II Kôrintô 12:15 - Nau Brah Ndu Ngơi 2023

¹⁵ Gâp maak ngăn dŏng mpŭng moh ndơ gâp geh, suăt lĕ nau dăng ktang yor huêng khân may. Tơlah gâp rŏng ma khân may lơ âk lơn, mâm ƀư khân may rŏng ma gâp lơ hô djê̆?

Bunong Bible Latin Script Cambodian dialect

¹⁵ Gâp tâm ban ma mê̆ bơ̆ khân ay may, gâp ŭch ngăn sŏ dŏng drăp ndơ i gâp nơm geh, nđâp ma săk gâp nơm sơm jan kar ăn ma khân ay may, gâp jan ma nuih n'hâm răm maak. Lah lĕ dah nây jêh nau kuŏng gâp rŏng ma khân ay may, lah ndri mơm dâng khân ay may rŏng ma gâp lơ ma đê̆ dơm?

Bunong

¹⁵ គ៝ប់​តឹម​ឞាន​មា​មេៈ​ឞឹ​ខាន់​អៃ​មៃ គ៝ប់​អុច​ងាន់​ឆ៝ៈ​ទ៝ង់​ទ្រាប់​នទើ​អី​គ៝ប់​នើម​គែស នអ៝ប់​មា​ឆាក់​គ៝ប់​នើម​ឆើម​ជាន​ការ​អ៝ន់​មា​ខាន់​អៃ​មៃ គ៝ប់​ជាន​មា​នូយ្ស​នហ៝ម់​រាម់​មអាក។ លាស​លែៈ​ទាស​នៃ​ជេស​នាវ​ក្វ៝ង់​គ៝ប់​រ៝ង់​មា​ខាន់​អៃ​មៃ លាស​នទ្រី​មើម​ទឹង​ខាន់​អៃ​មៃ​រ៝ង់​មា​គ៝ប់​លើ​មា​ដេៈ​ទើម?

II Kôrintô 12:15 ပူးပေါင်းရင်းမြစ်များ

II Samuel 13:39

Nôk nây, hađăch Đavit kah gĭt ma Y-Apsalôm; yorlah hađăch geh nau bonh leng jêh ma nau Y-Amnôn hŏ khĭt.

II Samuel 18:33

Hađăch phit nuih n'hâm hâu ngăn, hăn hao tâm jrô ta klơ mpông ƀon jêh ri nhĭm. Dôl păng chuat păng lah: “Hơi Y-Apsalôm, kon bu klâu gâp, kon bu klâu gâp! Y-Apsalôm, kon bu klâu gâp! Ueh lơn gâp khĭt ntrok may! Hơi Y-Apsalôm, kon bu klâu gâp, kon bu klâu gâp!”

Samƀŭt Pôl Njuăl Ăn Ma Phung Nsing Ta Ƀon Rôm 9:3

Yorlah gâp ŭch dơi suai rak gâp nơm jêh ri chalơi bơh Brah Krist ntrok an ma phung oh nâu jêng phung ndŭl mpôl gâp;

II Kôrintô 1:14

Nâm bu khân may gĭt rbăng jêh hên du kô̆: Hên jêng nau khân may tâm rnê, jêh ri hên geh nau tâm rnê yor khân may ta nar Kôranh Brah he jêng Brah Yêsu.

II Kôrintô 1:6

Tơlah hên geh nau rêh ni, nau nây gay ma khân may geh nau bonh leng jêh ri geh nau tâm rklaih; mâu lah tơlah hên geh nau bonh leng, nau nây gay ma khân may geh nau bonh leng, jêng nau bonh leng khân may hŏ găn jêh dôl nsrôih dơn lĕ nau rêh ni nâm bu hên geh.

II Kôrintô 11:11

Mâm ƀư kơt nĕ? Yorlah gâp mâu rŏng ma khân may hĕ? Brah Ndu gĭt nau nây!

II Kôrintô 12:14

Aơ jêng tơ̆ rơh pe gâp rơm ndrăp hăn chop khâl ma khân may; gâp mâu mra ƀư jâk khân may ôh, yorlah gâp mâu joi drăp ndơ khân may ôh, ƀiălah joi khân may yơh. N'hêl nanê̆ ngăn, mâu di phung kon ôh bun prăp drăp ndơ ma mbơ̆ mê̆, ƀiălah mê̆ mbơ̆ bun prăp drăp ndơ ma phung kon.

II Kôrintô 12:9

Ƀiălah Kôranh Brah lah: “Nau yô̆ Gâp bêng tŏng ma may, yorlah nau ktang Gâp plơ̆ jêng nŭm rĭng tâm nau rdja.” Pôri, gâp răm maak rnê êng âk ngăn ma lĕ nau rdja gâp, gay ma nau ktang Brah Krist gŭ tâm gâp.

II Kôrintô 2:3

Gâp nchih jêh ma khân may kơt nĕ, gay ma nôk gâp hăn chop khâl, gâp mâu mra rngot rvê bơh phung bunuyh di ngăn ƀư ma gâp maak. Yorlah gâp rnơm tâm lĕ rngôch khân may sŏk nau răm maak gâp jêng nau răm maak khân may.

II Kôrintô 4:12

Pôri, nau khĭt pah kan tâm hên, ƀiălah nau rêh pah kan tâm khân may.

II Kôrintô 7:2

Prăp hom ma hên du ntŭk tâm nuih n'hâm khân may. Hên mâu mâp ƀư mhĭk ma bu ôh, mâu ƀư rai bu ôh, mâu mâp sa ndô ndơ bu ôh.

II Kôrintô 7:3

Gâp mâu lah nau aơ gay ma tâm rmal khân may ôh, yorlah lor panăp aơ gâp lah jêh ma khân may gŭ tâm nuih n'hâm gâp ƀaƀơ, rêh ndrel jêh ri khĭt ndrel.

Galati 4:10

Khân may hôm djôt nar, djôt khay, djôt yan, djôt năm!

Philip 2:17

Nđâp tơlah mham gâp nkhŭt ta klơ ndơ nhhơr. jêh ri kan nau chroh khân may, gâp maak lĕ jêh ri maak ndrel ma khân may lĕ rngôch

Kôlôh 1:24

Aƀaơ gâp răm maak tâm nau rêh ni yor khân may, jêh ri yor săk jăn Păng jêng Phung Ngih Brah Ndu, djôt leo săk jăn gâp nơm ƀư lôch jêh kô̆ hôm e tâm nau rêh ni Brah Krist.

I Têsalônik 2:8

Hên rŏng ngăn ma khân may kŏ tât ŭch pă ma khân may, mâu knŏng Nau Mhe Mhan Ueh Brah Ndu ôh ƀiălah nđâp nau rêh hên đŏng, yorlah khân may jêng phung bunuyh hên rŏng ngăn ngên.

II Timôthê 2:10

Pôri, yorlah phung bunuyh geh nau săch jêh, gâp srôih dơn lĕ ntil ndơ gay ma khân păng dơn đŏng nau tâm rklaih Brah Yêsu Krist, đah nau chrêk rmah n'ho ro.

ហេឞ្រើ 13:17

Tông hom ma phung kôranh chiă uănh khân may jêh ri blau tông ma khân păng, yorlah khân păng mât mray huêng khân may nâm bu ăn phung mra mbơh nkoch rah vah. Kơl hom ma khân păng geh nau maak gay ƀư lôch nau kan jêh ri mâu geh nau njang bâr, yorlah nau nây mâu ăn ueh ôh ma khân may.