II Kôrintô 13:4 - Nau Brah Ndu Ngơi 2023

⁴ Nđâp tơlah bu pâng Păng ta si tâm rkăng tâm nau huơi, ƀiălah Păng dôl rêh ma nau brah Brah Ndu. Hên kơt nây đŏng, nđâp tơlah hên huơi tâm Păng, ƀiălah tâm nau brah Brah Ndu hên mra gŭ rêh đah Păng, gay gŭ ngao ma khân may.

Bunong Bible Latin Script Cambodian dialect

⁴ Bol lah bu nkhât Păng ta si tâm rkăng tâm ban ma Păng mâu geh nau dơi kađôi, yơn ma Păng hôm rêh yor ma nau dơi Kôranh Brah đŏng. Hên tâm ban kơt nây đŏng, ndơ i hên jan ta khân ay may, bol lah hên jêng bunuyh mâu ôh geh nau dơi, yơn ma hên hôm rêh ndrel Păng đŏng, nđâp ma geh nau dơi Kôranh Brah.

Bunong

⁴ ឞ៝ល​លាស​ឞូ​ងខឹត​ពាង់​តា​ឆី​តឹម​រាកាង់​តឹម​ឞាន​មា​ពាង់​មោ​គែស​នាវ​ទើយ​កាដោយ យើន​មា​ពាង់​ហោម​រេស​យ៝រ​មា​នាវ​ទើយ​កោរាញ​ឞ្រាស​ដ៝ង់។ ហេន​តឹម​ឞាន​កើត​នៃ​ដ៝ង់ នទើ​អី​ហេន​ជាន​តា​ខាន់​អៃ​មៃ ឞ៝ល​លាស​ហេន​ជេង​ឞូនុយ្ស​មោ​អោស​គែស​នាវ​ទើយ យើន​មា​ហេន​ហោម​រេស​នទ្រែល​ពាង់​ដ៝ង់ នអ៝ប់​មា​គែស​នាវ​ទើយ​កោរាញ​ឞ្រាស។

II Kôrintô 13:4 ပူးပေါင်းရင်းမြစ်များ

Yôhan 10:18

Mâu geh bunuyh dơi pit nau rêh Gâp ôh, ƀiălah Gâp nđơr êng jao săk. Gâp geh nau dơi jao nau rêh jêh ri geh nau dơi sŏk tay păng đŏng. Gâp hŏ dơn jêh nau vay tă bơh Mbơ̆ Gâp.”

Kôranh Oh Mon 2:36

Yor nây, lĕ ngih Israel gĭt hom nanê̆ ma Brah Ndu aơ, Nơm khân may pâng kđĭn jêh klơ si tâm rkăng, Brah Ndu hŏ n'hao jêng Kôranh Brah jêh ri Brah Krist.”

Kôranh Oh Mon 3:16

Ma nau chroh tâm amoh Păng hŏ ƀư jêh ma nơm khân may hŏ saơ jêh ri gĭt năl nây geh nau nâp ktang. Tâm amoh Păng jêh ri nau chroh tâm Păng hŏ ƀư ăn bunuyh aơ ngăch dăng ueh săk jăn nâm ơm tâm ban ma lĕ rngôch khân may hŏ saơ jêh.

Samƀŭt Pôl Njuăl Ăn Ma Phung Nsing Ta Ƀon Rôm 1:4

tâm nau brah huêng kloh ueh, yorlah Păng dâk rêh tay jêh tă bơh nau khĭt, dơi mbơh nkoch jêng Kon Brah Ndu nau brah, jêng Brah Yêsu Krist Kôranh Brah he.

Samƀŭt Pôl Njuăl Ăn Ma Phung Nsing Ta Ƀon Rôm 14:9

Yor ri yơh Brah Krist khĭt jêh ri dâk rêh tay gay ma dơi jêng Kôranh Brah ma phung khĭt nđâp ma phung rêh.

Samƀŭt Pôl Njuăl Ăn Ma Phung Nsing Ta Ƀon Rôm 6:4

Pôri, ma nau ƀaptem, bu tâp jêh he tâm nau păng khĭt ndrel ma Păng, gay ma nâm bu Brah Krist hŏ dâk rêh tay jêh bơh nau khĭt ma nau chrêk rmah Mbơ̆ tâm ban lĕ, he dơi rêh đŏng tâm nau rêh mhe nâm pônây.

I Kôrintô 1:25

Yorlah nau bu uănh nâm bu nau brŭt ndrăng Brah Ndu jêng nau blau mĭn lơn ma kon bunuyh; nau bu uănh nâm bu nau rdja Brah Ndu jêng ktang lơn ma kon bunuyh.

I Kôrintô 15:43

bu tuch jêng bêk prêng, ƀiălah dâk rêh tay jêng chrêk rmah; bu tuch jêng rdja, ƀiălah dâk rêh tay jêng ktang;

I Kôrintô 2:3

Gâp yơh hŏ gŭ jêh ta nklang khân may tâm nau rdja, ndrel âk nau klach jêh ri nau râm nsâr.

I Kôrintô 6:14

Brah Ndu hŏ ƀư ăn Kôranh Brah dâk rêh tay, mra ƀư ăn he dâk rêh tay đŏng ma nau brah Păng.

II Kôrintô 10:10

Yorlah geh bunuyh lah: “Nôk nchih samƀŭt păng ngơi dăng ngăn jêh ri ktang, ƀiălah tơlah geh măt, păng jêng rdơ̆ rbăn jêh ri nau păng ngơi mâu khlay ôh.”

II Kôrintô 12:10

Yor nây, yor Brah Krist, gâp maak dơn nau rdja, nau suai rak, nau ndĭt trơi, nau bu ƀư mhĭk, nau rêh ni. Yorlah nôk gâp rdja, ta nây gâp jêng ktang.

II Kôrintô 13:9

Hên răm maak yorlah tơlah hên jêng huơi, khân may jêng ktang. Nau hên mbơh sơm dăn, nây jêng khân may dơi geh tât nau nŭm rĭng.

Philip 3:10

gay ma gâp dơi gĭt năl Păng, nau brah bơh nau Păng dâk rêh tay, dơi tâm pă nau Păng rêh ni, jêh ri plơ̆ jêng tâm ban ma Păng tâm nau păng khĭt;

ហេឞ្រើ 5:7

Dôl hôm gŭ rêh tâm nglay săk, Brah Yêsu nter ktang tâm nau mbơh sơm jêh ri vơh vơl bêng dak măt, ma Nơm geh nau dơi tâm rklaih Păng nơm bơh nau khĭt; jêh ri yor nau Păng blau klach yơk, Păng geh nau bu dơn.

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;

I Pêtrôs 3:22

jêng Nơm hao jêh ta klơ trôk, dôl gŭ pa ma Brah Ndu, geh phung tông mpăr, phung chiă uănh jêh ri lĕ rngôch nau ktang yơk tâm Păng da dê.