II Kôrintô 4:5 - Nau Brah Ndu Ngơi 2023

⁵ Yorlah hên mâu mbơh nkoch ma hên nơm ôh, ƀiălah mbơh nkoch Brah Krist jêng Kôranh Brah; jêh ri săk jăn hên jêng oh mon khân may yor Brah Yêsu.

Bunong Bible Latin Script Cambodian dialect

⁵ Hên mâu ôh mbơh nkoch ma săk hên nơm, hên mbơh nkoch Brah Yêsu Krist jêng Kôranh, jêh ri kơp săk hên nơm jêng bunuyh sơm kơl jan kar ăn ma khân ay may yor ma Brah Yêsu.

Bunong

⁵ ហេន​មោ​អោស​មឞើស​ងក៝ច​មា​ឆាក់​ហេន​នើម ហេន​មឞើស​ងក៝ច​ឞ្រាស​យេឆូ​ក្រីស  ​ជេង​កោរាញ ជេសរី​កើប​ឆាក់​ហេន​នើម​ជេង​ឞូនុយ្ស​ឆើម​កើល​ជាន​ការ​អ៝ន់​មា​ខាន់​អៃ​មៃ​យ៝រ​មា​ឞ្រាស​យេឆូ  ។

II Kôrintô 4:5 ပူးပေါင်းရင်းမြစ်များ

Mathay 23:8

Ƀiălah khân păng lơi ăn bu kuăl khân may nơm jêng nơm nti; yorlah geh knŏng du huê Nơm Nti, bi lĕ rngôch jêng oh nâu da dê.

Mathay 3:11

Gâp ƀư ƀaptem ma khân may ma dak gay rmal nau tih; ƀiălah Nơm văch pakơi gâp, nau dơi lơn ma gâp, gâp mâu khư ôh doh rse ntâu jot Păng. Păng mra ƀư ƀaptem ma khân may ma Brah Huêng Ueh jêh ri ma ŭnh.

Yôhan 7:18

Mbu nơm nkoch tĭng nau păng nơm ŭch jêng joi nau chrêk rmah ma păng nơm, bi mbu nơm joi nau chrêk rmah ma Nơm hŏ njuăl păng jêng bunuyh nanê̆ ngăn, tâm bunuyh nây mâu geh ôh du ntil nau kue.

Kôranh Oh Mon 10:36

Brah Ndu hŏ njuăl nau ngơi tât ma phung kon Israel, mbơh nkoch ma Nau Mhe Mhan Ueh đăp mpăn tă bơh Brah Yêsu Krist, jêng Kôranh Brah ma lĕ rngôch bunuyh.

Kôranh Oh Mon 2:36

Yor nây, lĕ ngih Israel gĭt hom nanê̆ ma Brah Ndu aơ, Nơm khân may pâng kđĭn jêh klơ si tâm rkăng, Brah Ndu hŏ n'hao jêng Kôranh Brah jêh ri Brah Krist.”

Kôranh Oh Mon 5:31

Brah Ndu hŏ njŭn leo jêh Nơm nây n'hao gŭ pa ma Păng gay ma ƀư Hađăch jêh ri Nơm Tâm Rklaih, gay ăn nau tâm rmal nau tih jêh ri nau yô̆ an ma nau tih ma phung Israel.

I Kôrintô 1:23

bi hên mbơh nkoch ma nau bu pâng Brah Krist ta si tâm rkăng, jêng nau phung Yuđa kơp mâu di, bi phung bu năch kơp jêng nau brŭt ndrăng.

I Kôrintô 10:33

Tâm ban gâp, nsrôih n'hâm suan ƀư ueh nuih n'hâm ma lĕ rngôch bunuyh tâm ăp ntil ndơ, mâu joi kao play êng ma gâp nơm ôh, ƀiălah ma âk bunuyh gay ma khân păng geh nau rklaih.

I Kôrintô 12:3

Yor ri, gâp ŭch ma khân may gĭt rbăng, mâu geh du huê bunuyh geh nau ntĭm tă bơh Brah Huêng Ueh Brah Ndu jêh ri lŏ lah: “Brah Yêsu khư rak rtăp!” Tơlah Brah Huêng Ueh mâu ntĭm, mâu đŏng geh nơm mbơh “Brah Yêsu jêng Kôranh Brah!”

I Kôrintô 15:47

Bunuyh lor lơn luh tă bơh neh jêng ndơ neh ntu; bunuyh rơh bar luh tă bơh trôk.

I Kôrintô 2:2

Yorlah ta nklang khân may, gâp hŏ tâm nal mâu ŭch gĭt moh nau êng ôh knŏng Yêsu Krist, jêh ri Brah Yêsu Krist bu pâng ta si tâm rkăng.

I Kôrintô 4:15

Nđâp tơlah khân may geh âk rmưn nuyh ntĭm nti tâm Brah Krist, ƀiălah khân may mâu geh âk mbơ̆ ôh; yorlah tă bơh Nau Mhe Mhan Ueh, gâp yơh deh khân may tâm Brah Yêsu Krist.

I Kôrintô 8:6

ƀiălah ma phung he, knŏng geh du huê Brah Ndu jêng Mbơ̆, Nơm rhăk njêng lĕ rngôch ndơ, jêh ri he rêh yor ma Păng; geh đŏng knŏng du huê Kôranh Brah jêng Brah Yêsu Krist, lĕ rngôch ndơ geh yor tă bơh Păng, phung he gŭ rêh yor ma tă bơh Păng đŏng.

II Kôrintô 1:19

Yorlah Brah Yêsu Krist, Kon Brah Ndu, hên jêng Y-Silvan, jêh ri Y-Timôthê hŏ mbơh nkoch ta Păng nklang khân may, mâu ôh geh tơ̆ lah “Ơ” geh tơ̆ lah “Mâu” ôh, ƀiălah tâm Păng “Ơ” mro.

II Kôrintô 1:24

Mâu di hên ŭch nkân ma nau chroh khân may ôh, ƀiălah hên ŭch ndrel ndâk njêng nau maak ma khân may, yorlah khân may hŏ dâk nâp tâm nau chroh.

Galati 5:13

Hơi phung oh nâu, bu kuăl jêh khân may gay dơn nau kon me; ƀiălah lơi dŏng nau kon me nây tâm ban du mông găl gay gŭ rêh ma nglay săk, ƀiălah sŏk hom nuih n'hâm rŏng gay pah kan ndrăng khân may nơm.

Philip 1:15

Nanê̆ ngăn, geh ƀaƀă bunuyh mbơh nkoch Brah Krist yor ma nau keh nach jêh ri nau tâm pit, ƀiălah geh đŏng phung bunuyh yor ma nau mĭn ueh mbơh nkoch.

Philip 2:11

Jêh ri lĕ rngôch mpiăt mbơh da dê Brah Yêsu Krist jêng Kôranh Brah, Gay tâm rnê Brah Ndu jêng Brah Ndu Mbơ̆.

II Timôthê 2:10

Pôri, yorlah phung bunuyh geh nau săch jêh, gâp srôih dơn lĕ ntil ndơ gay ma khân păng dơn đŏng nau tâm rklaih Brah Yêsu Krist, đah nau chrêk rmah n'ho ro.

Titus 1:11

Yor ma drăp ndơ jê̆ jănh, khân păng hŏ ƀư lĕ nau mâu dơi nti, nau ƀư rai lĕ rnăk vâl bunuyh ƀa bă.

II Pêtrôs 2:3

Yorlah nuih n'hâm kơnh ir, khân păng dŏng lĕ nau ngơi mƀruh nchơt gay sŏk drăp nkhôm bơh khân may; nau phat dôih prăp ma khân păng ntơm bơh jŏ nar jêh ăt hôm khlay, jêh ri nau rai lôch prăp ma khân păng mâu gŭ rlu.