II Kôrintô 3:7 - Nau Brah Ndu Ngơi 2023

⁷ Yorlah, tơlah nau pah kan djôt leo tât nau khĭt, bu tor kach rplay samƀŭt ta kađar lŭ, ƀiălah hôm tât ma nau chrêk rmah, ƀư ma phung Israel mâu dơi uănh ta muh măt Y-Môis, yor nau ral chrêk rmah, nđâp tơlah nau chrêk rmah nây rgăn ngăch,

Bunong Bible Latin Script Cambodian dialect

⁷ Kôranh Brah nchih nau vay ta rlat lŭ ăn ma Môsê kăl e nơh, ta nây geh nđâp ma nau chrêk lơp Kôranh Brah nơm dŭt hô ngăn, n'ho ma phung Israel mâu ôh hôm dơi uănh muh măt Môsê, yorlah ral ngăn, yơn ma nau chrêk lơp ral i nây ta muh măt Môsê mâu ôh jŏ jong, lơ ma roh đê̆ roh đê̆. Lah nau vay i leo ăn khât n'ho ro, lĕ dah nây ngăn geh nau chrêk lơp,

Bunong

⁷ កោរាញ​ឞ្រាស​ញចីស​នាវ​វៃ​តា​រាលាត​លុ​អ៝ន់​មា​មោឆេ  ​កាល់​អែ​នើស តា​នៃ​គែស​នអ៝ប់​មា​នាវ​ច្រេក​លើប​កោរាញ​ឞ្រាស​នើម​ទុត​ហោ​ងាន់ នហ៝​មា​ផូង​អីឆ្រាអែល  ​មោ​អោស​ហោម​ទើយ​អ្វាញ់​មុស​មាត់​មោឆេ  យ៝រ​លាស​រាល​ងាន់ យើន​មា​នាវ​ច្រេក​លើប​រាល​អី​នៃ​តា​មុស​មាត់​មោឆេ  ​មោ​អោស​ជ៝ៈ​ជ៝ង លើ​មា​រ៝ស​ដេៈ​រ៝ស​ដេៈ។ លាស​នាវ​វៃ​អី​លែវ​អ៝ន់​ខឹត​នហ៝​រ៝ លែៈ​ទាស​នៃ​ងាន់​គែស​នាវ​ច្រេក​លើប‌

II Kôrintô 3:7 ပူးပေါင်းရင်းမြစ်များ

Nau Ntơm 3:21

Yêhôva Brah Ndu sŏk ntâu mpô mpa jĭm n'grêp jêng ao jong ăn ma ur sai Y-Ađam jêh nây nsoh an ma khân păng.

Nêhêmi 9:13

Kôranh Brah jŭr ta klơ yôk Sinai, Tă bơh trôk Kôranh Brah hŏ ngơi jêh ma khân păng. Kôranh Brah ăn nau vay ƀư jêh ri nau vay di jêh ri sŏng srăng; Lĕ nau vay dăp ueh jêh ri nau vay ntăm ueh.

Nau Mprơ Ơm 119:174

Ơ Brah Yêhôva; gâp ŭch rŏng ma nau May tâm rklaih, Jêh ri gâp rŏng ma nau vay May.

Nau Mprơ Ơm 119:97

Gâp rŏng kơnh ngăn ngên ma nau vay May! Lĕ nar gâp gŭ mĭn ma nau vay nây.

Nau Ngluh Êjipt 24:12

Brah Yêhôva lah ma Y-Môis: “Hao hom ta yôk, tât ta Gâp jêh ri gŭ kâp Gâp ta nây. Gâp mra ăn ma may ndap lŭ ta nây Gâp hŏ nchih jêh nau vay jêh ri nau vay ntăm gay nti phung ƀon lan.”

Nau Ngluh Êjipt 31:18

Lôch jêh ngơi đah Y-Môis ta yôk Sinai, Brah Yêhôva ăn ma păng bar Rlat Nau Tâm Rnglăp ma lŭ tă bơh nglau ti Brah Ndu nchih.

Nau Ngluh Êjipt 32:19

Lah păng văch dăch rmlak tahan, saơ rup kon ndrôk jêh ri pâl ntalơ̆, Y-Môis ji nuih, klŭp bar Rlat Nau Tâm Rnglăp bơh ti păng nơm, nchah hăch ta jâng yôk.

Nau Ngluh Êjipt 34:1

Brah Yêhôva ngơi ma Y-Môis: “Trah hom bar rlat lŭ nâm bu bar rlat alor, jêh nây Gâp mra nchih ta klơ bar rlat aơ lĕ nau ngơi hŏ geh ta klơ bar rlat may mbang nchah lơi jêh.

Kôranh Oh Mon 6:15

Lĕ rngôch bunuyh gŭ ta phung Kôranh Phat Dôih gŭ uănh ma Y-Êtiên jêh ri saơ muh măt păng nâm bu măt tông mpăr.

Samƀŭt Pôl Njuăl Ăn Ma Phung Nsing Ta Ƀon Rôm 10:4

yorlah Brah Krist jêng nglĕ ma nau vay, gay lĕ rngôch bunuyh chroh dơi kơp sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 4:15

Yorlah nau vay djôt leo tât nau ji nuih, ƀiălah moh ntŭk mâu geh nau vay mâu đŏng geh nau rlau nau vay ôh.

Samƀŭt Pôl Njuăl Ăn Ma Phung Nsing Ta Ƀon Rôm 5:20

Nau vay tât jêh ƀư ma nau tih jêng âk lơn; ƀiălah moh ntŭk nau tih geh âk lơn, nau yô̆ geh âk rmeh lơn.

Samƀŭt Pôl Njuăl Ăn Ma Phung Nsing Ta Ƀon Rôm 7:10

bi gâp khĭt; di lah nau vay ntăm djôt leo nau rêh tât ma gâp, ƀiălah păng njŭn leo jêh gâp ma nau khĭt.

Samƀŭt Pôl Njuăl Ăn Ma Phung Nsing Ta Ƀon Rôm 7:22

Yorlah tâm trôm nuih n'hâm, gâp răm maak ma nau vay Brah Ndu;

Samƀŭt Pôl Njuăl Ăn Ma Phung Nsing Ta Ƀon Rôm 7:5

Dôl he hôm gŭ rêh tâm nglay săk, lĕ nau kơnh mhĭk ma nau tih tâm nau vay, ƀư tâm lĕ kô̆ săk jăn he gay ma geh play kao ma nau khĭt.

I Kôrintô 13:10

ƀiălah tơlah nau dŭt ueh tât jêh, nau mâu ueh mra rlau lôch.

II Kôrintô 3:3

Rah vah ngăn khân may jêng blah samƀŭt bơh Brah Krist, nchih jêh tă bơh nau pah kan hên, mâu di nchih ma dak ôch, ƀiălah ma Brah Huêng Ueh Brah Ndu gŭ rêh mro mrăng; mâu di nchih ta kađar lŭ, ƀiălah nchih ta lĕ kađar nuih n'hâm kon bunuyh.

II Kôrintô 3:6

Păng yơh ăn ma hên geh nau blau gay pah kan ma nau tâm rnglăp mhe, mâu di nau tâm rnglăp ma rplay samƀŭt nchih ôh, ƀiălah nau tâm rnglăp tâm Brah Huêng Ueh, yorlah rplay samƀŭt djôt leo nau khĭt, ƀiălah Brah Huêng Ueh ăn nau rêh.

II Kôrintô 3:8

mâm ƀư nau pah kan tă bơh Brah Huêng Ueh mâu mra tât tâm nau chrêk rmah lơn ma nây?

Galati 3:10

Bi lĕ rngôch bunuyh rnơm ma kan nau vay mra geh nau rtăp rak; yorlah geh nau nchih: “Khư ma rak rtăp ngăn ma mbu nơm mâu nâp djôt prăp lĕ ntil hŏ nchih tâm ndrom samƀŭt nau vay!”

Galati 3:21

Kơt nây nau vay tâm rdâng đah nau Brah Ndu ton lĕ ƀơh? Mâu di ôh! Yorlah tơlah nau vay dơi mbơh djôt leo ăn nau rêh, nanê̆ nau sŏng luh tă bơh nau vay nây.

Nau Vay Nkah Tay 4:13

Brah Yêhôva mbơh ma khân may nau tâm rnglăp, nau Păng ntăm jêh ăn khân may djôt prăp, nâm bu ntĭt Jât Ntil Nau Vay Ntăm bơh Păng hŏ nchih jêh ta klơ bar rlat lŭ.

Nau Vay Nkah Tay 4:8

Mbu ndŭl mpôl toyh dơi geh lĕ nau vay dăp jêh ri lĕ nau vay ƀư sŏng nâm bu lĕ rngôch nau vay nar aơ gâp tâm mpơl tanăp măt khân may?

Nau Vay Nkah Tay 5:22

Nây jêng lĕ nau ngơi tă bơh klơ yôk, Brah Yêhôva hŏ ngơi bâr huy ntĭnh ma lĕ rngôch phung Israel tâm rƀŭn luh bơh ŭnh, nklang ndâr tŭk krăk kher ngo klĕng. Păng mâu hôm ntop nau êng ôh ƀiălah Păng nchih lĕ nau nây ta bar rlat lŭ jêh ri jao ma gâp.

Nau Vay Nkah Tay 9:15

Pôri, gâp plơ̆ ro jêh ri hăn trŭnh bơh yôk nđâp ma bar rlat lŭ geh nchih nau tâm rnglăp tâm ti gâp, tâm nôk lam yôk hôm ŭnh sa.

ហេឞ្រើ 12:18

Khân may mâu hăn dăch ôh ta yôk dơi tât, mâu đŏng hăn dăch chiông ŭnh hit, mâu lah ntŭk ngo klĕng, chuê chuăng mâu lah nau sial vănh blông,

ហេឞ្រើ 3:3

Ƀiălah Brah Yêsu khư geh nau chrêk rmah lơn ma Y-Môis âk tơ̆, nâm bu nơm ƀư ngih geh nau yơk rlau lơn ngih păng ƀư.

ហេឞ្រើ 9:4

ta nây geh nơng ƀư brah mah gay nhhơr ndơ ƀâu kah jêh ri Hip Nau Tâm Rnglăp, mblum ma mah. Tâm hip nây geh du mlâm yăng mah bu dơ mana, mâng jra luh kao Y-Arôn, jêh ri lĕ rlat lŭ bu nchih nau tâm rnglăp.