II Kôrintô 3:16 - Nau Brah Ndu Ngơi 2023

¹⁶ Ƀiălah dôl du huê bunuyh plơ̆ sĭt ma Kôranh Brah, bok nching nây bu sŏk lơi.

Bunong Bible Latin Script Cambodian dialect

¹⁶ Yơn ma nôk du huê plơ̆ sât nsing ma Kôranh Yêsu, bok i nây roh bơh bunuyh i nây ro.

Bunong

¹⁶ យើន​មា​នោក​ទូ​ហ្វេ​ព្លឹ​ឆឹត​ញឆីង​មា​កោរាញ​យេឆូ  ឞ៝ក​អី​នៃ​រ៝ស​ឞើស​ឞូនុយ្ស​អី​នៃ​រ៝។

II Kôrintô 3:16 ပူးပေါင်းရင်းမြစ်များ

Nau Ngluh Êjipt 34:34

Ƀiălah ăp tơ̆ Y-Môis hăn văch tanăp Brah Yêhôva gay ngơi đah păng, păng sŏk lơi bok nkŭm kŏ tât nôk păng luh padih, jêh ri nkoch tay ma phung ƀon lan Israel lĕ nau Brah Yêhôva lah jêh ma păng.

Êsai 25:7

Ta yôk aơ, Păng mra hêk chalơi Bok nkŭm lĕ rngôch phung ƀon lan, Jêh ri bok nkŭm lĕ rngôch bri dak.

Êsai 29:18

Tâm nar nây, phung tê̆k mra tăng Nau ngơi tâm ndrom samƀŭt, Măt phung chieh mra saơ bơh nau ngo klĕng vêt vê Jêh ri dơi saơ.

Êsai 54:13

Brah Yêhôva mra sâm nti lĕ rngôch phung kon may, Jêh ri khân păng mra geh nau đăp mpăn ngăn.

Yêrêmi 31:34

Khân păng mâu mra sâm nti ôh ma nơm chiau meng mâu lah oh nâu păng pô aơ: ‘Gĭt năl hom Brah Yêhôva,’ yorlah lĕ rngôch khân păng gĭt năl Gâp da dê, ntơm bơh nơm jê̆ lơn tât ma nơm toyh lơn,” Brah Yêhôva lah: “Yorlah Gâp mra yô̆ an nau djơh mhĭk khân păng jêh ri mâu hôm kah gĭt ma nau tih khân păng đŏng.”

Nau Nhĭm Vơl 3:40

Ăn he sek uănh tay hom trong he nơm, Jêh ri plơ̆ sĭt ma Brah Yêhôva.

Samƀŭt Pôl Njuăl Ăn Ma Phung Nsing Ta Ƀon Rôm 11:23

Bi ma phung Yuđa, tơlah khân păng lơi nau mâu chroh, Brah Ndu mra ndop khân păng, yorlah Păng geh nau dơi ndop tay khân păng.

II Kôrintô 3:15

N'hêl nanê̆ ngăn, kŏ tât ta nar aơ, ăp tơ̆ bu tăng rŏ ndrom samƀŭt Y-Môis, bok nching lŏ nkŭm tay nuih n'hâm khân păng.

Nau Vay Nkah Tay 30:10

iăt ma khân may tông bâr ma Yêhôva Brah Ndu khân may, djôt prăp lĕ nau vay Păng ntăm jêh ri nau vay Păng dăp nchih jêh tâm ndrom samƀŭt nau vay aơ, nđâp ma plơ̆ sĭt ma Yêhôva Brah Ndu khân may ma lĕ nuih n'hâm khân may jêh ri ma lĕ huêng khân may.

Nau Vay Nkah Tay 4:30

Lah khân may gŭ tâm nau rêh ni, jêh ri lah lĕ rngôch nau aơ mra tât jêh ma khân may, tâm nar nglĕ dŭt, khân may mra plơ̆ tay ma Yêhôva Brah Ndu khân may jêh ri tông bâr Păng.