II Kôrintô 13:11 - Nau Brah Ndu Ngơi 2023

¹¹ Nau lôch dŭt, hơi phung oh, răm maak hom, srôih hom gay dơi geh tât nau nŭm rĭng, n'hao hom nuih n'hâm, du ai hom nau mĭn, gŭ rêh đăp mpăn hom, ri mơ Brah Ndu nau rŏng jêh ri nau đăp mpăn mra gŭ ndrel ma khân may.

Bunong Bible Latin Script Cambodian dialect

¹¹ Ơ oh nô ta nau nsing, n'glĕ dŭt dja gâp ŭch ntĭnh khân ay may, ăn khân ay may geh nau răm maak dô, ăn khân ay may gŭ tâm di đah Kôranh Brah nơm ŭch ta dâng lĕ ntil ndơ ngăn, ăn khân ay may tâm n'hao nuih ndrăng nơm, ăn khân ay may geh nuih n'hâm du ntôr nau hŏ, ăn khân ay may gŭ ta nau đăp mpăn đah bu, jêh ri Kôranh Brah i tơm nau rŏng, ndrel ma i tơm nau đăp mpăn Păng mra gŭ ndrel khân ay may ro.

Bunong

¹¹ អើ​អ៝ស​នោ​តា​នាវ​ញឆីង ងគ្លែៈ​ទុត​អ្យា​គ៝ប់​អុច​នតិញ​ខាន់​អៃ​មៃ អ៝ន់​ខាន់​អៃ​មៃ​គែស​នាវ​រាម់​មអាក​ទោ អ៝ន់​ខាន់​អៃ​មៃ​គុ​តឹម​ទី​ដាស​កោរាញ​ឞ្រាស​នើម​អុច​តា​ទឹង​លែៈ​នតីល​នទើ​ងាន់ អ៝ន់​ខាន់​អៃ​មៃ​តឹម​នហាវ​នូយ្ស​នទ្រាង់​នើម អ៝ន់​ខាន់​អៃ​មៃ​គែស​នូយ្ស​នហ៝ម់​ទូ​នតោរ​នាវ​ហ៝ៈ អ៝ន់​ខាន់​អៃ​មៃ​គុ​តា​នាវ​ដាប់​មពាន់​ដាស​ឞូ ជេសរី​កោរាញ​ឞ្រាស​អី​តើម​នាវ​រ៝ង់ នទ្រែល​មា​អី​តើម​នាវ​ដាប់​មពាន់​ពាង់​មរា​គុ​នទ្រែល​ខាន់​អៃ​មៃ​រ៝។

II Kôrintô 13:11 ပူးပေါင်းရင်းမြစ်များ

Nau Ntơm 37:4

Nôk phung nâu păng saơ mbơ̆ khân păng rŏng ma Y-Yôsep âk lơn, khân păng tâm rmot, jêh ri mâu dơi ngơi ueh ôh đah Y-Yôsep.

Nau Ntơm 45:24

Jêh nây Y-Yôsep njŭn phung oh nâu păng hăn trong. Păng ntĭnh ma khân păng: “Lơi tâm djrel ôh ndrăng khân may rŏ trong.”

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

Mathay 5:48

Pôri ăn khân may jêng bunuyh ueh n'hêl nanê̆ nâm bu Mbơ̆ khân may klơ trôk jêng ueh nanê̆ ngăn.”

Markôs 10:49

Brah Yêsu nsrŭng jêh ri lah: “Kuăl hom păng hăn ta aơ.” Khân păng kuăl bunuyh chieh măt nây jêh ri lah: “Nâp hom nuih n'hâm, dâk hom, Păng kuăl may.”

Markôs 9:50

“Boh jêng ndơ ueh, ƀiălah tơlah boh roh nau kah, mâm ƀư kah đŏng? Ăn khân may geh boh tâm nuih n'hâm khân may nơm, jêh ri gŭ đăp mpăn ndrăng khân may.”

Luka 9:61

Du huê êng ơh đŏng: “Hơi Kôranh Brah, gâp mra tĭng Kôranh Brah, ƀiălah ăn kon sĭt ntĭnh đah bunuyh rnăk vâl ƀât.”

Yôhan 17:23

Kon gŭ tâm khân păng jêh ri Mbơ̆ gŭ tâm Kon, gay ma khân păng jêng nguay tât lôch, gay ăn neh ntu gĭt Mbơ̆ njuăl jêh Kon văch, jêh ri Mbơ̆ rŏng jêh ma khân păng tâm ban ma Mbơ̆ rŏng jêh ma Kon.

Kôranh Oh Mon 15:29

Ăn khân may ver sa ndơ ƀư brah ma rup brah, mham, mpô mpa khĭt măp, jêh ri lơi văng tĭr. Khân may djôt prăp lĕ rngôch nau nây jêng ueh. Nĕ khân may yơ̆!”

Kôranh Oh Mon 18:21

Păng tâm nkhah đah khân păng jêh ri lah: “Tơlah Brah Ndu ŭch, gâp mra plơ̆ văch ma khân ay may.” Jêh nây păng ncho kumpăn luh tă bơh ƀon Êphêsô.

Kôranh Oh Mon 23:30

Ƀiălah gâp gĭt phung Israel tâm nchră ƀư djơh ma păng, pôri gâp njuăl păng ma may văch tanăp may ro, jêh ri gâp ntrŭnh ma phung phong păng hăn ngơi tanăp may gay nkoch mbơh nau nchih samƀŭt phong.”

Samƀŭt Pôl Njuăl Ăn Ma Phung Nsing Ta Ƀon Rôm 12:16

Gŭ rêh hom ma nau tâm rnglăp ndrel ndrăng khân may; lơi geh nau mĭn sưr rlau, ƀiălah gŭ ndrel đah bunuyh dêh rhêt. Lơi kơp êng nơm jêng bunuyh blau mĭn.

Samƀŭt Pôl Njuăl Ăn Ma Phung Nsing Ta Ƀon Rôm 12:18

Tơlah dơi, ăn lĕ nuih n'hâm gŭ rêh đăp mpăn ndrel ma lĕ rngôch bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 14:19

Pônây yơh, ăn he tĭng joi lĕ nau djôt leo tât nau đăp mpăn jêh ri ndâk njêng ndrăng phung he.

Samƀŭt Pôl Njuăl Ăn Ma Phung Nsing Ta Ƀon Rôm 15:13

Mbơh sơm dăn ma Brah Ndu jêng tu kâp gân ƀư ma khân may bêng ler nau răm maak jêh ri nau đăp mpăn tâm nau chroh, gay ma nau brah Brah Huêng Ueh, khân may geh nau rmeh ler tâm nau kâp gân.

Samƀŭt Pôl Njuăl Ăn Ma Phung Nsing Ta Ƀon Rôm 15:33

Mbơh sơm dăn ma Brah Ndu nau đăp mpăn gŭ ndrel lĕ rngôch khân may! Amen.

Samƀŭt Pôl Njuăl Ăn Ma Phung Nsing Ta Ƀon Rôm 16:20

Brah Ndu nau đăp mpăn mra gơnh jot Satan tâm dâng jâng khân may. Mbơh sơm dăn nau yô̆ bơh Kôranh Brah he jêng Brah Yêsu gŭ ndrel ma khân may!

I Kôrintô 1:10

Hơi phung oh nâu, tâm amoh Kôranh Brah he jêng Brah Yêsu Krist, gâp nkah ma lĕ rngôch khân may ăn geh du nau ngơi, gay ma tâm khân may mâu geh nau tâm nkhah, ƀiălah ăn geh nau tâm rnglăp ndrel ndrăng khân may tâm nau mĭn jêh ri du nau ntrâng.

II Kôrintô 1:4

Păng bonh leng hên tâm lĕ nau rêh ni, pôri hên dơi sŏk nau bonh leng Brah Ndu hŏ bonh leng hên gay ma bonh leng phung êng tâm ăp nau rêh ni khân păng geh!

II Kôrintô 13:9

Hên răm maak yorlah tơlah hên jêng huơi, khân may jêng ktang. Nau hên mbơh sơm dăn, nây jêng khân may dơi geh tât nau nŭm rĭng.

Êphêsô 4:12

gay ndrăp phung kloh ueh ma nau pah kan jêh ri ndâk njêng săk jăn Brah Krist,

Êphêsô 4:3

Srôih prăp nau tâm rnglăp tâm Brah Huêng Ueh ma rse nau đăp mpăn.

Êphêsô 6:23

Dăn nau đăp mpăn, nau rŏng jêh ri nau chroh tă bơh Brah Ndu jêng Mbơ̆, jêh ri tă bơh Kôranh Brah jêng Brah Yêsu Krist, gŭ ndrel phung oh nâu.

Philip 1:27

Nau khlay jêng ăn khân may gŭ rêh tâm di đah Nau Mhe Mhan Ueh Brah Krist, gay ma tơlah gâp hăn khâl khân may mâu lah gâp ndŭt măt, gâp tăng lĕ ma khân may hôm dâk nâp, du ai nau mĭn, du nuih n'hâm tâm lơh ndrel yor nau chroh Nau Mhe Mhan Ueh,

Philip 3:16

Nđâp lah kơt nĕ, ta moh keh he dơi tât, nhuat hăn hom kơt nây.

Philip 4:2

Gâp nti nkah H'Êvôdi jêh ri nti nkah H'Sintich ăn gŭ du nau mĭn tâm Kôranh Brah.

Philip 4:4

Răm maak mro hom tâm Kôranh Brah, gâp lah tay đŏng: Răm maak hom!

Philip 4:9

Moh nau khân may nti jêh, dơn jêh, tăng jêh jêh ri saơ jêh tâm gâp, ƀư hom, ri mơ nau đăp mpăn Brah Ndu mra gŭ ndrel ma khân may.

I Têsalônik 3:10

Nar jêh ri măng hên mbơh sơm ma nau duh nđơr ngăn, gay Păng ăn hên dơi saơ khân may, jêh ri ntop moh nau hôm e tâm nau khân may chroh.

I Têsalônik 4:1

Dăch dŭt, hơi phung oh nâu, tâm Kôranh Brah jêng Brah Yêsu, hên vơh vơl jêh ri ntrôl khân may pô aơ nâm bu khân may hŏ nti jêh bơh hên ăn gŭ rêh ƀư maak nuih n'hâm Brah Ndu, jêh ri khân may dôl gŭ rêh tâm ban kơt nĕ, pô ri gŭ rêh hom lơ nar lơ ueh lơn.

I Têsalônik 4:18

Pôri, khân may sŏk hom lĕ nau ngơi aơ gay bonh leng ndrăng khân may.

I Têsalônik 5:13

Sŏk hom nau rŏng gay yơk tông ma khân păng yor nau kan khân păng ƀư. Gŭ rêh hom rnglăp ndrel ndrăng khân may nơm.

I Têsalônik 5:16

Răm maak hom mro mrăng,

I Têsalônik 5:23

Dăn Brah Ndu ăn nau đăp mpăn ƀư ăn kloh khân may ăn nŭm. Dăn Păng prăp nuih n'hâm, huêng, jêh ri săk jăn khân may ăn ueh, mâu geh nau nduyh lah Kôranh Brah he, jêng Brah Yêsu Krist plơ̆ văch!

II Têsalônik 2:16

Dăn Kôranh Brah he, jêng Brah Yêsu Krist nơm jêh ri Brah Ndu, Mbơ̆ he, Nơm rŏng jêh ma he, jêh ri bơh nau yô̆ ăn ma he nau bonh leng n'ho ro jêh ri nau kâp gân ueh,

II Têsalônik 3:1

Nglĕ dŭt, hơi phung oh nâu, mbơh sơm hom ma hên, gay ma nau ngơi Kôranh Brah mbơh nkoch gơnh ro jêh ri geh nau yơk nâm bu hŏ geh tâm khân may,

II Têsalônik 3:16

Mbơh sơm dăn Kôranh Brah nau đăp mpăn ăn nau đăp mpăn ma khân may ƀaƀơ jêh ri tâm lĕ rngôch nau! Dăn Kôranh Brah gŭ ndrel ma lĕ rngôch khân may!

II Timôthê 2:22

May der ngai hom lĕ nau kơnh phung druh ndăm ŭch, jêh ri tĭng joi nau sŏng srăng, nau chroh, nau rŏng, nau đăp mpăn ndrel ma phung kuăl mbơh sơm ma Kôranh Brah ma nuih n'hâm kloh.

ហេឞ្រើ 12:14

Joi hom nau đăp mpăn ma lĕ rngôch bunuyh jêh ri tĭng joi nau kloh ueh; yorlah tơlah mâu gŭ kloh ueh, mâu geh du huê dơi saơ Kôranh Brah ôh.

ហេឞ្រើ 13:20

Dăn Brah Ndu nau đăp mpăn, jêng Nơm bơh mham nau tâm rnglăp n'ho ro jêh ri djôt leo Nơm Rmăk Biăp Toyh jêng Brah Yêsu, Kôranh Brah he, luh tă bơh nau khĭt,

Yakơ 1:4

Ƀiălah nau srôih ăn jêh nanê̆ kan păng, gay ma khân may yơh geh nau văch ma toyh, rah vah ngăn, mâu geh du ntil pưt ôh.

I Pêtrôs 3:11

Der hom nau mhĭk, ƀư nau ueh, Joi hom nau đăp mpăn jêh ri hăn tĭng păng.

I Pêtrôs 3:8

Nglĕ dŭt, ăn lĕ rngôch khân may geh nuih n'hâm jêng nguay, blau yô̆, rŏng oh nâu tâm Kôranh Brah, geh nuih n'hâm ueh jêh ri nuih n'hâm dêh rhêt.

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.

Nau Tâm Mpơl 22:21

Dăn nau yô̆ bơh Kôranh Brah jêng Brah Yêsu gŭ ndrel ma lĕ rngôch phung bunuyh!