II Kôrintô 12:20 - Nau Brah Ndu Ngơi 2023

²⁰ Yorlah gâp klach tơlah gâp tât gâp mâu mra saơ khân may nâm bu gâp kâp gân, bi khân may saơ đŏng gâp mâu di nâm bu khân may ŭch. Gâp klach ta nklang khân may geh nau tâm jin, nau mâu nach, nau duh nuih, nau mbeh, nau ngơi kek, nau nchơt, nau sưr, nau uh ah.

Bunong Bible Latin Script Cambodian dialect

²⁰ Gâp klach nôk gâp hăn a khân ay may, gâp say khân ay may êng bơh nau i gâp ŭch say, jêh ri khân ay may say gâp êng bơh nau i khân ay may ŭch say đŏng. Gâp rvê klach lah ta khân ay may geh nau tâm rdâng, tâm mâu nach, tâm ji nuih, tâm nkhah mpôl, tâm ngơi kek, tâm ngơi nchơt, tâm mưch, geh nau uh ah.

Bunong

²⁰ គ៝ប់​ក្លាច​នោក​គ៝ប់​ហាន់​អា​ខាន់​អៃ​មៃ គ៝ប់​ឆៃ​ខាន់​អៃ​មៃ​អេង​ឞើស​នាវ​អី​គ៝ប់​អុច​ឆៃ ជេសរី​ខាន់​អៃ​មៃ​ឆៃ​គ៝ប់​អេង​ឞើស​នាវ​អី​ខាន់​អៃ​មៃ​អុច​ឆៃ​ដ៝ង់។ គ៝ប់​រាវៃ​ក្លាច​លាស​តា​ខាន់​អៃ​មៃ​គែស​នាវ​តឹម​រាទ៝ង់ តឹម​មោ​នាច តឹម​ជី​នូយ្ស តឹម​ងខាស​មពោល តឹម​ងើយ​កែក តឹម​ងើយ​ញចើត តឹម​មឺច គែស​នាវ​អុស​អាស។

II Kôrintô 12:20 ပူးပေါင်းရင်းမြစ်များ

Nau Mprơ Ơm 41:7

Lĕ rngôch phung tâm rmot ma gâp ngơi ƀŭk dŭk suyh ƀư ma gâp da dê; Khân păng mĭn ŭch ƀư mhĭk ma gâp jêh ri lah:

Nau Hôr 16:28

Bunuyh kue srih nau tâm djrel, Phung suai rak tâm nkhah mĭt jiăng nơm.

Samƀŭt Pôl Njuăl Ăn Ma Phung Nsing Ta Ƀon Rôm 1:29

Khân păng bêng ma ăp ntil nau kue, nau tih mhĭk, nau kơnh, nau ƀai; nuih n'hâm bêng ma nau keh nach, nau nkhĭt bunuyh, nau tâm lah tâm djrel, nau mƀruh nchơt, nau hăt janh;

Samƀŭt Pôl Njuăl Ăn Ma Phung Nsing Ta Ƀon Rôm 1:30

ngơi kek, ngơi nchơt, tâm rmot ma Brah Ndu, nau ƀai, ngơi sưr, ngơi blă blơ, vay ƀư nau mhĭk, mâu iăt nau mê̆ mbơ̆;

Samƀŭt Pôl Njuăl Ăn Ma Phung Nsing Ta Ƀon Rôm 2:8

Bi ma mbu nơm mbeh, mâu tông bâr nau ngăn, ƀiălah tông bâr nau kue, mra sŏk dơn nau ji nuih hâu ngăn jêh ri nau ji nuih.

I Kôrintô 1:11

Hơi phung oh nâu, bunuyh tâm ngih Y-Klôê mbơh jêh ma gâp gĭt tâm phung khân may geh nau tâm jin.

I Kôrintô 14:33

Yorlah Brah Ndu mâu di jêng Brah Ndu nau uh ah ôh, ƀiălah nau đăp mpăn. Tâm ban ma lĕ Phung Ngih Brah Ndu phung kloh ueh,

I Kôrintô 5:2

Jêh ri khân may bêng ma nau sưr! Ueh lơn khân may nhĭm nhhiăng jêh ri nsot lơi nơm ƀư nau nây luh bơh khân may.

II Kôrintô 1:23

Gâp mbơh sơm dăn Brah Ndu mbơh ma huêng gâp, yorlah chrê khân may rĭ dĭng gâp ê hŏ hăn tât ma ƀon Kôrintô.

II Kôrintô 10:2

Nôk gâp geh măt, dăn khân may lơi dĭng nchâp gâp dŏng nau janh gâp mĭn lah dŏng đah bunuyh mĭn lah hên gŭ ngao tĭng nâm nglay săk.

II Kôrintô 10:6

Hên rơm ndrăp jêh gay tâm rmal lĕ rngôch bunuyh mâu tông bâr kŏ tât khân may tông bâr da dê.

II Kôrintô 12:21

Gâp klach pô aơ, jêh aơ taơ gâp tât ma khân may, Brah Ndu mra ƀư ăn gâp đit prêng yor ma khân may, jêh ri gâp mra nhĭm ma âk phung ƀư tih jêh bơh lor ƀiălah khân păng mâu ŭch rmal nau tih ma lĕ nau ƀơ̆ ƀơch, nau văng tĭr, nau ƀai khân păng ƀư tih jêh.

II Kôrintô 13:2

Tâm nôk khâl khân may rơh bar, gâp hŏ mbơh lor ma phung ƀư tih jêh bơh lor jêh ri ma lĕ rngôch phung êng. Aƀaơ aơ dôl gâp ndŭt măt, gâp mbơh tay ma khân may pô aơ tơlah gâp hăn tât tay đŏng, gâp mâu mra yô̆ an ôh,

II Kôrintô 2:1

Pôri, gâp tâm nal mâu plơ̆ chop khâl klach lah khân may rngot rvê ôh.

Galati 5:15

Ƀiălah tơlah khân may kăp rvăn ndrăng khân may mro, pôri njrăng hom, klach lah khân may ƀư rai băl ndrăng khân may nơm.

Galati 5:26

Lơi joi nau lư n'găr mâu nanê̆ gay nsônh jêh ri tâm nuih ndrăng nơm ôh.

Yakơ 4:11

Hơi oh nâu, lơi ta khân may ngơi mhĭk ndrăng khân may nơm ôh. Mbu nơm ngơi mhĭk ma oh nâu păng nơm mâu lah phat dôih ma oh nâu păng nơm, nâm bu ntĭt ngơi mhĭk ma nau vay jêh ri phat dôih ma nau vay. Ƀiălah tơlah may phat dôih ma nau vay, may mâu di jêng bunuyh jan tĭng ma nau vay ôh, ƀiălah may jêng kôranh phat dôih ma nau vay.

I Pêtrôs 2:1

Pôri, khân may chalơi hom lĕ nau janh ƀai, ƀlêp ƀlêr, nuih n'hâm nklă, mâu nach jêh ri lĕ nau ngơi nchơt.

II Pêtrôs 2:18

Yorlah khân păng ngơi lĕ nau ngơi hưn mâu jêng khlay ôh, dŏng lĕ nau kơnh ŭch nglay săk gay ndơm phung bunuyh mhe klaih bơh ti phung gŭ rêh tâm nau vĭ nhhơt.

Yuđas 1:16

Khân păng jêng phung vay ngơi ƀŭk dŭk suyh, nduyh lah bu, ƀư tĭng lĕ nau kơnh ŭch khân păng nơm, trôm mbung ngơi âk nau sưr êng păng nơm, tâm rnê rlau keh ma bu gay sŏk drăp nkhôm.