II Kôrintô 13:5 - Nau Brah Ndu Ngơi 2023

⁵ Rlong uănh ôp sek hom khân may nơm gay uănh gĭt khân may hôm gŭ tâm nau chroh mâu lah mâu! Rlong uănh hom khân may nơm. Khân may mâu gĭt hĕ ma Brah Yêsu Krist gŭ tâm khân may? Klach lah khân may mâu tât keh tâm nal.

Bunong Bible Latin Script Cambodian dialect

⁵ Ăn khân ay may rlong mêt uănh êng săk khân ay may nơm, ah khân ay may hôm geh nau nsing ma Brah Yêsu Krist mâu lah mâu? Ăn khân ay may mêt uănh êng săk khân ay may nơm hŏm, ơm khân ay may mâu gĭt ƀah Brah Yêsu Krist gŭ ta khân ay may? Lah mâu ôh gĭt, yor ma khân ay may mâu nsing ngăn, jêh ri Brah Yêsu Krist mâu đŏng rom khân ay may.

Bunong

⁵ អ៝ន់​ខាន់​អៃ​មៃ​រាល៝ង​មេត​អ្វាញ់​អេង​ឆាក់​ខាន់​អៃ​មៃ​នើម អាស​ខាន់​អៃ​មៃ​ហោម​គែស​នាវ​ញឆីង​មា​ឞ្រាស​យេឆូ​ក្រីស  ​មោ​លាស​មោ? អ៝ន់​ខាន់​អៃ​មៃ​មេត​អ្វាញ់​អេង​ឆាក់​ខាន់​អៃ​មៃ​នើម​ហ៝ម់ អើម​ខាន់​អៃ​មៃ​មោ​គឹត​បាស​ឞ្រាស​យេឆូ​ក្រីស  ​គុ​តា​ខាន់​អៃ​មៃ? លាស​មោ​អោស​គឹត យ៝រ​មា​ខាន់​អៃ​មៃ​មោ​ញឆីង​ងាន់ ជេសរី​ឞ្រាស​យេឆូ​ក្រីស  ​មោ​ដ៝ង់​រ៝ម​ខាន់​អៃ​មៃ។

II Kôrintô 13:5 ပူးပေါင်းရင်းမြစ်များ

Nau Mprơ Ơm 119:59

Dôl gâp gŭ mĭn tâm trong gâp, Pôri gâp chuat plơ̆ sĭt ma nau Kôranh Brah ntĭnh.

Nau Mprơ Ơm 17:3

Kôranh Brah hŏ sek uănh jêh nuih n'hâm gâp, khâl gâp dôl măng; May rlong uănh gâp ƀiălah joi mâu saơ geh nau ôh; Gâp ntrâng ton trôm mbung gâp mâu mra ƀư tih.

Nau Mprơ Ơm 26:2

Ơ Brah Yêhôva! dăn sek uănh jêh ri rlong uănh gâp, Mêt uănh nuih n'hâm jêh ri nau mĭn gâp.

Yêrêmi 6:30

Khân păng bu mra ntơ jêng ‘prăk djah,’ Yorlah Brah Yêhôva hŏ ngluh jêh khân păng.”

Nau Nhĭm Vơl 3:40

Ăn he sek uănh tay hom trong he nơm, Jêh ri plơ̆ sĭt ma Brah Yêhôva.

Êsêkiêl 18:28

Yorlah păng gĭt mĭn rvê jêh ri chalơi lĕ rngôch nau tih păng hŏ ƀư jêh n'hêl nanê̆ păng mra rêh, mâu khĭt ôh.

Ndrom Samƀŭt bơh Agê 1:5

Pôri aƀaơ aơ, Brah Yêhôva ma phung tahan lah pô aơ: ‘Mêt uănh hom trong khân may ŭch ƀư.

Ndrom Samƀŭt bơh Agê 1:7

Brah Yêhôva ma phung tahan lah: ‘Mêt uănh hom trong khân may ŭch ƀư.

Yôhan 14:23

Brah Yêsu plơ̆ lah: “Lah mbu nơm rŏng ma Gâp, păng mra djôt prăp nau Gâp ngơi, Mbơ̆ Gâp mra rŏng ma păng, Mbơ̆ Gâp ndrel ma Gâp mra văch ma păng jêh ri gŭ ndrel ma păng.

Yôhan 15:4

Gŭ hom tâm Gâp ri mơ Gâp mra gŭ tâm khân may. Tâm ban ma n'gĭng krăk ƀâu, tơlah păng mâu gŭ tâm tơm krăk ƀâu, păng mâu dơi play êng păng nơm ôh. Tơlah khân may mâu gŭ tâm Gâp khân may tâm ban kơt nây đŏng.

Yôhan 17:23

Kon gŭ tâm khân păng jêh ri Mbơ̆ gŭ tâm Kon, gay ma khân păng jêng nguay tât lôch, gay ăn neh ntu gĭt Mbơ̆ njuăl jêh Kon văch, jêh ri Mbơ̆ rŏng jêh ma khân păng tâm ban ma Mbơ̆ rŏng jêh ma Kon.

Yôhan 17:26

Kon mpơl jêh ăn khân păng gĭt năl amoh Mbơ̆, jêh ri Kon mra mpơl đŏng, gay ma nau rŏng Mbơ̆ hŏ rŏng jêh ma Kon gŭ tâm khân păng, jêh ri Kon gŭ tâm khân păng lĕ.”

Yôhan 6:56

Mbu nơm sa nglay săk Gâp jêh ri nhêt dak mham Gâp ri mơ gŭ tâm Gâp, jêh ri Gâp gŭ tâm bunuyh nây.

Yôhan 6:6

Brah Yêsu lah kơt nây gay ma rlong uănh Y-Philip, yor Păng hŏ gĭt jêh moh nau Păng mra ƀư.

Samƀŭt Pôl Njuăl Ăn Ma Phung Nsing Ta Ƀon Rôm 1:28

Yorlah khân păng mâu ŭch gĭt năl Brah Ndu ôh, pônây Brah Ndu n'ho jao khân păng ma nau mĭn mhĭk gay ƀư âk nau mâu khư ôh.

Samƀŭt Pôl Njuăl Ăn Ma Phung Nsing Ta Ƀon Rôm 8:10

Pôri, tơlah Brah Krist gŭ tâm khân may, nđâp tơlah săk jăn khân may khĭt jêh yor nau tih, huêng khân may ăt hôm rêh yor nau sŏng srăng.

I Kôrintô 11:28

Pôri, ăn ăp nơm sek uănh êng păng nơm lor, ri mơ sa piăng let, nhêt kachok nây.

I Kôrintô 11:31

Lah he sek uănh êng săk he nơm lor, pôri bu mâu hôm phat dôih he ôh.

I Kôrintô 3:16

Khân may mâu gĭt hĕ khân may jêng ngih ma Brah Ndu, jêh ri Brah Huêng Ueh Brah Ndu gŭ tâm khân may?

I Kôrintô 6:15

Khân may mâu gĭt hĕ săk jăn khân may jêng kô̆ tâm săk jăn Brah Krist? Lah ndri, gâp dơi lĕ sŏk săk jăn Brah Krist ƀư jêng săk jăn du huê bu ur văng tĭr ƀơh? Mâu geh ôh!

I Kôrintô 6:19

Khân may mâu gĭt hĕ săk jăn khân may jêng ngih brah Brah Huêng Ueh dôl gŭ jêh tâm khân may. Di lĕ Nơm Brah Ndu hŏ ăn ma khân may? Khân may mâu hôm jêng ndơ khân may nơm ôh,

I Kôrintô 6:2

Khân may mâu gĭt hĕ phung kloh ueh yơh mra phat dôih neh ntu? Tơlah khân may mra phat dôih neh ntu, mâm ƀư khân may mâu dơi phat lĕ nau jê̆ lê̆?

I Kôrintô 9:24

Khân may mâu gĭt hĕ tâm nau nchuăt tâm rlong ta ntŭk pâl, lĕ rngôch nchuăt da dê, ƀiălah knŏng du huê geh nau nkhôm? Pôri, nchuăt hom gay ma khân may pit sŏk nau nkhôm.

I Kôrintô 9:27

Ƀiălah gâp nsrôih nsram đăp ma săk jăn gâp tâm nau dăng ngăn, nchâp păng ăn tông, klach lah jêh gâp nti lah ma bunuyh êng, ƀiălah Brah Ndu mƀăr lơi gâp nơm.

II Kôrintô 6:16

Mâm dơi geh nau tâm rnglăp ngih brah Brah Ndu đah lĕ rup brah? Yorlah he jêng ngih brah Brah Ndu gŭ rêh mro mrăng, nâm bu Brah Ndu lah jêh: “Gâp mra rêh gŭ tâm khân păng jêh ri hăn nsong tâm khân păng; Gâp mra jêng Brah Ndu khân păng, Jêh ri khân păng mra jêng phung ƀon lan Gâp.”

Galati 2:20

Bu pâng kđĭn jêh gâp ta si tâm rkăng ndrel ma Brah Krist, jêh ri gâp gŭ rêh, mâu di gâp gŭ rêh đŏng, ƀiălah Brah Krist gŭ rêh tâm gâp. Aƀaơ aơ gâp gŭ rêh tâm nglay săk, nâm bu ntĭt gâp gŭ rêh tâm nau chroh ma Kon Brah Ndu, jêng Nơm rŏng jêh ma gâp jêh ri jao jêh Păng nơm yor gâp.

Galati 4:19

Hơi phung kon gâp, yor phung khân may gâp tuy dơn nau nđêh nji tâm ban ma nau ji deh kon kŏ tât nôk Brah Krist jêng tâm khân may!

Galati 6:4

Ăp nơm sek uănh hom ma kan păng nơm, jêh mra saơ nau gay rnê êng mâu jêng nsing păng nơm, mâu di tâm rđĭl đah bu êng ôh.

Êphêsô 3:17

jêh ri bơh nau chroh, Brah Krist gŭ tâm nuih n'hâm khân may. Gâp mbơh sơm đŏng gay ma khân may hon reh jêh ri nâp tâm nau rŏng;

Kôlôh 1:23

knŏng ma khân may nau gŭ nâp tay tâm nau chroh, mâu rdja nuih ôh, mâu trơn chalơi bơh nau kâp gân Nau Mhe Mhan Ueh khân may tăng jêh, jêng Nau Mhe Mhan Ueh hŏ mbơh nkoch jêh ma lĕ rngôch bunuyh tâm dâng trôk; jêh ri gâp, Y-Pôl, hŏ jêng bunuyh pah kan ma Nau Mhe Mhan Ueh nây.

Kôlôh 1:27

Yor Brah Ndu ŭch khân may mpơl nau rmeh ler jêh ri nau chrêk rmah nau khlay ndâp nây ta nklang phung bu năch, nây jêng Brah Krist gŭ tâm khân may, jêng nau kâp gân ma nau chrêk rmah.

Kôlôh 2:19

Khân păng mâu tâm rnglăp răp jăp đah bôk gay bơh Păng lĕ săk jăn geh nau siăm rong, geh nau tâm rnglăp ndrel bơh lĕ tâm trŭp nting, rse tâm rnglăp, jêh ri văch ma toyh tĭng nau Brah Ndu ŭch.

Kôlôh 2:7

sŏr hom reh, rdâk mbon tâm Păng; ktang hom tâm nau chroh tâm ban bu ntĭm nti ma khân may, jêh ri lơ hô ntop âk nau tâm rnê lah ueh.

I Timôthê 2:15

Nđâp lah pônây, phung bu ur mra geh nau rklaih tâm nôk deh kon, tơlah khân păng gŭ rêh sŏng tâm nau chroh, tâm nau rŏng, jêh ri tâm nau kloh ueh.

II Timôthê 3:8

Kăl e Y-Janes jêh ri Y-Jambrê tâm rdâng đah Y-Môis, tâm ban lĕ phung bunuyh aơ tâm rdâng đah nau ngăn. Nây jêng phung bunuyh geh nau mĭn djơh mhĭk jêh ri nau chroh rdja.

Titus 1:13

Nau mbơh aơ jêng ngăn. Yor ri, ăn may ƀư ngăn nau nduyh nkra khân păng, gay ma khân păng geh nau ktang tâm nau chroh,

Titus 1:16

Khân păng kơp êng khân păng nơm jêng gĭt năl Brah Ndu, ƀiălah nau kan khân păng ƀư jêng dun Păng. Khân păng khư tâm rmot, mâu tông bâr, mâu dơi ƀư du ntil kan ueh ôh.

Titus 2:2

Ntĭm nti hom ma phung bu ranh gĭt di keh, ăn gŭ ngao ueh, blau mĭn, dơi nâp tâm nau chroh, tâm nau rŏng jêh ri nau srôih.

ហេឞ្រើ 12:15

Njrăng hom klach lah khân may roh nau Brah Ndu yô̆, klach lah geh reh tăng hon, ƀư nau uh ah jêh ri ƀư ƀơ̆ ƀơch ma âk bunuyh tâm khân may.

ហេឞ្រើ 4:1

Pôri, dôl geh nau ton ăn lăp tâm nau rlu Kôranh Brah ăt hôm nây, ăn he klach hom gay lơi geh du huê tâm phung he mâu geh nau di.

ហេឞ្រើ 6:8

Ƀiălah tơlah ntŭk neh knŏng hon lok jêh ri gơ̆ mhĭk, păng mâu geh nau khlay ôh jêh ri geh nau rtăp rak, tât nglĕ dŭt bu su păng tâm ŭnh.

Yakơ 4:4

Nĕ lĕ bunuyh văng tĭr ri! Khân may mâu gĭt hĕ ƀư băl đah neh ntu jêng tâm rlăng đah Brah Ndu? Yor nây, mbu nơm ŭch ƀư băl đah neh ntu, bunuyh nây jêng nơm rlăng đah Brah Ndu.

I Pêtrôs 5:9

Gŭ nâp hom tâm nau chroh gay tâm rdâng đah păng, yorlah khân may gĭt jêh ma phung oh nâu geh ndrel nau rnơm tâm lam neh ntu dôl geh nau rêh ni tâm ban khân may nơm đŏng.

Nau Tâm Mpơl 2:5

Pôri, kah gĭt tay hom bơh ntŭk may rdja! Rmal hom nau tih jêh ri ƀư tay lĕ kan ntơm saơm. Tơlah mâu rmal nau tih, Gâp mra văch ta may jêh ri sŏk lơi jâng kađen may bơh ntŭk păng.