II Kôrintô 10:4 - Nau Brah Ndu Ngơi 2023

⁴ Ndơ tâm lơh hên dŏng mâu di jêng lĕ ndơ tâm lơh bơh nglay săk ôh, ƀiălah jêng nau brah Brah Ndu gay ƀư rlâm lĕ pôih,

Bunong Bible Latin Script Cambodian dialect

⁴ Ndơ tâm lơh i hên dŏng nây, mâu ôh di ndơ tâm lơh i bu dŏng ta neh ntu dja, yơn ma jêng ndơ i geh nau dơi tă bơh Kôranh Brah i dơi lơh rlŏm lơi nau mân bunuyh i tâm rdâng đah Kôranh Brah, tâm ban ma lơh rlŏm lơi pôyh.

Bunong

⁴ នទើ​តឹម​លើស​អី​ហេន​ទ៝ង់​នៃ មោ​អោស​ទី​នទើ​តឹម​លើស​អី​ឞូ​ទ៝ង់​តា​នែស​នតូ​អ្យា យើន​មា​ជេង​នទើ​អី​គែស​នាវ​ទើយ​តាៈ​ឞើស​កោរាញ​ឞ្រាស​អី​ទើយ​លើស​រាល៝ម់​លើយ​នាវ​មឹន​ឞូនុយ្ស​អី​តឹម​រាទ៝ង់​ដាស​កោរាញ​ឞ្រាស តឹម​ឞាន​មា​លើស​រាល៝ម់​លើយ​ពោយ្ស។

II Kôrintô 10:4 ပူးပေါင်းရင်းမြစ်များ

Nau Mprơ Ơm 110:2

Bơh ƀon Siôn, Brah Yêhôva mra pơk huy Kôranh Brah May. Chiă uănh hom ta klơ phung rlăng May.

Êsai 30:25

Tâm nar geh nau tâm nkhĭt toyh, lĕ pôih rlâm rai jêh, ri mơ ta klơ lĕ rngôch yôk prêh jêh ri dor yôk mra geh lĕ dak n'hor hoch.

Yêrêmi 1:10

Uănh hom, nar aơ Gâp hŏ ndâk may djôt nau dơi đah lĕ mpôl bunuyh, lĕ bri dak, Gay may rôk tơm mâu lah ƀư rlâm, Ƀư rai mâu lah n'glưh lơi, Ndâk mâu lah brôi tăm.”

Yêrêmi 23:29

“Nau Gâp ngơi mâu di nâm bu ŭnh, nâm bu me nôp tôp nchah lŭ lĕ?” Brah Yêhôva lah pônây.

Kôranh Oh Mon 7:22

Y-Môis nti lĕ nau blau mĭn phung Êjipt; păng geh nau dơi tâm nau ngơi jêh ri tâm kan.

Samƀŭt Pôl Njuăl Ăn Ma Phung Nsing Ta Ƀon Rôm 13:12

Măng dăch lĕ, nar dăch ang, pôri he doh mƀăr lơi hom lĕ kan nau ngo, jêh ri nsoh ao tâm lơh bơh ang chrat.

Samƀŭt Pôl Njuăl Ăn Ma Phung Nsing Ta Ƀon Rôm 6:13

Lơi nhhơr lĕ kô̆ săk jăn khân may ƀư ndơ dŏng djơh mhĭk ma nau tih, ƀiălah nhhơr hom khân may nơm ma Brah Ndu tâm ban ma phung bunuyh hŏ dâk rêh tay jêh bơh nau khĭt, jêh ri nhhơr lĕ kô̆ săk jăn khân may nơm ƀư ndơ dŏng nau sŏng srăng ma Brah Ndu.

I Kôrintô 2:5

gay ma nau chroh khân may mâu nsing ta nau blau mĭn kon bunuyh ôh, ƀiălah ta nau brah Brah Ndu.

I Kôrintô 9:7

Geh đŏng nơm sŏk prăk vâl păng nơm gay ma hăn tâm lơh đah phung rlăng? Geh đŏng nơm tăm đang krăk ƀâu ƀiălah mâu sa play păng? Mâu lah mbu nơm mât phung mpô mpa rong, ƀiălah mâu dŏng dak toh păng?

II Kôrintô 10:8

Nđâp tơlah hên tâm rnê ma hên nơm rlau keh djê̆ lê̆ yor nau dơi Kôranh Brah ăn jêh ma hên gay ma n'hao khân may, mâu di gay ma ƀư rai khân may ôh, gâp mâu mra bêk ôh.

II Kôrintô 13:10

Yor ri, nôk ndŭt măt, gâp nchih nau aơ gay nôk gâp geh măt, gay gâp mâu ƀư janh nau dơi Kôranh Brah ăn jêh ma gâp, jêng nau dơi gay ndâk njêng khân may, mâu di gay ƀư rai ôh.

II Kôrintô 3:5

Mâu di hên geh nau blau gay mĭn ma hên dơi ƀư du ntil nau ôh, ƀiălah nau blau hên luh bơh Brah Ndu.

II Kôrintô 4:7

Ƀiălah hên prăp drăp ndơ khlay aơ tâm lĕ yăng neh, gay ma tâm mpơl nau brah dŭt prêh nây văch tă bơh Brah Ndu, mâu di tă bơh hên ôh.

II Kôrintô 6:7

tâm nau ngơi nanê̆ ngăn, jêh ri tâm nau brah Brah Ndu; kuăn ndơ tâm lơh bơh nau sŏng srăng tâm lĕ ti pa ma jêh ri ti pa chiau;

I Têsalônik 5:8

Ƀiălah he jêng kon nôk nar, pôri ăn di keh hom, nsoh ao loih ma nau chroh jêh ri nau rŏng, sŏk nau kâp gân ma nau tâm rklaih ƀư môk tâm lơh.

I Timôthê 1:18

Hơi Y-Timôthê kon gâp, gâp ntrŭnh nau vay dăp aơ ma may, tĭng nâm lĕ nau mbơh lor ma may bơh kăl e, gay bơh lĕ nau ngơi nây may tâm lơh janh ktang,

II Timôthê 2:3

Dơn hom nau rêh ni ndrel ma gâp tâm ban ma du huê tahan janh ktang Brah Yêsu Krist.

ហេឞ្រើ 11:30

Yor ma nau chroh, lĕ mpêr ƀon Yêrikô rlâm jêh dôl phung Israel hăn ndăch dăr jŭm tâm pơh nar.

Yôsuê 6:20

Pônây phung ƀon lan troh nter jêh ri phung kôranh ƀư brah uh nŭng. Tơlah phung ƀon lan tăng bâr nŭng, khân păng troh nter dŭt huy jêh ri mpêr ƀon rlâm lĕ; phung ƀon lan hao lăp tâm ƀon, ăp nơm hăn hao song panăp jêh ri pit sŏk ƀon.