II Kôrintô 4:8 - Nau Brah Ndu Ngơi 2023

⁸ Hên geh nau mpet tâm lĕ rngôch trong, ƀiălah mâu geh nau rchiăt hăch ôh; geh nau răng rŭng, ƀiălah mâu rdja nuih ôh;

Bunong Bible Latin Script Cambodian dialect

⁸ Hên geh nau jêr ăp ntil ngăn, yơn ma nau jêr i nây mâu ôh dơi buay hên, geh đŏng hên mâu gĭt ôh mơm jan, yơn ma hên mâu ôh mƀăr nau rnơm.

Bunong

⁸ ហេន​គែស​នាវ​ជេរ​អាប់​នតីល​ងាន់ យើន​មា​នាវ​ជេរ​អី​នៃ​មោ​អោស​ទើយ​ឞ្វៃ​ហេន គែស​ដ៝ង់​ហេន​មោ​គឹត​អោស​មើម​ជាន យើន​មា​ហេន​មោ​អោស​មអារ់​នាវ​រានើម។

II Kôrintô 4:8 ပူးပေါင်းရင်းမြစ်များ

Nau Mprơ Ơm 129:2

“Ntơm bơh gâp hôm jêng mom, khân păng vay tŭn jot gâp, Ƀiălah khân păng mâu mâp dơi đah gâp ôh.

Nau Mprơ Ơm 37:33

Ƀiălah Brah Yêhôva mâu ăn bunuyh nây tâm ti păng, Mâu lĕ ăn bu kơp păng tih tơlah bu djôt hăn phat dôih.

Nau Hôr 14:26

Tâm nau klach yơk ma Brah Yêhôva geh ntŭk rnơm nsing nâp ngăn, Jêh ri phung jêng kon Păng mra dơi geh du ntŭk gŭ krap.

Nau Hôr 18:10

Amoh Brah Yêhôva jêng du pôih nâp ngăn, Bunuyh sŏng srăng nchuăt tât ta nây, dơi joi ntŭk du krap đăp mpăn.

Êsai 40:31

Ƀiălah mbu nơm kâp gân tâm Brah Yêhôva nanê̆ mra geh nau dăng ktang mhe, Mpăr hao prêh tâm ban ma klang, Nchuăt mâu hŏt rgănh ôh, Hăn mâu huăr rgănh ôh.

Habakuk 3:17

Nđâp lah tơm play rvi mâu mra chăt nkŭr đŏng ôh, Đang krăk ƀâu rlu luh play, Tơm ôlive mâu đŏng geh play, Mir ba mâu geh ôh luh ndơ sông sa, Phung biăp roh êng tă bơh ndrung, Jêh ri phung ndrôk mâu geh đŏng ôh tâm trôm ndrung,

Yôhan 14:18

Gâp mâu chalơi khân may jêng kon đơi ôh, Gâp mra plơ̆ đŏng ma khân may.

I Kôrintô 10:13

Lĕ nau rlong uănh tât ma khân may, mâu geh du ntil nau rlau ir nau dăng kon bunuyh. Brah Ndu jêng Nơm răp jăp, Păng mâu ăn ma khân may geh nau rlong uănh rlau ir ma n'hâm ktang khân may ôh! Ƀiălah tâm nau rlong uănh, Păng mra pơk trong ma khân may luh, gay ma khân may dơi dơn.

II Kôrintô 12:10

Yor nây, yor Brah Krist, gâp maak dơn nau rdja, nau suai rak, nau ndĭt trơi, nau bu ƀư mhĭk, nau rêh ni. Yorlah nôk gâp rdja, ta nây gâp jêng ktang.

II Kôrintô 6:12

Hên mâu geh nau keh koh ma khân may, ƀiălah nuih n'hâm khân may yơh geh nau keh koh ma hên.

II Kôrintô 6:4

Ƀiălah tâm lĕ rngôch nau, hên tâm mpơl hên nơm jêng oh mon Brah Ndu: ma nau srôih âk ngăn tâm nau rêh ni, tâm nau hŏt rgănh, tâm nau jâk jêr,

II Kôrintô 7:5

Yorlah nôk tât ta n'gor Masêđôn, nglay săk hên mâu mâp geh rlu ôh, nau rêh ni gŭ jŭm hên — nau tâm lơh padih, nau klach tâm trôm.

Galati 4:20

Gâp ŭch gŭ ndrel ma khân may jêh ri tâm nôk aơ jêh ri săch nau ngơi tâm di, yorlah gâp rŭng răng ngăn yor khân may.

I Samuel 28:15

Y-Samuel ôp ma Y-Sôl: “Mâm ƀư may rsuak gâp jêh ri kuăl ăn gâp du luh?” Y-Sôl plơ̆ lah: “Gâp geh nau uh ah ngăn; yorlah phung Philistin tâm lơh đah gâp, jêh ri Brah Ndu du tă bơh gâp jêh, Păng mâu hôm saơ plơ̆ lah ôh ma gâp, ma phung nơm mbơh lor, mâu lah ma nau mbơi kŏ mâu hôm lĕ. Yor nây, gâp kuăl may gay ăn may mbơh ma gâp gĭt moh nau gâp mra ƀư.”

I Samuel 30:6

Y-Đavit geh nau rêh ni ngăn yorlah bu ŭch klŭp păng ma lŭ, yorlah nuih n'hâm lĕ rngôch phung ƀon lan rngot ngăn yor mĭn ma phung kon bu klâu jêh ri kon bu ur khân păng. Ƀiălah Y-Đavit geh nau ktang bơh Yêhôva Brah Ndu păng nơm.

I Samuel 31:4

Y-Sôl lah ma nơm djôt ndơ tâm lơh păng: “Tŏk hom đao may jêh ri ntâp gâp, klach lah phung mâu koh ntâu aơ văch tât ntâp gâp jêh ri ƀư bêk prêng gâp.” Ƀiălah nơm djôt ndơ tâm lơh mâu nănh ƀư ôh yorlah klach ngăn. Yor ri, Y-Sôl sŏk đao jêh ri kŭnh tom tra ntang ntơh sân đah đao nây.