II Kôrintô 5:17 - Nau Brah Ndu Ngơi 2023

¹⁷ Pô ri, tơlah mbu nơm gŭ tâm Brah Krist, păng jêng bunuyh rhăk njêng mhe jêh, lĕ ndơ ơm rlau lôch jêh, aơ, lĕ rngôch ndơ jêng mhe da dê jêh.

Bunong Bible Latin Script Cambodian dialect

¹⁷ Bu moh lĕ gŭ tâm rnglăp ndrel Brah Krist, bunuyh i nây lĕ Kôranh Brah njêng mhe, dâng lĕ ndơ ơm lĕ rgâl jêng mhe dadê.

Bunong

¹⁷ ឞូ​ម៝ស​លែៈ​គុ​តឹម​រាង្លាប់​នទ្រែល​ឞ្រាស​ក្រីស  ឞូនុយ្ស​អី​នៃ​លែៈ​កោរាញ​ឞ្រាស​ញជេង​មហែ ទឹង​លែៈ​នទើ​អើម​លែៈ​រាគ៝ល់​ជេង​មហែ​ទាទេ។

II Kôrintô 5:17 ပူးပေါင်းရင်းမြစ်များ

Nau Mprơ Ơm 51:10

Ơ Brah Ndu! Dăn njêng tâm gâp du nuih n'hâm kloh rsang Jêh ri ƀư mhe tâm gâp du huêng sŏng.

Êsai 45:17

Bi Israel, Brah Yêhôva mra tâm rklaih, Ma nau tâm rklaih n'ho ro; Kŏ tât n'ho ro, Khân may mâu mra bêk mâu lah uh ah ôh!

Êsêkiêl 11:19

Gâp mra ăn ma khân păng nuih n'hâm mhe, dơm tâm khân păng nau mĭn mhe, sŏk lơi nuih n'hâm ma lŭ luh bơh nglay săk khân păng jêh ri ăn ma khân păng nuih n'hâm ma puăch

Êsêkiêl 18:31

Mƀăr ngai hom đah khân may lĕ rngôch nau tih khân may ƀư jêh. Ƀư hom ma khân may nơm nuih n'hâm mhe jêh ri huêng brah mhe! Hơi ngih Israel, mâm ƀư khân may ŭch khĭt?’

Êsêkiêl 36:26

Gâp mra ăn ma khân may nuih n'hâm mhe jêh ri Gâp mra dơm huêng brah mhe tâm khân may. Gâp mra sŏk lơi nuih n'hâm ma lŭ bơh nglay săk khân may jêh ri ăn ma khân may nuih n'hâm ma mlay.

Mathay 12:33

“Mâu lah tơm si ueh play păng ueh tâm ban lĕ, mâu lah tơm si mhĭk play păng mhĭk lĕ; yorlah bu dơi gĭt năl tơm si ta play păng.

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”

Luka 5:38

Ƀiălah bu nkhŭt ndrănh mhe tâm nông ntâu mhe.

Yôhan 14:20

Tâm nar nây, khân may mra gĭt ma Gâp gŭ tâm Mbơ̆ Gâp; khân may gŭ tâm Gâp, jêh ri Gâp gŭ tâm khân may.

Yôhan 15:2

Moh n'gĭng tâm Gâp mâu geh play, Păng koh mƀăr lơi, jêh ri lĕ n'gĭng geh play, Păng ƀư ueh, gay ma păng play âk lơn đŏng.

Yôhan 15:5

Gâp jêng tơm krăk ƀâu, khân may jêng n'gĭng. Mbu nơm gŭ tâm Gâp, jêh ri Gâp gŭ tâm păng, păng nây geh play âk ngăn, yorlah mâu geh Gâp khân may mâu dơi ƀư du ntil ndơ ôh.

Yôhan 17:23

Kon gŭ tâm khân păng jêh ri Mbơ̆ gŭ tâm Kon, gay ma khân păng jêng nguay tât lôch, gay ăn neh ntu gĭt Mbơ̆ njuăl jêh Kon văch, jêh ri Mbơ̆ rŏng jêh ma khân păng tâm ban ma Mbơ̆ rŏng jêh ma Kon.

Yôhan 3:3

Brah Yêsu lah: “Nanê̆ ngăn, Gâp lah ngăn ma may, tơlah du huê bunuyh mâu deh mhe tay, mâu dơi saơ ƀon bri hađăch Brah Ndu ôh.”

Yôhan 3:5

Brah Yêsu lah: “Nanê̆ ngăn, Gâp lah ngăn ma may: Tơlah du huê bunuyh mâu rnơm ôh ma dak jêh ri ma Brah Huêng Ueh gay deh, mâu dơi lăp tâm ƀon bri hađăch Brah Ndu ôh.

Samƀŭt Pôl Njuăl Ăn Ma Phung Nsing Ta Ƀon Rôm 16:10

Mbah khâl đah Y-Apêlês, nơm dơi sŏk dơn tâm Brah Krist. Mbah khâl đah phung bunuyh gŭ tâm rnăk vâl Y-Aristôbul.

Samƀŭt Pôl Njuăl Ăn Ma Phung Nsing Ta Ƀon Rôm 16:11

Mbah khâl đah Y-Hêrôdion, du huê băl mpôl gâp. Mbah khâl đah phung bunuyh gŭ tâm rnăk vâl Y-Narkisus, jêng phung bunuyh gŭ tâm Kôranh Brah.

Samƀŭt Pôl Njuăl Ăn Ma Phung Nsing Ta Ƀon Rôm 16:3

Dăn ăn gâp geh nau mbah jô̆ khâl H'Phrisil jêh ri Y-Akilas, phung bunuyh ndrel pah kan đah gâp tâm Brah Yêsu Krist,

Samƀŭt Pôl Njuăl Ăn Ma Phung Nsing Ta Ƀon Rôm 16:7

Mbah khâl đah Y-Andrônikus jêh ri Y-Junias jêng phung băl jêh ri mĭt jiăng gŭ krŭng ndrel ma gâp, ăt jêng bar hê khân păng ntoh lư tâm phung kôranh oh mon jêh ri jêng phung khân păng ma Brah Krist lor gâp.

Samƀŭt Pôl Njuăl Ăn Ma Phung Nsing Ta Ƀon Rôm 16:9

Mbah khâl đah Y-Urbanos, nơm mĭt jiăng pah kan ndrel ma gâp tâm Brah Krist, jêh ri Y-Stakis, nơm mĭt jiăng gâp rŏng.

Samƀŭt Pôl Njuăl Ăn Ma Phung Nsing Ta Ƀon Rôm 7:6

Ƀiălah aƀaơ he klaih jêh bơh nau vay, khĭt jêh ma nau hŏ krŭng he, gay ma he pah kan tĭng nau mhe tă bơh Brah Huêng Ueh, mâu di tĭng nau ơm rplay samƀŭt ôh.

Samƀŭt Pôl Njuăl Ăn Ma Phung Nsing Ta Ƀon Rôm 8:1

Pôri aƀaơ aơ, mbu nơm gŭ tâm Brah Yêsu Krist mâu mra hôm geh nau tâm rmal ôh;

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

I Kôrintô 13:11

Dôl gâp hôm jêng kon se, gâp ngơi nâm bu kon se, mĭn nâm bu kon se, blau ngơi nâm bu kon se; ƀiălah tơlah gâp jêng toyh jêh, gâp chalơi lĕ nau jêng ndơ kon se.

II Kôrintô 12:2

Gâp gĭt năl du huê bunuyh tâm Brah Krist, geh jât ma puăn năm rlau jêh, bu chông păng hao klơ ndâr trôk rơh pe (mâu lah tâm săk jăn, mâu lah padih săk jăn bunuyh, gâp mâu gĭt, Brah Ndu gĭt).

II Kôrintô 5:16

Yor nây, ntơm aƀaơ hên mâu hôm sek uănh du huê bunuyh tĭng nâm nglay săk ôh, nđâp tơlah hên hŏ tă sek uănh jêh Brah Krist tĭng nâm nglay săk, ƀiălah aƀaơ aơ he mâu hôm sek uănh Păng tĭng nâm nau nây ôh.

II Kôrintô 5:19

Nây jêng, tâm Brah Krist, Brah Ndu ăn ma neh ntu geh nau tâm nsĭr đah Păng, mâu hôm kơp nau tih ma kon bunuyh ôh, jêh ri Păng jao ma hên nau mbơh ma nau tâm nsĭr.

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

Galati 3:28

Ta aơ mâu geh kơp rnglah êng phung Yuđa mâu lah phung Grek ôh, phung dĭk mâu lah phung kon me, phung bu klâu mâu lah phung bu ur ôh, yorlah lĕ rngôch khân may jêng nguay tâm Brah Yêsu Krist.

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

Galati 6:15

Yorlah nau khlay mâu di jêng nau koh ntâu mâu lah mâu koh ntâu, ƀiălah nau plơ̆ jêng bunuyh mhe.

Êphêsô 2:10

Yorlah he jêng kan bơh ti Păng, dơi rhăk njêng tâm Brah Yêsu Krist gay ƀư lĕ nau kan ueh Brah Ndu nkra jêh bơh lor gay ma he kơt ƀư.

Êphêsô 2:15

Bơh săk jăn Păng nơm, Păng hŏ chalơi nau vay ndrel ma nau vay ntăm jêh ri nau ntrŭnh, gay bơh bar mpôl, Păng rhăk njêng jêng du kon bunuyh mhe tâm Păng nơm, kơt nây nau đăp mpăn dơi jêng;

Philip 4:21

Jô̆ khâl hom phung kloh ueh tâm Brah Yêsu Krist. Phung oh nâu gŭ ndrel ma gâp jô̆ khâl khân may.