II Kôrintô 12:21 - Nau Brah Ndu Ngơi 2023

²¹ Gâp klach pô aơ, jêh aơ taơ gâp tât ma khân may, Brah Ndu mra ƀư ăn gâp đit prêng yor ma khân may, jêh ri gâp mra nhĭm ma âk phung ƀư tih jêh bơh lor ƀiălah khân păng mâu ŭch rmal nau tih ma lĕ nau ƀơ̆ ƀơch, nau văng tĭr, nau ƀai khân păng ƀư tih jêh.

Bunong Bible Latin Script Cambodian dialect

²¹ Gâp klach, nôk gâp hăn jŏng kơi dja, gâp mra geh nau đit prêng ta năp măt Kôranh Brah i brah gâp yơk mbah nây yor ma khân ay may. Jêh ri gâp klach gâp mra nhŭm rngot, yor ma geh ŏk bunuyh ta khân ay may i jan tih a lor nơh, ê hŏ ôh bah jan tih, mâu ôh rgâl lơi nuih n'hâm djơh bơh nau jan ăp ntil ndơ djơh, nau khơh kler, ndrel ma nau tâm dŏng i khân păng vay jan nây nơh.

Bunong

²¹ គ៝ប់​ក្លាច នោក​គ៝ប់​ហាន់​ជ៝ង់​កើយ​អ្យា គ៝ប់​មរា​គែស​នាវ​ដីត​ព្រេង​តា​នាប់​មាត់​កោរាញ​ឞ្រាស​អី​ឞ្រាស​គ៝ប់​យើក​មឞាស​នៃ​យ៝រ​មា​ខាន់​អៃ​មៃ។ ជេសរី​គ៝ប់​ក្លាច​គ៝ប់​មរា​ញុម​រាង៝ត យ៝រ​មា​គែស​អ៝ក់​ឞូនុយ្ស​តា​ខាន់​អៃ​មៃ​អី​ជាន​តីស​អា​ល៝រ​នើស អេ​ហ៝ៈ​អោស​ឞាស​ជាន​តីស មោ​អោស​រាគ៝ល់​លើយ​នូយ្ស​នហ៝ម់​អ្យើស​ឞើស​នាវ​ជាន​អាប់​នតីល​នទើ​អ្យើស នាវ​ខើស​ក្លែរ នទ្រែល​មា​នាវ​តឹម​ទ៝ង់​អី​ខាន់​ពាង់​វៃ​ជាន​នៃ​នើស។

II Kôrintô 12:21 ပူးပေါင်းရင်းမြစ်များ

Êsra 10:1

Tâm nôk Y-Êsra mbơh sơm, nhĭm n'ho mbơh nau tih jêh ri chon mon panăp ngih Brah Ndu, geh du phung ƀon lan Israel, nđâp phung bu ur jêh ri bu klâu jêh ri phung kon se jê̆ tâm rƀŭn du ntŭk gŭ jŭm păng, tâm ban đŏng nhĭm rngot da dê.

Êsra 9:3

Tơlah tăng nau nây jêh, gâp nkhêk lơi ao tâm dâng gâp, ao jong gâp, tôch têp, rôk sŏk ta klơ bôk jêh ri gâp gŭ rngot.

Nau Mprơ Ơm 119:136

Dak măt gâp hoch nâm bu dak n'hor, Yorlah bu mâu tông prăp ôh ma nau vay May.

Nau Ngluh Êjipt 32:31

Pôri Y-Môis plơ̆ hao klơ tâm mâp đah Brah Yêhôva jêh ri lah đah Păng pô aơ: “Vư! Phung ƀon lan aơ hŏ ƀư jêh du nau tih toyh, khân păng hŏ ƀư jêh ma khân păng nơm rup brah ma mah.

Yêrêmi 13:17

Ƀiălah tơlah lĕ bunuyh mâu iăt ôh Huêng gâp mra nhĭm ăn ma nau sưr lĕ bunuyh. Gâp mra nhĭm rngot ngăn, hoch truh dak măt, Yorlah phung biăp Brah Yêhôva bu nhŭp rdu.

Yêrêmi 9:1

Ơ! Ŭch ma bôk gâp jêng dak n'hor, Măt gâp jêng tu dak măt, Gâp mra nhĭm ndăng nar măng Ăn phung bunuyh bu nkhĭt kon bu ur ƀon lan gâp!

Samƀŭt Pôl Njuăl Ăn Ma Phung Nsing Ta Ƀon Rôm 13:13

Gŭ rêh hom tâm nau sŏng srăng nâm bu hăn dôl nôk nar, lơi rlau rnâng jêh ri nhŭl ndrănh ôh, lơi văng tĭr, lơi gŭ blă blơ, lơi tâm jin tâm lah tâm djrel jêh ri lơi mâu nach.

Samƀŭt Pôl Njuăl Ăn Ma Phung Nsing Ta Ƀon Rôm 9:2

pô aơ gâp rngot ngăn, nuih n'hâm gâp ji mro mrăng.

I Kôrintô 5:1

Geh nau bu nkoch tâm phung khân may geh nau văng tĭr, nau văng tĭr tâm ban pônây bu mâu saơ ôh tâm phung bu năch; yorlah geh nơm hŏ bê̆ch ndrel đah ur yông mbơ̆ păng!

II Kôrintô 10:6

Hên rơm ndrăp jêh gay tâm rmal lĕ rngôch bunuyh mâu tông bâr kŏ tât khân may tông bâr da dê.

II Kôrintô 12:7

Gay mât gâp lơi sưr ma lĕ nau tâm mpơl khlay ngăn nây, du njăr lok tôt jêh tâm nglay săk gâp; du huê nơm mbơh bơh Satan hŏ dong gâp gay lơi ăn gâp sưr rlau.

II Kôrintô 13:2

Tâm nôk khâl khân may rơh bar, gâp hŏ mbơh lor ma phung ƀư tih jêh bơh lor jêh ri ma lĕ rngôch phung êng. Aƀaơ aơ dôl gâp ndŭt măt, gâp mbơh tay ma khân may pô aơ tơlah gâp hăn tât tay đŏng, gâp mâu mra yô̆ an ôh,

II Kôrintô 8:24

Yor ri, tanăp Phung Ngih Brah Ndu, khân may mpơl hom nau khân may rŏng tâm ban đŏng nau hên rnê êng ma khân may.

Galati 5:19

Nau kan bơh nglay săk rah vah jêh, nây jêng nau văng tĭr, nau ƀơ̆ ƀơch, nau blă blơ,

Nau Vay Nkah Tay 9:15

Pôri, gâp plơ̆ ro jêh ri hăn trŭnh bơh yôk nđâp ma bar rlat lŭ geh nchih nau tâm rnglăp tâm ti gâp, tâm nôk lam yôk hôm ŭnh sa.

Nau Vay Nkah Tay 9:25

Pôri, gâp hŏ chon mbah tanăp Brah Yêhôva tâm puăn jât nar jêh ri puăn jât măng, yorlah Brah Yêhôva hŏ lah jêh Păng gay ŭch ƀư rai khân may.

Kôlôh 3:5

Pôri nkhĭt lơi lĕ nau kơnh ŭch tâm neh ntu nâm bu nau văng tĭr, nau mâu kloh ueh, nau kơnh nglay săk ŭch, nau ŭch djơh mhĭk jêh ri nau kơnh rlau ir; yor nau kơnh rlau ir jêng tâm ban ma nau mbah rup brah;

ហេឞ្រើ 13:4

Ăn lĕ rngôch bunuyh yơk ma nau tâm gŭ ur sai, lơi ƀư ƀơ̆ ƀơch ma sưng bê̆ch ur sai; yorlah Brah Ndu mra tâm rmal phung tâm lâm jêh ri phung văng tĭr.

II Pêtrôs 2:18

Yorlah khân păng ngơi lĕ nau ngơi hưn mâu jêng khlay ôh, dŏng lĕ nau kơnh ŭch nglay săk gay ndơm phung bunuyh mhe klaih bơh ti phung gŭ rêh tâm nau vĭ nhhơt.

Yuđas 1:23

tâm rklaih hom phung êng têk khân păng luh bơh ŭnh; jêh ri ma phung êng đŏng, geh hom nuih n'hâm yô̆ nđach nđâp nau klach, tâm rmot nđâp ma du blah ao nglay săk ƀư ƀơ̆ ƀơch jêh.

Yuđas 1:7

Nâm bu ƀon Sôdôm, ƀon Gômôrơ jêh ri ƀon văr jŭm ƀư đŏng tâm ban ma khân păng, mƀơk khân păng nơm lăp tâm lĕ nau văng tĭr jêh ri nchuăt tĭng nau nglay săk ŭch mâu tâm di, khân păng dơn nau tâm rmal ma ŭnh sa n'ho ro gay nti ma he.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.

Nau Tâm Mpơl 22:20

Nơm mbơh nkoch ma nau aơ lah: “Di ngăn, Gâp văch gơnh.” Amen. Ơ Kôranh Brah jêng Brah Yêsu, dăn văch hom!

I Samuel 15:35

Bơh nĕ kŏ tât nar Y-Samuel khĭt, păng mâu hôm tâm mâp đah Y-Sôl. Ƀiălah, Y-Samuel rngot ngăn yor Y-Sôl. Bi Brah Yêhôva nhhuach yorlah hŏ njêng jêh Y-Sôl jêng hađăch ma phung Israel.