II Kôrintô 5:11 - Nau Brah Ndu Ngơi 2023

¹¹ Yor ri, yor nuih n'hâm klach ma Kôranh Brah, hên srôih nchâp phung êng. Brah Ndu gĭt rah vah hên, jêh ri gâp kâp gân ma nuih n'hâm sŏng khân may gĭt rah vah hên lĕ.

Bunong Bible Latin Script Cambodian dialect

¹¹ Yor ma hên lĕ năl nau klach yơk ma Kôranh Yêsu, hên nsrôyh mbơh nkoch ma bunuyh ăn nsing ma Păng đŏng. Kôranh Brah lĕ gĭt năl nuih n'hâm hên, jêh ri gâp rnơm khân ay may gĭt năl nuih n'hâm hên đŏng.

Bunong

¹¹ យ៝រ​មា​ហេន​លែៈ​នាល់​នាវ​ក្លាច​យើក​មា​កោរាញ​យេឆូ  ហេន​ញឆ្រោយ្ស​មឞើស​ងក៝ច​មា​ឞូនុយ្ស​អ៝ន់​ញឆីង​មា​ពាង់​ដ៝ង់។ កោរាញ​ឞ្រាស​លែៈ​គឹត​នាល់​នូយ្ស​នហ៝ម់​ហេន ជេសរី​គ៝ប់​រានើម​ខាន់​អៃ​មៃ​គឹត​នាល់​នូយ្ស​នហ៝ម់​ហេន​ដ៝ង់។

II Kôrintô 5:11 ပူးပေါင်းရင်းမြစ်များ

Nau Ntơm 35:5

Rnăk vâl Y-Yakôb hăn trong. Brah Ndu ăn nau klach ta lĕ rngôch ƀon jŭm nây, pôri mâu geh ôh du huê nuyh tâm phung nây nănh tĭng phung kon Y-Yakôb.

Ndrom Samƀŭt bơh Yôp 18:11

Nau klach krit gŭ jŭm ƀư krit ngăn, Jêh ri tĭng groi pakơi ndơl jâng păng.

Ndrom Samƀŭt bơh Yôp 31:23

Yorlah nau mhĭk tât bơh Brah Ndu ƀư ăn gâp krit klach, Tanăp nau rnam Păng, gâp mâu dơi ƀư ôh.

Ndrom Samƀŭt bơh Yôp 6:4

Yorlah lĕ chiông hăr Nơm Geh Lĕ Nau Brah di ta gâp jêh, Nuih n'hâm gâp lêng dak kăch khân păng; Brah Ndu nkrĭp dăp tahan tâm rdâng đah gâp ƀư ma gâp krit klach ngăn.

Nau Mprơ Ơm 73:19

Ri, bu ƀư rai khân păng tâm ƀât lât, Nau klach toyh ƀư ma khân păng roh rai.

Nau Mprơ Ơm 76:7

Du huê May yơh khư ma bu klach; Nau May hao ji nuih, Mbu nơm dơi gŭ tanăp May?

Nau Mprơ Ơm 90:11

Mbu dơi gĭt nau ktang nau May ji nuih? Mbu dơi gĭt rbăng nau May ji nuih gay ntop nau klach yơk ma May?

Êsai 19:16

Tâm nar nây, phung Êjipt mra tâm ban ma phung bu ur râm nsâr klach kir dôl khân păng saơ ti Brah Yêhôva ma phung tahan yơr, yơr tâm rdâng đah khân păng.

Êsai 33:14

Tâm ƀon Siôn, Phung ƀư tih klach krit, Phung mâu chroh ôh ma Brah Ndu râm sâr; khân păng lah: “Mbu tâm phung he dơi gŭ tâm ŭnh hit? Mbu tâm phung he dơi gŭ tâm mpiăt ŭnh hit n'ho ro?”

Nahum 1:6

Mbu nơm dơi dâk tanăp nau Păng ji nuih? Mbu nơm dơi srôih dơn nau Păng duh nuih? Nau Păng ji nuih nkhŭt nâm bu ŭnh sa, Lĕ lŭ toyh mra chah yor tă bơh Păng.

Mathay 10:28

Lơi klach ôh ma phung nkhĭt săk jăn ƀiălah mâu dơi nkhĭt huêng; ƀiălah ăn khân may klach ma nơm dơi nkhĭt huêng nđâp ma săk jăn tâm ndrung ŭnh.

Mathay 25:46

Jêh nây phung aơ mra lăp tâm nau tâm rmal n'ho ro, ƀiălah phung sŏng srăng mra lăp tâm nau rêh n'ho ro.”

Luka 12:5

Ƀiălah Gâp ntĭm ma khân may gĭt klach mbu nơm: Klach hom ma Nơm, nôk nkhĭt jêh, hôm geh nau dơi mƀăr jŭr ndrung ŭnh. Di kơt nây, Gâp đă ma khân may, klach hom ma Nơm nây!

Luka 16:31

Y-Abraham plơ̆ lah: ‘Tơlah khân păng mâu iăt nau Y-Môis ngơi jêh ri nau phung nơm mbơh lor ngơi, nđâp tơlah geh bunuyh khĭt dâk rêh tay, khăn păng mâu lĕ chroh.’ ”

Kôranh Oh Mon 13:43

Tơlah lôch nau tâm rƀŭn, geh âk phung Yuđa jêh ri phung bu năch tĭng nau phung Yuđa chroh hăn tĭng Y-Pôl jêh ri Y-Ƀarnaƀas. Bar hê khân păng nkoch bri jêh ri n'hao nuih n'hâm khân păng gŭ nâp tâm nau yô̆ Brah Ndu.

Kôranh Oh Mon 18:13

Khân păng phong: “Bunuyh aơ nsŭk nsôr phung ƀon lan yơk mbah Brah Ndu ma nau tih đah nau vay.”

Kôranh Oh Mon 18:4

Ăp nar saƀat, Y-Pôl mbơh nkoch tâm ngih rƀŭn, srôih jă phung Yuđa jêh ri phung Grek.

Kôranh Oh Mon 19:26

Tâm ban khân may saơ jêh ri tăng, mâu knŏng ta ƀon Êphêsô ôh, ƀiălah bơi ma lĕ n'gor Asi, Y-Pôl aơ nsŭk bu jêh ri ƀư âk bunuyh vĭ. Păng lah ma lĕ rup brah ti bunuyh ƀư mâu di brah ngăn ôh.

Kôranh Oh Mon 26:26

Yorlah hađăch gĭt nanê̆ jêh lĕ nau aơ, rĭ dĭng gâp janh ngơi; yorlah gâp mĭn n'hêl nanê̆ păng gĭt jêh lĕ rngôch nau, yorlah lĕ nau aơ mâu ƀư ma nau ndâp ôh.

Kôranh Oh Mon 28:23

Jêh tâm nal nar tâm mâp đah păng, khân păng hăn khâl păng ta ngih păng gŭ njưh âk ngăn bunuyh. Ntơm bơh ôi tât mhaơ, Y-Pôl ăt mbơh nkoch jêh ri rblang ƀon bri hađăch Brah Ndu ma khân păng, dŏng nau vay Y-Môis jêh ri lĕ nau mbơh lor srôih nsŭk nsôr khân păng tâm Brah Yêsu.

II Kôrintô 2:17

Yorlah, hên mâu tăch rgâl ma nau ngơi Brah Ndu nâm bu âk bunuyh êng. Ƀiălah jêng bunuyh Brah Ndu njuăl hăn, hên mbơh nkoch ma nuih n'hâm răp jăp tâm Brah Krist, tanăp Brah Ndu.

II Kôrintô 5:20

Pôri, hên jêng nơm mbơh ma Brah Krist, Brah Ndu dŏng hên gay ntĭm nti. Hên vơl dăn ma khân may tâm amoh Brah Krist, ăn tâm nsĭr hom khân may đah Brah Ndu.

II Kôrintô 6:1

Yorlah hên pah kan ndrel ma Brah Ndu, hên vơh vơl ma khân may lơi dĭng sŏk dơn nau Brah Ndu yô̆ dơm dam ôh.

Galati 1:10

Bi aƀaơ aơ, gâp ŭch sŏk nuih n'hâm kon bunuyh mâu lah Brah Ndu? Di lĕ gâp ŭch ƀư maak nuih n'hâm ma bunuyh? Tơlah gâp ăt srôih ƀư maak nuih n'hâm ma kon bunuyh, gâp mâu di jêng oh mon ma Brah Krist ôh.

Êphêsô 5:21

Yor klach yơk ma Brah Krist, tâm tông hom ndrăng nơm.

ហេឞ្រើ 10:31

Tŭp tâm ti Brah Ndu rêh jêng nau klach krit ngăn.

ហេឞ្រើ 12:29

yorlah Brah Ndu he jêng mpiăt ŭnh su lĕ.

Yuđas 1:23

tâm rklaih hom phung êng têk khân păng luh bơh ŭnh; jêh ri ma phung êng đŏng, geh hom nuih n'hâm yô̆ nđach nđâp nau klach, tâm rmot nđâp ma du blah ao nglay săk ƀư ƀơ̆ ƀơch jêh.

Nau Tâm Mpơl 20:15

Mbu nơm mâu geh amoh bu nchih jêh tâm ndrom samƀŭt nau rêh, bu mra klŭp păng tâm nglao ŭnh.