II Kôrintô 11:29 - Nau Brah Ndu Ngơi 2023

²⁹ Mbu nơm geh nau rdja, dĭng gâp mâu jêng rdja? Mbu nơm geh chêh prah, dĭng nuih n'hâm gâp mâu rngot?

Bunong Bible Latin Script Cambodian dialect

²⁹ Lah geh du huê bunuyh lĕ suan, gâp kŏ geh nau rvê ma păng đŏng, lah geh bu leo du huê oh nô ta nau nsing jan tih, gâp ji nuih hô ngăn!

Bunong

²⁹ លាស​គែស​ទូ​ហ្វេ​ឞូនុយ្ស​លែៈ​ឆ្វាន គ៝ប់​ក៝ៈ​គែស​នាវ​រាវៃ​មា​ពាង់​ដ៝ង់ លាស​គែស​ឞូ​លែវ​ទូ​ហ្វេ​អ៝ស​នោ​តា​នាវ​ញឆីង​ជាន​តីស គ៝ប់​ជី​នូយ្ស​ហោ​ងាន់!

II Kôrintô 11:29 ပူးပေါင်းရင်းမြစ်များ

Mathay 11:6

Ueh maak yơh ma mbu nơm mâu chêh prah ôh yor Gâp!”

Yôhan 2:17

Phung oh mon Păng kah gĭt tay nau hŏ nchih jêh: “Nuih n'hâm duh nđơr ma ngih Kôranh Brah su gâp.”

Samƀŭt Pôl Njuăl Ăn Ma Phung Nsing Ta Ƀon Rôm 12:15

Maak hom đah phung maak, nhĭm đah phung nhĭm.

Samƀŭt Pôl Njuăl Ăn Ma Phung Nsing Ta Ƀon Rôm 15:1

He jêng phung dăng, ăn he anh lĕ nau rêh ni phung rdja, mâu knŏng gĭt ƀư maak ma he nơm dơm ôh.

I Kôrintô 11:22

Khân may mâu geh hĕ ngih êng prăp sông sa nhêt? Mâu lah khân may tâm rmot ma Phung Ngih Brah Ndu, jêh ri ƀư bêk phung pưt kƀah? Moh ndơ gâp lah ma khân may? Tâm rnê ma khân may tâm nau nây ƀơh? Mâu, gâp mâu tâm rnê ôh!

I Kôrintô 12:26

Lah du kô̆ săk jăn mâp nau ji, pôri lĕ rngôch ji tâm ban da dê; tơlah bu rnê du kô̆ săk jăn, lĕ rngôch geh nau răm maak tâm ban lĕ.

I Kôrintô 15:36

Hơi bunuyh rluk! Moh ndơ may tuch, tơlah lor lơn mâu khĭt, păng mâu mra dơi dâk rêh tay ôh.

I Kôrintô 8:13

Yor nây, tơlah ndơ sông sa ƀư ma nau chêh prah ma oh nâu, gâp mâu mra sa puăch ôh, gay ma mâu ƀư ma nau chêh prah ma oh nâu gâp.

I Kôrintô 8:9

Ƀiălah njrăng hom, klach lah nau dơi kon me khân may ƀư ma phung rdja chêh prah.

I Kôrintô 9:22

Gâp jêng rdja ndrel ma phung rdja, pôri mơ gâp dơi njŭn leo phung rdja. Gâp jêng jêh lĕ rngôch ndơ ma lĕ rngôch bunuyh, pôri mơ gâp dơi tâm rklaih ƀaƀă tâm phung khân păng.

II Kôrintô 13:9

Hên răm maak yorlah tơlah hên jêng huơi, khân may jêng ktang. Nau hên mbơh sơm dăn, nây jêng khân may dơi geh tât nau nŭm rĭng.

Galati 2:14

Dôl saơ khân păng mâu hăn sŏng tĭng nau ngăn bơh Nau Mhe Mhan Ueh, gâp lah ma Y-Sêphas tanăp lĕ rngôch bunuyh pô aơ: “Tơlah may jêng bunuyh Yuđa, ƀiălah gŭ rêh tĭng nau phung bu năch, mâu kơt nâm bu phung Yuđa ôh, mâm ƀư may nchâp phung bu năch gŭ rêh tĭng nâm nau phung Yuđa?”

Galati 6:2

Kơl tâm anh hom nau jâk jêr ndrăng khân may; khân may mra ƀư lôch nau vay Brah Krist.

Nau Tâm Mpơl 2:2

‘Gâp gĭt năl lĕ kan may ƀư jêh, nau jâk jêr may, nau may srôih. Gâp gĭt may mâu dơi dơn phung mhĭk, jêh ri rlong uănh jêh phung kơp êng săk khân păng nơm jêng kôranh oh mon, ƀiălah mâu di jêng kôranh oh mon, jêh ri may gĭt năl jêh khân păng jêng phung ngơi mƀruh.

Nau Tâm Mpơl 2:20

Ƀiălah geh nau Gâp nduyh may, nây jêng may ăn ma H'Jêsêbel, bu ur kơp êng săk păng nơm jêng nơm mbơh lor, ntĭm nti jêh ri ndơm phung oh mon Gâp, gay ma khân păng ƀư tih nau văng tĭr jêh ri sa ndơ ƀư brah ma rup brah.