II Kôrintô 2:14 - Nau Brah Ndu Ngơi 2023

¹⁴ Ƀiălah lah ueh ma Brah Ndu, jêng Nơm leo bôk ƀaƀơ ma hên tâm nau hăn tâm groi ndrel ma nau dơi tâm Brah Krist; jêh ri tă bơh hên, Păng ƀư n'hôl ƀâu kah ma nau gĭt rbăng Păng ƀâu lam ntŭk.

Bunong Bible Latin Script Cambodian dialect

¹⁴ Lah ueh ma Kôranh Brah i geh nau dơi ma dâng lĕ ntil ndơ. Tă bơh ndơ Brah Krist lĕ jêh jan, kơt ndri dâng Păng leo hên mbơh nkoch ta ăp ntŭk, gay ma bu gĭt say nau dơi Păng, nau mbơh nkoch i nây jêng tâm ban ma n'hôl ƀô kah ta lam ntŭk i hên hăn.

Bunong

¹⁴ លាស​អ្វែស​មា​កោរាញ​ឞ្រាស​អី​គែស​នាវ​ទើយ​មា​ទឹង​លែៈ​នតីល​នទើ។ តាៈ​ឞើស​នទើ​ឞ្រាស​ក្រីស  ​លែៈ​ជេស​ជាន កើត​នទ្រី​ទឹង​ពាង់​លែវ​ហេន​មឞើស​ងក៝ច​តា​អាប់​នតុក គៃ​មា​ឞូ​គឹត​ឆៃ​នាវ​ទើយ​ពាង់ នាវ​មឞើស​ងក៝ច​អី​នៃ​ជេង​តឹម​ឞាន​មា​នហោល​បោ​កាស​តា​លាម​នតុក​អី​ហេន​ហាន់។

II Kôrintô 2:14 ပူးပေါင်းရင်းမြစ်များ

Nau Mprơ Ơm 106:47

Ơ Yêhôva Brah Ndu hên, dăn sâm rklaih hên, Tâm rƀŭn hên bơh nklang lĕ bri dak, Gay ma hên mra tâm rnê ma amoh kloh ueh May Jêh ri dơi mprơ tâm rnê ma May.

Nau Mprơ Ơm 148:14

Păng hŏ n'hao jêh nke phung ƀon lan n'gơr prêh, Gay ma phung răp jăp tâm rnê ma Păng, Nâm bu ntĭt ma phung kon Israel, jêng phung ƀon lan gŭ dăch Păng! Halêluya.

Nau Mprơ Ueh 1:3

Dak ngi may n'hôl ƀâu kah ngăn, Nau lư amoh may jêng nâm bu dak ƀâu kah n'hôl bu troch; Yor nây yơh bu druh tang tat rŏng ma may.

Êsêkiêl 20:41

Gâp mra vơt dơn khân may nâm bu ndơ n'hôl ƀâu kah tơlah Gâp djôt leo khân may luh bơh phung mpôl băl êng jêh ri tâm rgum khân may tă bơh lĕ bri dak khân may hŏ nchah rai pru pra, jêh ri nau kloh ueh Gâp mra dơi tâm mpơl ta nklang khân may tanăp măt phung bu năch.

Yôhan 16:33

Gâp lah lĕ nau aơ ma khân may, gay ma khân may geh nau đăp mpăn tâm Gâp. Khân may mra geh nau rêh ni tâm neh ntu, ƀiălah khân may nâp hom nuih n'hâm, Gâp hŏ dơi jêh đah neh ntu.”

Samƀŭt Pôl Njuăl Ăn Ma Phung Nsing Ta Ƀon Rôm 1:8

Lor lơn, tâm Brah Yêsu Krist, gâp lah ueh ma Brah Ndu gâp yor ma lĕ rngôch khân ay may, ma nau chroh khân ay may lư n'găr lam neh ntu.

Samƀŭt Pôl Njuăl Ăn Ma Phung Nsing Ta Ƀon Rôm 15:19

ma nau brah khlay ngăn jêh ri nau mbên khlay, ma nau dơi Brah Huêng Ueh Brah Ndu, gâp hŏ mbơh âk bunuyh gĭt Nau Mhe Mhan Ueh Brah Yêsu Krist lam ntŭk, tă bơh ƀon Yêrusalem jêh ri n'gor văr jŭm ma tât ta n'gor Iliri.

Samƀŭt Pôl Njuăl Ăn Ma Phung Nsing Ta Ƀon Rôm 6:17

Ƀiălah lah ueh ma Brah Ndu, yorlah khân may hŏ tă ƀư dĭk ma nau tih, ƀiălah nar aơ tông bâr lĕ nuih n'hâm ma nau di ntĭm nti hŏ jao ăn jêh ma khân may,

Samƀŭt Pôl Njuăl Ăn Ma Phung Nsing Ta Ƀon Rôm 8:37

Ƀiălah, tâm lĕ nau nây phung he yor Nơm rŏng ma he, he dơi mro mrăng.

I Kôrintô 12:8

Ma bunuyh aơ geh Brah Huêng Ueh ăn ma nau ngơi blau mĭn, tă bơh nguay Brah Huêng Ueh, bunuyh êng dơn dơi nau ngơi gĭt rbăng.

I Kôrintô 15:37

Bi ndơ may tuch nây, mâu di jêng săk păng mra chăt hon, ƀiălah nơih jêng du mlâm găr dơm, nâm bu găr ba ƀlê mâu lah ƀaƀă ntil găr êng.

I Kôrintô 15:57

Ƀiălah lah ueh ma Brah Ndu ăn ma he nau dơi tă bơh Kôranh Brah he jêng Brah Yêsu Krist.

II Kôrintô 1:11

Khân may kơl hom hên tâm nau mbơh sơm, gay ma nau mbơh sơm âk bunuyh mbơh sơm ma hên geh nau yô̆; jêh ri tă bơh nây, âk bunuyh mra nhhơr nau tâm rnê lah ueh.

II Kôrintô 8:16

Lah ueh ma Brah Ndu, Păng dơm jêh tâm nuih n'hâm Y-Tit nau duh nđơr tâm ban gâp geh ma khân may;

II Kôrintô 9:15

Lah ueh ma Brah Ndu, yor nau Păng ăn ma he mâu blau kơp!

Êphêsô 5:2

Hăn hom tâm nau rŏng nâm bu Brah Krist rŏng jêh ma he, Păng jao săk jăn Păng yor he, nâm bu du ndơ nhhơr jêh ri mpa ƀư brah n'hôl ƀâu kah nhhơr ma Brah Ndu.

Êphêsô 5:20

Tâm lĕ nau kan, tâm amoh hom Kôranh Brah he Yêsu Krist ƀaƀơ gay nhhơr nau lah ueh ma Brah Ndu, jêng Mbơ̆.

Philip 4:18

Gâp hŏ geh bêng tŏng jêh ri geh rmeh ler. Gâp hŏ dơn jêh bêng tŏng ndơ khân may njuăl ma gâp bơh Y-Êpaphôdit, nâm bu du ndơ nhhơr n'hôl ƀâu kah, du mpa ƀư brah Brah Ndu maak dơn jêh ri ueh nuih n'hâm ma Păng.

Kôlôh 1:23

knŏng ma khân may nau gŭ nâp tay tâm nau chroh, mâu rdja nuih ôh, mâu trơn chalơi bơh nau kâp gân Nau Mhe Mhan Ueh khân may tăng jêh, jêng Nau Mhe Mhan Ueh hŏ mbơh nkoch jêh ma lĕ rngôch bunuyh tâm dâng trôk; jêh ri gâp, Y-Pôl, hŏ jêng bunuyh pah kan ma Nau Mhe Mhan Ueh nây.

Kôlôh 1:6

Nau Mhe Mhan Ueh nây dôl play kao jêh ri văch ma toyh tâm lam neh ntu nâm bu ta nklang khân may, bơh nar khân may tăng jêh ri gĭt rbăng ngăn nau yô̆ Brah Ndu.

Kôlôh 2:15

Păng sŏk lơi lĕ nau chiă uănh, jêh ri nau ktang, sŏk si tâm rkăng Păng dơi đah phung nây, jêh ri ƀư bêk khân păng ta nklang lĕ rngôch bunuyh.

I Têsalônik 1:8

Yorlah nau chroh Kôranh Brah tă bơh khân may hŏ lư ngăn, mâu di knŏng n'gor Masêđôn jêh ri Akai dơm ôh, ƀiălah nau khân may chroh tâm Brah Ndu hŏ tăng lư lam ntŭk, kŏ tât hên mâu hôm ŭch gay ngơi ntop đŏng ôh.

I Têsalônik 3:9

Mâm dĭng hên dơi tŏng nau gay lah ueh ma Brah Ndu yor khân may, ma lĕ rngôch nau răm maak bơh khân may hên geh tanăp Brah Ndu he?

I Timôthê 2:8

Pôri, gâp ŭch ma phung bu klâu tâm lam ntŭk yơr ti kloh ueh klơ trôk gay mbơh sơm da dê, mâu ji nuih jêh ri tâm djrel.

II Timôthê 2:2

Lĕ nau may tăng jêh bơh gâp ta năp âk bunuyh mbơh, jao hom ma phung bunuyh geh nau răp jăp ngăn, jêng phung bunuyh geh nau blau nau ntĭm nti ma phung ƀaƀă.

Nau Tâm Mpơl 7:12

lah pô aơ: “Amen! Nau tâm rnê, nau chrêk rmah, nau blau mĭn, nau lah ueh, nau yơk, nau brah jêh ri nau dơi jêng ndơ Brah Ndu he n'ho ro. Amen!”