II Kôrintô 3:14 - Nau Brah Ndu Ngơi 2023

¹⁴ Ƀiălah nuih n'hâm khân păng ăt jêng dăng, yorlah kŏ tât ta nar aơ, tơlah khân păng rŏ Nau Tâm Rnglăp Ơm, bok nching nây ăt ê hŏ dơi sŏk bơh khân păng; yorlah knŏng tâm Brah Krist, bok nching nây dơi sŏk lơi.

Bunong Bible Latin Script Cambodian dialect

¹⁴ Yơn ma nuih n'hâm nau mân khân păng hôm dăng ko kơt ơm n'ho ma tât nar dja, nôk khân păng tăng bu rŏ nau tâm rnglăp ơm, bok i nây tâm ban ma hôm nkŭm lơi nuih n'hâm nau mân khân păng nơm. Bok i nây hôm nkŭm nanao, tât ma khân păng lăp gŭ ndrel Brah Krist, mơ dâng bok i nây bah bơh nuih n'hâm nau mân khân păng.

Bunong

¹⁴ យើន​មា​នូយ្ស​នហ៝ម់​នាវ​មឹន​ខាន់​ពាង់​ហោម​ទាង់​ក៝​កើត​អើម​នហ៝​មា​ត៝ត់​នារ​អ្យា នោក​ខាន់​ពាង់​តាង់​ឞូ​រ៝ៈ​នាវ​តឹម​រាង្លាប់​អើម ឞ៝ក​អី​នៃ​តឹម​ឞាន​មា​ហោម​ងកុម​លើយ​នូយ្ស​នហ៝ម់​នាវ​មឹន​ខាន់​ពាង់​នើម។ ឞ៝ក​អី​នៃ​ហោម​ងកុម​នានាវ ត៝ត់​មា​ខាន់​ពាង់​លាប់​គុ​នទ្រែល​ឞ្រាស​ក្រីស  មើ​ទឹង​ឞ៝ក​អី​នៃ​ឞាស​ឞើស​នូយ្ស​នហ៝ម់​នាវ​មឹន​ខាន់​ពាង់។

II Kôrintô 3:14 ပူးပေါင်းရင်းမြစ်များ

Nau Mprơ Ơm 69:23

Ŭch ma măt khân păng chieh, mâu dơi saơ ôh, Jêh ri ndŭr kơi khân păng kuăt krô mro.

Êsai 25:7

Ta yôk aơ, Păng mra hêk chalơi Bok nkŭm lĕ rngôch phung ƀon lan, Jêh ri bok nkŭm lĕ rngôch bri dak.

Êsai 44:18

Phung nây mâu gĭt rbăng ôh, mâu lĕ blau sek uănh; yorlah măt khân păng nhêp jêh gay mâu dơi saơ ôh, nuih n'hâm khân păng nchăng jêh gay mâu dơi gĭt rbăng.

Êsai 56:10

Lĕ rngôch phung gak Israel Chieh măt da dê, mâu geh nau gĭt rbăng ôh. Lĕ rngôch khân păng jêng so mlo, Mâu blau groh ôh; Knŏng mbơi, bê̆ch jong Jêh ri rŏng bê̆ch.

Êsai 59:10

Hên rvơ njŏ tĭng mpir tâm ban ma bunuyh chieh măt, Rvơ tâm ban ma phung mâu geh măt ôh; Nklang bôk nar ƀiălah chêh jâng tâm ban ma ngo nsrŭp măng; Ta nklang phung geh nau dăng ktang ƀiălah hên jêng tâm ban ma phung khĭt.

Êsai 6:10

Ƀư hom ma phung ƀon lan aơ rluk mâl, Tê̆k trôm tôr, nhêp măt; Klach lah măt khân păng dơi saơ, Tôr khân păng dơi tăng, Nuih n'hâm khân păng dơi gĭt rbăng, Jêh nây khân păng plơ̆ sĭt jêh ri bu ƀư bah!”

Yêrêmi 5:21

Ăn iăt hom, hơi phung ƀon lan rluk mâl, Geh măt mâu gĭt saơ, Geh tôr mâu gĭt tăng.”

Êsêkiêl 12:2

“Hơi kon bunuyh, may gŭ ta nklang phung ƀư nau tâm rdâng. Khân păng geh trôm măt gay ma saơ ƀiălah mâu saơ ôh, geh tôr gay ma tăng ƀiălah mâu ŭch iăt ôh, yorlah khân păng jêng ngih tâm rdâng.

Mathay 13:11

Brah Yêsu lah: “Bu ăn jêh ma khân may gĭt rbăng ma nau ndâp ƀon bri hađăch klơ trôk, ƀiălah ma khân păng bu mâu ăn nâm bu pônây.

Mathay 16:17

Brah Yêsu lah ma păng: “Hơi Y-Simôn kon Y-Yôna, ueh maak ngăn ma may! Yor ri mâu di nglay săk jêh ri mham mpơl nau nây ma may ôh, ƀiălah jêng Mbơ̆ Gâp gŭ ta klơ trôk yơh.

Mathay 6:23

ƀiălah tơlah măt may chieh, lĕ săk jăn may mra jêng nau ngo. Pôri, tơlah nau ang tâm may knŏng jêng nau ngo ri mơ nau ngo nây mra toyh ngăn yơh!”

Yôhan 12:40

“Brah Yêsu ƀư ăn măt khân păng chieh, Nuih n'hâm khân păng dăng, Klach lah măt khân păng dơi saơ, Nuih n'hâm khân păng gĭt rbăng jêh ri rmal nau tih, Gay ma Gâp ƀư bah khân păng.”

Yôhan 12:46

Gâp jêng nau ang hŏ văch jêh ta neh ntu, gay mbu nơm chroh ma Gâp mâu gŭ tâm nau ngo đŏng ôh.

Yôhan 8:12

Brah Yêsu lah đŏng ma phung ƀon lan pô aơ: “Gâp jêng nau ang ma neh ntu, mbu nơm tĭng Gâp mâu mra hăn tâm nau ngo ôh, ƀiălah mra geh nau ang ma nau rêh.”

Kôranh Oh Mon 13:15

Jêh ri bu rŏ ndrom samƀŭt nau vay jêh ri nau mbơh lor, phung kôranh mât uănh ngih rƀŭn njuăl bu lah ma khân păng: “Hơi phung oh nâu, tơlah khân may geh nau n'hao nuih n'hâm ma ƀon lan, ngơi hom.”

Kôranh Oh Mon 15:21

Yorlah ntơm bơh lĕ rngôch rô̆ kăl e, tâm ăp ƀon, geh phung bunuyh nti lah nau vay Y-Môis jêh ri rŏ nau vay nây ăp nar saƀat tâm lĕ ngih rƀŭn.”

Kôranh Oh Mon 16:14

Geh du huê bu ur iăt hên, amoh păng H'Lidi, bơh ƀon Thiatir, vay tăch bok chăng krăk, jêng bunuyh yơk mbah ma Brah Ndu. Kôranh Brah pơk nuih n'hâm H'Lidi ƀư ăn păng rkêng tôr iăt nau Y-Pôl ngơi.

Kôranh Oh Mon 26:18

gay ma pơk an măt khân păng, ăn khân păng du bơh nau ngo hăn tâm nau ang, tă bơh nau dơi ktang Satan plơ̆ sĭt ma Brah Ndu; gay ma nau chroh ma Gâp, khân păng dơn nau yô̆ an nau tih jêh ri dơn kô̆ drăp ndơ ndrel ma phung kloh ueh.’

Samƀŭt Pôl Njuăl Ăn Ma Phung Nsing Ta Ƀon Rôm 11:25

Hơi oh nâu, gâp ŭch ma khân may gĭt rbăng ma nau khlay ndâp aơ, gay ma khân may mâu kơp êng săk khân may nơm jêng blau mĭn, nây jêng: Du kô̆ tâm phung Israel dăng nuih n'hâm gay tât ta rnoh phung bu năch dơi lăp rĭng jêh.

II Kôrintô 3:15

N'hêl nanê̆ ngăn, kŏ tât ta nar aơ, ăp tơ̆ bu tăng rŏ ndrom samƀŭt Y-Môis, bok nching lŏ nkŭm tay nuih n'hâm khân păng.

II Kôrintô 3:6

Păng yơh ăn ma hên geh nau blau gay pah kan ma nau tâm rnglăp mhe, mâu di nau tâm rnglăp ma rplay samƀŭt nchih ôh, ƀiălah nau tâm rnglăp tâm Brah Huêng Ueh, yorlah rplay samƀŭt djôt leo nau khĭt, ƀiălah Brah Huêng Ueh ăn nau rêh.

II Kôrintô 4:6

Yorlah Brah Ndu jêng Nơm lah pô aơ: “Ăn nau ang sol bơh nau ngo,” hŏ sol ang jêh tâm nuih n'hâm hên, ăn nau ang gay ma gĭt rbăng nau chrêk rmah Brah Ndu ta muh măt Brah Yêsu Krist.

Êphêsô 4:18

Nau mĭn khân păng ngo klĕng, gŭ ngai đah nau rêh Brah Ndu, yor nau rluk mâl gŭ tâm khân păng, jêh ri nuih n'hâm khân păng men dăng.