, Kôranh Brah Yêhôva lah pônây.

Daniel 9:24

Geh pơh jât năng pơh tâm nal jêh ma phung ƀon lan may jêh ri ma ƀon kloh ueh may gay ma ăn lôch lơi nau ƀư tih, ngroh lơi nau tih, ntrok chuai nau ƀai jêh ri djôt ăn nau sŏng srăng n'ho ro, gay ma nau tâm saơ jêh ri nau mbơh lor geh tât ngăn, jêh ri tŏ dak ƀâu kah ăn ma Ntŭk Dŭt Kloh Ueh.

Kan Lêvi 6:30

Mâu dơi ôh sa puăch mpa ƀư brah chuai nau tih ƀiălah ăn su lơi, yorlah mham păng nây bu hŏ djôt jêh ma Ngih Bok Nau Tâm Rƀŭn gay ƀư nau rƀŭn chuai nau tih ta Ntŭk Kloh Ueh.”

Luka 10:5

Tơlah khân may lăp ngih, lor lơn ngơi: ‘Dăn nau đăp mpăn gŭ ma ngih aơ!’

Luka 24:47

bu sŏk amoh Păng gay mbơh nkoch ma lĕ rngôch bri dak ma nau rmal tih gay dơi nau yô̆ an ma nau tih, ntơm bơh ƀon Yêrusalem.

Yôhan 3:16

Yorlah Brah Ndu rŏng hâu ngăn ma neh ntu kŏ tât Păng ăn Kon Dul Păng nơm, gay ăn ma mbu nơm chroh ma Kon Păng nây, mâu rai yot ôh, ƀiălah geh nau rêh n'ho ro.

Yôhan 3:27

Y-Yôhan plơ̆ lah: “Lah mâu di tă klơ trôk ăn, mâu geh du huê bunuyh dơi sŏk dơn du ntil ndơ ôh.

Kôranh Oh Mon 10:36

Brah Ndu hŏ njuăl nau ngơi tât ma phung kon Israel, mbơh nkoch ma Nau Mhe Mhan Ueh đăp mpăn tă bơh Brah Yêsu Krist, jêng Kôranh Brah ma lĕ rngôch bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 11:36

Yorlah lĕ rngôch ndơ tă bơh Păng, yor ma Păng, jêh ri rle mpeh Păng. Nau chrêk rmah jêng nau Păng n'ho ro mâu blau dŭt! Amen.

Samƀŭt Pôl Njuăl Ăn Ma Phung Nsing Ta Ƀon Rôm 5:1

Pôri, nôk dơi kơp sŏng srăng ma nau chroh, he geh nau đăp mpăn đah Brah Ndu tâm Kôranh Brah he jêng Brah Yêsu Krist.

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

I Kôrintô 11:12

Yorlah tâm ban ma bu ur luh tă bơh bu klâu, pôri tâm ban lĕ, bu klâu tă bơh bu ur deh, jêh ri lĕ rngôch luh tă bơh Brah Ndu.

I Kôrintô 12:6

Geh âk nau ƀư kan êng êng, ƀiălah geh knŏng nguay Brah Ndu, Nơm ƀư lĕ kan tâm lĕ rngôch bunuyh.

I Kôrintô 3:5

Lah ndrĭ, mbu nơm jêng Y-Apôlôs? Mbu nơm jêng Y-Pôl? Khân păng knŏng jêng phung oh mon, yor ma khân păng yơh khân may chroh jêh, tĭng nâm Kôranh Brah dăp jêh ma ăp nơm.

I Kôrintô 8:6

ƀiălah ma phung he, knŏng geh du huê Brah Ndu jêng Mbơ̆, Nơm rhăk njêng lĕ rngôch ndơ, jêh ri he rêh yor ma Păng; geh đŏng knŏng du huê Kôranh Brah jêng Brah Yêsu Krist, lĕ rngôch ndơ geh yor tă bơh Păng, phung he gŭ rêh yor ma tă bơh Păng đŏng.

Kôlôh 1:22

Ƀiălah aƀaơ Brah Ndu hŏ tâm rnglăp jêh tâm nau khĭt Kon Păng tâm nglay săk, gay ma mpơl khân may tâm nau kloh ueh, mâu geh têl khap, mâu geh nau nduyh tanăp Păng;

ហេឞ្រើ 2:17

Pôri, Păng jêng tâm ban ma phung oh nâu Păng tâm lĕ rngôch ndơ, gay ma jêng kôranh ƀư brah toyh nuih n'hâm bêng ma nau yô̆ nđach jêh ri răp jăp tâm nau pah kan ma Brah Ndu, gay tâm chuai nau tih ma lĕ rngôch bunuyh.

Yakơ 1:17

Lĕ rngôch yô̆ ueh jêh ri lĕ ndơ ăn dŭt ueh ngăn tât bơh klơ trôk, jŭr tă bơh Mbơ̆ nau ang; tâm Păng mâu geh nau rgâl ôh, mâu lĕ geh gui nau rgâl.

I Yôhan 2:2

Păng nơm jêng ndơ ƀư brah chuai nau tih ma he, mâu knŏng ma nau tih he ôh, ƀiălah nđâp ma nau tih ma lĕ neh ntu đŏng.

I Yôhan 4:10

Nau rŏng gŭ tâm nau aơ: Mâu di he rŏng jêh ma Brah Ndu ôh, ƀiălah Brah Ndu rŏng jêh ma he jêh ri njuăl Kon Păng ƀư ndơ nau ƀư brah tâm chuai nau tih he.