II Kôrintô 2:7 - Nau Brah Ndu Ngơi 2023

⁷ Ƀiălah aƀaơ, ueh lơn khân may yô̆ nau tih jêh ri bonh leng bunuyh nây, gay ma bunuyh nây mâu ngâm tâm nau rngot rvê dŭt hâu.

Bunong Bible Latin Script Cambodian dialect

⁷ Aƀaơ dja ăn khân ay may yô̆ nau tih păng, ndrel ma n'hao nuih n'hâm păng dô, klach lah păng geh nau rngot dŭt hô, n'ho ma mâu hôm geh nau rnơm.

Bunong

⁷ អាបៃ​អ្យា​អ៝ន់​ខាន់​អៃ​មៃ​យោៈ​នាវ​តីស​ពាង់ នទ្រែល​មា​នហាវ​នូយ្ស​នហ៝ម់​ពាង់​ទោ ក្លាច​លាស​ពាង់​គែស​នាវ​រាង៝ត​ទុត​ហោ នហ៝​មា​មោ​ហោម​គែស​នាវ​រានើម។

II Kôrintô 2:7 ပူးပေါင်းရင်းမြစ်များ

Nau Mprơ Ơm 124:3

Tơlah Brah Yêhôva mâu koh dŏng he, Khân păng rvăn rêh jêh he;

Nau Mprơ Ơm 21:9

Tơlah Kôranh Brah gŭ ta nây, May ƀư ma khân păng nâm bu ŭnh năk duh; Tâm nau păng ji nuih, Brah Yêhôva mra rvăn ăn khân păng Jêh ri ŭnh mra sa khân păng.

Nau Mprơ Ơm 57:3

Păng ăn nau tâm rklaih ma gâp tă bơh trôk. Ăn ma phung tŭn jot mra geh nau bêk prêng, nau ƀơ̆ ƀơch. (Sêla) Brah Ndu ăn nau ueh jêh ri nau răp jăp Păng ma gâp.

Nau Hôr 1:12

Phung he mra rvăn rêh khân păng nâm bu ƀon phung khĭt, Jêh ri rvăn glŏm nâm bu phung hăn trŭnh ma ntu môch;

Nau Hôr 17:22

Nuih n'hâm hâk răm jêng du ntil dak si ueh, Bi nau rdja nuih ƀư ăn nting sơh kro.

Êsai 28:7

Rlau ma nĕ phung aơ vĕt ta vĕng đŏng yor ndrănh, Jêh ri hăn ndĭt ndĭu yor nhŭl ndrănh. Phung kôranh ƀư brah jêh ri phung nơm mbơh lor hăn ndĭt ndĭu da dê yor ndrănh ktang, Ndrănh hŏ rvăn khân păng, Jêh ri hăn ndĭt ndĭu yor ndrănh ktang; Khân păng but bi tâm saơ, Jêh ri ƀư vĭ dôl gŭ phat dôih.

I Kôrintô 15:54

Tơlah săk jăn blau ôm rai mra nsoh nau mâu blau ôm rai, săk jăn blau khĭt aơ nsoh ndơ mâu blau khĭt, ri mơ nôk nây mra tât di ngăn nau nchih jêh: “Nau dơi rvăn jêh nau khĭt.”

II Kôrintô 2:8

Pôri, gâp vơl dăn ma khân may mpơl hom nuih n'hâm rŏng ma păng.

II Kôrintô 5:4

N'hêl nanê̆ ngăn, dôl he gŭ tâm ngih njưh aơ, he nđêng tâm lĕ nau anh jâk, mâu di he ŭch doh lơi ôh, ƀiălah he ŭch nsoh ntop tay, gay ma nau rêh mra rvăn ndơ blau khĭt.

II Kôrintô 7:10

Yorlah nau rngot rvê tĭng nâm nau Brah Ndu ŭch njêng nau rmal nau tih, njŭn ma nau tâm rklaih; nau nây mâu geh nau gay nduyh tôr; ƀiălah nau rngot rvê tĭng nâm neh ntu njŭn leo tât nau khĭt.

Êphêsô 4:32

Ăn khân may gŭ ngao tâm nau ueh jêh ri nau rdơ̆ rbăn, yô̆ an ndrăng khân may nâm bu Brah Ndu yô̆ an jêh ma khân may tâm Brah Krist.

Philip 2:27

Nanê̆ ngăn, păng geh nau ji bơi ma khĭt, ƀiălah Brah Ndu yô̆ nđach ma păng, mâu di knŏng yô̆ nđach ma păng dơm, ƀiălah nđâp ma gâp tâm ban lĕ, gay lơi ăn gâp geh nau rngot rvê âk ir.

Kôlôh 3:13

Tơlah du huê tâm khân may geh moh nau ngơi njang bâr đah bunuyh êng, ăn blau ât nuih n'hâm jêh ri tâm yô̆ ndrăng khân may nơm; nâm bu Kôranh Brah hŏ yô̆ an jêh ma khân may tâm ban lĕ, pôri ăn khân may tâm yô̆ an kơt nây lĕ.

I Têsalônik 4:13

Hơi phung oh nâu, hên mâu ŭch ôh ma khân may mâu gĭt rbăng ma nau phung bê̆ch jêh, gay ma khân may lơi rngot rvê nâm bu phung êng mâu geh nau kâp gân.

II Têsalônik 3:6

Hơi phung oh nâu, tâm amoh Kôranh Brah he jêng Brah Yêsu Krist, khân may nkah phung oh nâu der ngai hom đah phung oh nâu gŭ rêh ƀlao pah kan, mâu tĭng lĕ nau ntĭm nti ƀiălah khân may hŏ sŏk dơn jêh bơh hên.