II Kôrintô 5:10 - Nau Brah Ndu Ngơi 2023

¹⁰ Yorlah lĕ rngôch he mra tâm mpơl tanăp ntŭk ngih phat dôih Brah Krist, gay ăp nơm sŏk dơn tĭng nâm nau ueh mâu lah nau mhĭk păng nơm ƀư jêh dôl hôm gŭ tâm săk jăn.

Bunong Bible Latin Script Cambodian dialect

¹⁰ yorlah dâng lĕ bân mâu ôh dơi der gŭ bơh năp ntŭk Brah Krist nơm phat dôih, gay ma dâng lĕ bân geh play i tă bơh bân nơm jan nôk hôm gŭ ta săk jăn dja, bol lah ndơ ueh, mâu lah ndơ djơh kađôi.

Bunong

¹⁰ យ៝រ​លាស​ទឹង​លែៈ​ឞ៝ន់​មោ​អោស​ទើយ​ទែរ​គុ​ឞើស​នាប់​នតុក​ឞ្រាស​ក្រីស  ​នើម​ផាត​ទោយ្ស គៃ​មា​ទឹង​លែៈ​ឞ៝ន់​គែស​ព្លៃ​អី​តាៈ​ឞើស​ឞ៝ន់​នើម​ជាន​នោក​ហោម​គុ​តា​ឆាក់​ជាន់​អ្យា ឞ៝ល​លាស​នទើ​អ្វែស មោ​លាស​នទើ​អ្យើស​កាដោយ។

II Kôrintô 5:10 ပူးပေါင်းရင်းမြစ်များ

Nau Ntơm 18:25

May mâu ôh ƀư kơt nây! Mâu lah May ƀư rai phung sŏng ndrel ma phung djơh mhĭk, uănh phung sŏng srăng tâm ban ma phung djơh mhĭk ƀơh? Mâu ôh Kôranh Brah mâu ƀư kơt nây! Nơm phat dôih lĕ rngôch neh ntu mâm mâu ƀư ma nau di?”

I Phung Hađăch 8:32

pôri dăn ma May klơ trôk rkêng tôr iăt, ƀư an jêh ri phat dôih phung oh mon May, tâm rmal nơm geh nau tih, ƀư ăn păng tuy nau tih păng nơm, jêh ri dăn May Kơp nau sŏng srăng ma nơm Kơp nau sŏng srăng ma nau nkhôm tĭng nâm nau sŏng srăng păng.

I Phung Hađăch 8:39

dăn Kôranh Brah klơ trôk, jêng ntŭk May gŭ, rkêng tôr iăt, yô̆ an, ƀư an jêh ri sâm mplơ̆ plơng ma ăp nơm tĭng nâm trong khân păng, jêh ri tĭng nâm lĕ nau Kôranh Brah gĭt năl tâm trôm nuih n'hâm khân păng, yorlah knŏng êng May dơi gĭt rah vah tâm nuih n'hâm kon bunuyh;

Ndrom Samƀŭt bơh Yôp 34:11

Păng mra nkhôm ăn ma kon bunuyh tĭng nâm nau kan păng hŏ pah, Mra ƀư ăn tât ma ăp nơm tĭng nâm nau khân păng gŭ rêh.

Nau Mprơ Ơm 62:12

Ơ Kôranh Brah, nau ueh jêng ndơ May, Yorlah May mplơ̆ lơi ma ăp nơm Tĭng nâm nau kan khân păng ƀư.

Nau Mprơ Ơm 98:9

Yorlah Păng văch phat dôih neh ntu; Păng mra phat dôih neh ntu tĭng nau sŏng srăng, Jêh ri phat dôih phung ƀon lan tĭng ma nau di.

Nơm Nti 11:9

Hơi bunuyh mom ndăm, maak răm hom tâm năm ndăm rah! Maak dơn hom nôk may hôm mom ndăm. Hăn tĭng hom trong nuih n'hâm may ŭch jêh ri măt may ŭch kơnh. Ƀiălah ăn gĭt pô aơ yorlah lĕ rngôch kan nây, Brah Ndu mra djôt leo may ma nau phat dôih.

Nơm Nti 12:14

Yorlah Brah Ndu mra djôt leo phat dôih lĕ rngôch kan, Ndrel ma lĕ rngôch nau ndâp, nđâp lah ueh mâu lah mhĭk.

Êsêkiêl 18:30

Yor nây, Kôranh Brah Yêhôva lah: ‘Hơi ngih Israel, Gâp mra phat dôih khân may, ăp nơm tĭng nâm kan păng ƀư. Rmal hom jêh ri chalơi lĕ rngôch nau tih khân may! Tâm ban pônây, nau nây mâu mra jêng ndơ chêh prah ăn ma khân may.

Mathay 16:27

Yorlah Kon Bunuyh mra văch tâm nau chrêk rmah Mbơ̆ Păng ndrel ma phung tông mpăr. Nôk nây, Păng mra ăn nau nkhôm ma ăp nơm, tĭng nâm nau kan păng hŏ pah jêh.

Kôranh Oh Mon 10:42

Păng ntăm jêh ma hên mbơh nkoch ma phung ƀon lan, jêh ri mpơl rah vah Păng jêng Nơm Brah Ndu hŏ njêng gay ma phat dôih ma phung rêh jêh ri phung khĭt.

Kôranh Oh Mon 17:31

Yorlah Păng tâm nal jêh du nar, Păng mra phat dôih neh ntu ma nau sŏng srăng bơh Bunuyh Păng hŏ rdâk jêh. Jêh ri gay ma nau mbơh ăn nanê̆ ma lĕ rngôch bunuyh saơ, Păng hŏ ƀư ma Bunuyh dâk rêh tay jêh bơh nau khĭt.”

Samƀŭt Pôl Njuăl Ăn Ma Phung Nsing Ta Ƀon Rôm 2:16

Ta nar nây, Brah Ndu ăn Yêsu Krist mra phat dôih lĕ nau kan ndâp kon bunuyh bơh Brah Yêsu Krist, tĭng nâm Nau Mhe Mhan Ueh gâp nti.

Samƀŭt Pôl Njuăl Ăn Ma Phung Nsing Ta Ƀon Rôm 6:19

Yorlah nglay săk khân may rdja, rĭ dĭng gâp ngơi tĭng nau kon bunuyh. Khân may hŏ tă nhhơr lĕ kô̆ săk jăn khân may jêng dĭk nau ƀơ̆ ƀơch jêh ri nau djơh mhĭk bun tâm ban lĕ, aƀaơ aơ, nhhơr hom lĕ kô̆ săk jăn khân may jêng dĭk ma nau sŏng srăng gay ma geh nau kloh ueh tâm ban lĕ.

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

II Kôrintô 7:3

Gâp mâu lah nau aơ gay ma tâm rmal khân may ôh, yorlah lor panăp aơ gâp lah jêh ma khân may gŭ tâm nuih n'hâm gâp ƀaƀơ, rêh ndrel jêh ri khĭt ndrel.

Êphêsô 6:8

yorlah khân may gĭt jêh geh tơ̆ jêng dĭk, geh tơ̆ jêng kon me, ăp nơm mra geh nau nkhôm bơh Kôranh Brah tĭng nâm nau ueh păng ƀư jêh.

ហេឞ្រើ 9:27

Tĭng nâm bu hŏ nal jêh ma kon bunuyh mra khĭt du tơ̆, jêh nây dơn nau phat dôih.

I Pêtrôs 4:5

Ƀiălah khân păng mra mbơh nkoch đah Nơm rơm ndrăp phat dôih ma phung rêh jêh ri phung khĭt.

Nau Tâm Mpơl 2:23

Gâp mra nkhĭt phung kon păng. Nôk nây, lĕ rngôch Phung Ngih Brah Ndu mra gĭt năl Gâp jêng Nơm sek uănh nuih n'hâm kon bunuyh; Gâp mra mplơ̆ sĭt ma ăp nơm tâm khân may tĭng nâm lĕ kan khân may.

Nau Tâm Mpơl 22:12

“Aơ, Gâp văch gơnh, jêh ri djôt nau Gâp nkhôm ndrel ma Gâp, gay ăn ma ăp nơm tĭng nâm kan păng ƀư jêh.

I Samuel 2:10

Mbu nơm rdâng đah Brah Yêhôva mra chah rai! Tă bơh klơ trôk nđôch, Brah Yêhôva mra nkhŭt nglaih dah khân păng. Păng mra phat dôih lĕ rngôch bunuyh ƀon lan ta klơ neh ntu, Ăn nau dơi ma nơm Păng săch jêng hađăch, Jêh ri ăn nau dăng ktang rmeh ler ma nơm Păng tŏ dak ƀâu kah.”

I Samuel 2:3

Găp hơi, lơi hôm ngơi lĕ rngôch nau sưr! Lơi dĭng ăn ôh lĕ nau ngơi ƀlăch ƀlêr luh du tă bơh bâr mbung khân may! Yorlah Brah Yêhôva jêng Brah Ndu gĭt lĕ rngôch, Păng veh njing lĕ rngôch kan bu ƀư.