II Kôrintô 3:8 - Nau Brah Ndu Ngơi 2023

⁸ mâm ƀư nau pah kan tă bơh Brah Huêng Ueh mâu mra tât tâm nau chrêk rmah lơn ma nây?

Bunong Bible Latin Script Cambodian dialect

⁸ lah ndri nau jan kar Brah Huêng Ueh i leo ăn geh nau rêh n'ho ro, ƀŏn lơ hô rlau ma nây jât ƀah geh nau chrêk lơp?

Bunong

⁸ លាស​នទ្រី​នាវ​ជាន​ការ​ឞ្រាស​ហ្វេង​អ្វែស​អី​លែវ​អ៝ន់​គែស​នាវ​រេស​នហ៝​រ៝ ប៝ន់​លើ​ហោ​រាលាវ​មា​នៃ​ជឹត​បាស​គែស​នាវ​ច្រេក​លើប?

II Kôrintô 3:8 ပူးပေါင်းရင်းမြစ်များ

Êsai 11:2

Brah Huêng Ueh Brah Yêhôva mra gŭ ta klơ Păng, Jêng brah nau gĭt mĭn jêh ri gĭt rbăng, Brah nau tâm nchră jêh ri nau brah, Brah nau gĭt rbăng jêh ri klach yơk ma Brah Yêhôva.

Êsai 44:3

Yorlah Gâp mra nkhŭt dak ta bunuyh ji hir, Ăn dak n'hor hoch ta neh sơh. Gâp mra nkhŭt Brah Gâp ma noi deh may Jêh ri ăn nau ueh lăng ma phung sau se may.

Êsai 59:21

Brah Yêhôva lah: “Bi Gâp be, aơ jêng nau tâm rnglăp Gâp ƀư đah khân păng: ‘Brah Huêng Ueh Gâp gŭ ta klơ khân may, jêh ri lĕ nau Gâp ngơi hŏ dơm jêh tâm trôm mbung khân may mâu mra du bơh trôm mbung khân may ôh, tâm trôm mbung phung noi deh khân may, jêh ri tâm trôm mbung phung sau khân may, ntơm bơh aƀaơ tât ta n'ho ro!’ ” Brah Yêhôva lah kơt nĕ.

Yôhan 1:17

Yorlah nau vay dơi mbơh tă bơh Y-Môis, ƀiălah nau yô̆ jêh ri nau ngăn tât tă bơh Brah Yêsu Krist.

Yôhan 7:39

Păng lah nau aơ nchŏng ma Brah Huêng Ueh, lĕ phung bunuyh chroh ma Păng mra sŏk dơn; yorlah Brah Huêng Ueh ê hŏ jŭr, yorlah Brah Yêsu ê hŏ geh nau tâm rnê.

I Kôrintô 3:16

Khân may mâu gĭt hĕ khân may jêng ngih ma Brah Ndu, jêh ri Brah Huêng Ueh Brah Ndu gŭ tâm khân may?

II Kôrintô 11:4

Yorlah, tơlah bu văch mbơh nkoch ma khân may du huê Brah Yêsu êng ma Brah Yêsu hên mbơh nkoch jêh, mâu lah tơlah khân may sŏk dơn jêh du huêng êng đah Brah Huêng Ueh khân may sŏk dơn jêh, mâu lah tơlah sŏk dơn du nau mhe mhan ueh êng ma Nau Mhe Mhan Ueh khân may sŏk dơn jêh, pôri n'hêl nanê̆ khân may ndrăp gay dơn!

II Kôrintô 3:17

Kôranh Brah jêng Brah Huêng Ueh, moh ntŭk geh Brah Huêng Ueh Kôranh Brah gŭ, ntŭk nây geh nau kon me.

II Kôrintô 3:6

Păng yơh ăn ma hên geh nau blau gay pah kan ma nau tâm rnglăp mhe, mâu di nau tâm rnglăp ma rplay samƀŭt nchih ôh, ƀiălah nau tâm rnglăp tâm Brah Huêng Ueh, yorlah rplay samƀŭt djôt leo nau khĭt, ƀiălah Brah Huêng Ueh ăn nau rêh.

II Kôrintô 3:7

Yorlah, tơlah nau pah kan djôt leo tât nau khĭt, bu tor kach rplay samƀŭt ta kađar lŭ, ƀiălah hôm tât ma nau chrêk rmah, ƀư ma phung Israel mâu dơi uănh ta muh măt Y-Môis, yor nau ral chrêk rmah, nđâp tơlah nau chrêk rmah nây rgăn ngăch,

II Kôrintô 3:9

Yorlah tơlah nau pah kan djôt leo tât nau tâm rmal, ƀiălah hôm geh nau chrêk rmah, pôri nau pah kan djôt leo tât nau sŏng srăng lơ hô geh nau chrêk rmah rlau lơn!

Galati 3:14

gay tâm Yêsu Krist ma nau ueh lăng prăp ma Y-Abraham tât ma phung bu năch, jêh ri ma nau chroh he dơi sŏk dơn nau ton ma Brah Huêng Ueh.

Galati 5:5

Ƀiălah tă bơh nau chroh jêh ri tă bơh tâm Brah Huêng Ueh, hên gŭ kâp nau kâp gân ma nau kơp sŏng srăng.

Êphêsô 2:18

Yorlah tă bơh Păng lĕ bar mpôl he dơi văch ta Brah Ndu Mbơ̆ tâm nguay Brah Huêng Ueh.

II Têsalônik 2:13

Hơi phung oh nâu jêng phung Kôranh Brah rŏng, hên ŭch lah ueh ma Brah Ndu ƀaƀơ ma khân may, yorlah ntơm saơm Brah Ndu săch jêh gay ăn nau tâm rklaih ma khân may, tă nau kloh ueh bơh Brah Huêng Ueh jêh ri nau chroh tâm nau ngăn.

I Pêtrôs 1:2

tĭng nau gĭt lor tă bơh Brah Ndu jêng Mbơ̆, jêh ri geh nau ƀư kloh ueh tă bơh Brah Huêng Ueh, gay tông bâr Brah Yêsu Krist jêh ri geh kô̆ tâm nau mbrih mham Păng. Mbơh sơm dăn nau yô̆ jêh ri nau đăp mpăn lơ hô n'hao ma khân may!