II Kôrintô 12:9 - Nau Brah Ndu Ngơi 2023

⁹ Ƀiălah Kôranh Brah lah: “Nau yô̆ Gâp bêng tŏng ma may, yorlah nau ktang Gâp plơ̆ jêng nŭm rĭng tâm nau rdja.” Pôri, gâp răm maak rnê êng âk ngăn ma lĕ nau rdja gâp, gay ma nau ktang Brah Krist gŭ tâm gâp.

Bunong Bible Latin Script Cambodian dialect

⁹ yơn ma Păng lah ma gâp: “Gâp kơl may tă bơh nau ueh Gâp nơm lĕ găp jêh ma may, yorlah nau dơi Gâp nơm, lơ ma hô bu say n'hêl lah Gâp ăn ma bunuyh i rdja.” Lah ndri gâp ŭch rnê moh ndơ i rdja ta săk gâp nơm nđâp ma nuih n'hâm răm maak, gay ma nau dơi Brah Krist nơm gŭ ta gâp.

Bunong

⁹ យើន​មា​ពាង់​លាស​មា​គ៝ប់៖ “គ៝ប់​កើល​មៃ​តាៈ​ឞើស​នាវ​អ្វែស​គ៝ប់​នើម​លែៈ​គាប់​ជេស​មា​មៃ យ៝រ​លាស​នាវ​ទើយ​គ៝ប់​នើម លើ​មា​ហោ​ឞូ​ឆៃ​នហេល​លាស​គ៝ប់​អ៝ន់​មា​ឞូនុយ្ស​អី​រាអ្យា”។ លាស​នទ្រី​គ៝ប់​អុច​រានេ​ម៝ស​នទើ​អី​រាអ្យា​តា​ឆាក់​គ៝ប់​នើម​នអ៝ប់​មា​នូយ្ស​នហ៝ម់​រាម់​មអាក គៃ​មា​នាវ​ទើយ​ឞ្រាស​ក្រីស  ​នើម​គុ​តា​គ៝ប់។

II Kôrintô 12:9 ပူးပေါင်းရင်းမြစ်များ

II Phung Hađăch 2:15

Tơlah phung oh mon phung nơm mbơh lor gŭ ta Yêrikô saơ Y-Êlisê bơh ngai jêh ri lah: “Huêng brah Y-Êli gŭ jêh ta Y-Êlisê.” Khân păng hăn chuă vơt păng, chon mon ta neh tanăp măt păng

Nau Mprơ Ơm 8:2

Gay plơng phung rlăng Kôranh Brah, Păng dŏng trôm mbung kon se jê̆ jêh ri kon se dôl pu gay ma ndâk njêng nau ktang Păng, Ƀư phung rlăng jêh ri phung plơng bôk mra gŭ rklăk.

Êsai 11:2

Brah Huêng Ueh Brah Yêhôva mra gŭ ta klơ Păng, Jêng brah nau gĭt mĭn jêh ri gĭt rbăng, Brah nau tâm nchră jêh ri nau brah, Brah nau gĭt rbăng jêh ri klach yơk ma Brah Yêhôva.

Êsai 43:2

Tơlah khân may rgăn lĕ n'hor dak, Gâp mra gŭ ndrel may; Lah may re rgăn dak krong, mâu mra hoch rdu. Lah may chuat rgăn tâm ŭnh, mâu mra ŭnh sa ôh, Mpiăt ŭnh mâu sa may.

Sôphôni 3:17

Yêhôva Brah Ndu may gŭ ta nklang may, Păng jêng Nơm geh nau brah mra tâm rklaih may; Păng mra rhơn răm ngăn yor ma may, Yor nuih n'hâm rŏng, Păng mra gŭ rklăk, Jêh ri yor ma may, Păng mra mprơ ma nau rhơn răm.”

Mathay 28:18

Brah Yêsu hăn tât jêh ri lah ma khân păng pô aơ: “Lĕ rngôch nau dơi ta klơ trôk jêh ri ta neh ntu hŏ jao jêh ma Gâp.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Luka 21:15

Yorlah Gâp mra ăn ma khân may nau ngơi jêh ri nau blau mĭn, ƀiălah mâu geh phung rlăng dơi tâm rdâng jêh ri tâm rlăch đah khân may ôh.

I Kôrintô 10:13

Lĕ nau rlong uănh tât ma khân may, mâu geh du ntil nau rlau ir nau dăng kon bunuyh. Brah Ndu jêng Nơm răp jăp, Păng mâu ăn ma khân may geh nau rlong uănh rlau ir ma n'hâm ktang khân may ôh! Ƀiălah tâm nau rlong uănh, Păng mra pơk trong ma khân may luh, gay ma khân may dơi dơn.

I Kôrintô 15:10

Ƀiălah yor ma nau yô̆ Brah Ndu gâp dơi jêng nâm bu nar aơ, jêh ri nau yô̆ Păng ăn ma gâp mâu di jêng dơm dam ôh. Ƀiălah, gâp pah kan âk lơn ma lĕ rngôch bunuyh êng; nau nây mâu di gâp, ƀiălah jêng nau yô̆ Brah Ndu gŭ ndrel ma gâp.

I Kôrintô 2:3

Gâp yơh hŏ gŭ jêh ta nklang khân may tâm nau rdja, ndrel âk nau klach jêh ri nau râm nsâr.

I Kôrintô 2:5

gay ma nau chroh khân may mâu nsing ta nau blau mĭn kon bunuyh ôh, ƀiălah ta nau brah Brah Ndu.

II Kôrintô 11:30

Tơlah gâp rnê êng, gâp mra rnê êng ma lĕ nau rdja gâp.

II Kôrintô 12:1

Gâp rnê êng ma gâp nơm, nđâp tơlah mâu geh khlay ôh, ƀiălah gâp đŏng mra ngơi ma nau tâm saơ jêh ri ma nau tâm mpơl bơh Kôranh Brah.

II Kôrintô 12:10

Yor nây, yor Brah Krist, gâp maak dơn nau rdja, nau suai rak, nau ndĭt trơi, nau bu ƀư mhĭk, nau rêh ni. Yorlah nôk gâp rdja, ta nây gâp jêng ktang.

II Kôrintô 12:15

Gâp maak ngăn dŏng mpŭng moh ndơ gâp geh, suăt lĕ nau dăng ktang yor huêng khân may. Tơlah gâp rŏng ma khân may lơ âk lơn, mâm ƀư khân may rŏng ma gâp lơ hô djê̆?

II Kôrintô 12:5

Ma bunuyh nây, gâp mra rnê êng; ƀiălah ma gâp nơm, gâp mâu tâm rnê êng ôh, knŏng tâm rnê êng ma lĕ nau rdja gâp dơm.

Êphêsô 3:16

Gâp mbơh sơm dăn Păng, tĭng nau ndrŏng ma nau chrêk rmah Păng, ăn ma khân may ktang tă bơh Brah Huêng Ueh Păng, gay bunuyh tâm trôm khân may plơ̆ jêng ktang;

Philip 4:13

Gâp dơi ƀư lĕ ntil ndơ yor ma Brah Krist ăn n'hâm suan ma gâp.

Kôlôh 1:11

Bơh nau brah chrêk rmah Păng, khân may geh bêng nau ktang gay srôih sŏk dơn lĕ rngôch nau tâm nau răm maak,

I Timôthê 1:14

Nanê̆ ngăn nau yô̆ Kôranh Brah he jêng bêng ler jêh ma gâp nđâp ma nau chroh jêh ri nau rŏng tâm Brah Yêsu Krist.

ហេឞ្រើ 11:34

nhhât lơi jêh ŭnh hit, klaih bơh mpiăt đao, dơi đah nau ji, jêng janh ktang tâm nau tâm lơh, ƀư ăn phung tahan rlăng nchuăt du.

ហេឞ្រើ 4:16

Pôri, ăn he nâp nuih n'hâm hăn dăch ta sưng hađăch nau yô̆, gay ma dơi sŏk dơn nau yô̆ nđach jêh ri saơ nau yô̆ kơl he dôl he geh nau pưt.

Yôsuê 1:9

Mâu di Gâp hŏ ntĭnh jêh ma may? Janh ktang hom, nănh! Lơi râm sâr, lơi klach ôh! Yorlah Yêhôva Brah Ndu may gŭ ndrel ma may tâm ăp ntŭk may hăn.”