II Kôrintô 12:1 - Nau Brah Ndu Ngơi 2023

¹ Gâp rnê êng ma gâp nơm, nđâp tơlah mâu geh khlay ôh, ƀiălah gâp đŏng mra ngơi ma nau tâm saơ jêh ri ma nau tâm mpơl bơh Kôranh Brah.

Bunong Bible Latin Script Cambodian dialect

¹ Bol lah nau n'hi êng săk gâp nơm mâu geh nau khlay kađôi, hôm iăt ma gâp ngơi ma ndơ i Kôranh Brah lĕ nhhơ jêh ma gâp ta nau tâm say, ndrel ma ndơ i Păng pơk ăn gĭt.

Bunong

¹ ឞ៝ល​លាស​នាវ​នហី​អេង​ឆាក់​គ៝ប់​នើម​មោ​គែស​នាវ​ខ្លៃ​កាដោយ ហោម​អ្យាត់​មា​គ៝ប់​ងើយ​មា​នទើ​អី​កោរាញ​ឞ្រាស​លែៈ​ញហើ​ជេស​មា​គ៝ប់​តា​នាវ​តឹម​ឆៃ នទ្រែល​មា​នទើ​អី​ពាង់​ពើក​អ៝ន់​គឹត។

II Kôrintô 12:1 ပူးပေါင်းရင်းမြစ်များ

Êsêkiêl 11:24

Huêng Brah chông gâp leo klơ jêh ri ma nau tâm saơ, Huêng Brah, Brah Ndu dơi njŭn gâp lăp n'gor bri Kaldê, tât ma phung bu mprơh du jêng bu nă. Jêh ri nau tâm mpơl gâp hŏ saơ du jêh bơh gâp.

Nau Kơp Bunuyh 12:6

Păng lah: “Iăt hom nau Gâp. Tơlah geh du huê nơm mbơh lor gŭ tâm nklang khân may Gâp jêng Brah Yêhôva mra tâm mpơl ma păng tâm nau tâm saơ Jêh ri Gâp ngơi ma păng tâm nau mbơi.

Yôhan 16:7

Nđâp lah pônây, Gâp lah ngăn ma khân may: Gâp du sĭt jêng khlay lơn ma khân may. Lah Gâp mâu du sĭt, Nơm Bonh Leng mâu mra văch ma khân may ôh. Ƀiălah lah Gâp sĭt, Gâp mra njuăl Păng ma khân may.

Yôhan 18:14

Y-Kaipe nơm jêng tâm nchră ma phung Yuđa pô aơ: “Ueh lơn ma du huê bunuyh khĭt ntrok an ma lĕ phung ƀon lan.”

Kôranh Oh Mon 18:9

Dôl măng, Kôranh Brah lah ma Y-Pôl tâm nau tâm saơ: “Lơi klach ôh! Ƀiălah ngơi hom jêh ri lơi gŭ rklăk ôh;

Kôranh Oh Mon 23:11

Măng ôi taơ, Kôranh Brah tâm mpơl ma Y-Pôl jêh ri lah: “Gŭ nâp hom! Tâm ban ma may hŏ mbơh nkoch nau Gâp ta ƀon Yêrusalem, may mra mbơh nkoch ta ƀon Rôm tâm ban lĕ.”

I Kôrintô 10:23

“Lĕ ntil ndơ dơi ƀư,” ƀiălah mâu di lĕ ntil ndơ geh khlay da dê. “Lĕ ntil ndơ ƀư” ƀiălah mâu di lĕ ntil ndơ ndâk njêng da dê.

I Kôrintô 14:6

Hơi phung oh nâu, tơlah gâp hăn ma khân may, ngơi lĕ nau bu năch, jêh ri tơlah nau gâp ngơi mâu geh tâm mpơl, mâu geh nau gĭt rbăng, mâu geh nau mbơh lor, mâu geh ntĭm nti, moh nau gâp jêng khlay ma khân may?

I Kôrintô 6:12

Gâp dơi vay ƀư lĕ ntil ndơ, ƀiălah mâu di lĕ ntil ndơ geh khlay ôh. Gâp dơi vay ƀư lĕ ntil ndơ, ƀiălah mâu ƀư dĭk ma du ntil ndơ ôh.

II Kôrintô 12:11

Gâp jêng bunuyh brŭt moih! Khân may nchâp gâp kơt nĕ. Di lah ăn khân may tâm rnê ma gâp; yorlah gâp jêng dơm dam, gâp mâu đŏng jê̆ lơn ma phung kôranh oh mon dŭt toyh ri.

II Kôrintô 12:5

Ma bunuyh nây, gâp mra rnê êng; ƀiălah ma gâp nơm, gâp mâu tâm rnê êng ôh, knŏng tâm rnê êng ma lĕ nau rdja gâp dơm.

II Kôrintô 12:7

Gay mât gâp lơi sưr ma lĕ nau tâm mpơl khlay ngăn nây, du njăr lok tôt jêh tâm nglay săk gâp; du huê nơm mbơh bơh Satan hŏ dong gâp gay lơi ăn gâp sưr rlau.

II Kôrintô 12:9

Ƀiălah Kôranh Brah lah: “Nau yô̆ Gâp bêng tŏng ma may, yorlah nau ktang Gâp plơ̆ jêng nŭm rĭng tâm nau rdja.” Pôri, gâp răm maak rnê êng âk ngăn ma lĕ nau rdja gâp, gay ma nau ktang Brah Krist gŭ tâm gâp.

II Kôrintô 8:10

Gâp kơl mĭn nau nây, nây jêng du nau mĭn geh khlay ma khân may: yorlah bơh năm lor, khân may mâu knŏng jêng phung bunuyh lor lơn ƀư nau nây ƀiălah hôm ŭch ƀư đŏng.

Galati 1:12

yorlah gâp mâu mâp dơn jêh ri mâu lĕ mâp nti Nau Mhe Mhan Ueh nây tă bơh du huê bunuyh, ƀiălah tă bơh nau Yêsu Krist tâm mpơl.

Galati 2:2

Tĭng nâm nau tâm mpơl, gâp hăn ta nây gay nkoch mbơh ma phung oh nâu gĭt Nau Mhe Mhan Ueh gâp mbơh nkoch ta nklang phung bu năch, ƀiălah knŏng nkoch mbơh ma phung geh nau yơk, klach lah nau gâp nchuăt jêh jêh ri dôl nchuăt mâu geh nau khlay.

Êphêsô 3:3

jêh ri Păng hŏ tâm mpơl jêh ma gâp gĭt rbăng mâm nau khlay ndâp, tâm ban gâp hŏ nchih gleh ma khân may.

I Têsalônik 4:15

Aơ jêng nau hên rnơm nau ngơi Kôranh Brah gay lah ma khân may: He jêng phung hôm rêh ƀiălah hôm gŭ ta neh kŏ tât ta nar Kôranh Brah plơ̆ văch, pô ri he mâu mra hăn lor ôh ma phung bê̆ch jêh.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.