II Kôrintô 1:14 - Nau Brah Ndu Ngơi 2023

¹⁴ Nâm bu khân may gĭt rbăng jêh hên du kô̆: Hên jêng nau khân may tâm rnê, jêh ri hên geh nau tâm rnê yor khân may ta nar Kôranh Brah he jêng Brah Yêsu.

Bunong Bible Latin Script Cambodian dialect

¹⁴ bol lah aƀaơ dja khân ay may gĭt vât aƀă dơm. Lah khân ay may gĭt vât dadê, khân ay may mra răm maak ma hên ta nar Kôranh Yêsu plơ̆ văch ta dja tay, kơt hên mra răm maak ma khân ay may đŏng.

Bunong

¹⁴ ឞ៝ល​លាស​អាបៃ​អ្យា​ខាន់​អៃ​មៃ​គឹត​វ៝ត់​អាបាៈ​ទើម។ លាស​ខាន់​អៃ​មៃ​គឹត​វ៝ត់​ទាទេ ខាន់​អៃ​មៃ​មរា​រាម់​មអាក​មា​ហេន​តា​នារ​កោរាញ​យេឆូ  ​ព្លឹ​វាច់​តា​អ្យា​តៃ កើត​ហេន​មរា​រាម់​មអាក​មា​ខាន់​អៃ​មៃ​ដ៝ង់។

II Kôrintô 1:14 ပူးပေါင်းရင်းမြစ်များ

Samƀŭt Pôl Njuăl Ăn Ma Phung Nsing Ta Ƀon Rôm 11:25

Hơi oh nâu, gâp ŭch ma khân may gĭt rbăng ma nau khlay ndâp aơ, gay ma khân may mâu kơp êng săk khân may nơm jêng blau mĭn, nây jêng: Du kô̆ tâm phung Israel dăng nuih n'hâm gay tât ta rnoh phung bu năch dơi lăp rĭng jêh.

I Kôrintô 1:8

Brah Ndu mra djôt prăp khân may nâp tât lôch, gay ma mâu geh nau nduyh tâm nar Kôranh Brah he jêng Brah Yêsu Krist.

I Kôrintô 11:18

Lor lơn, gâp tăng pô aơ, tơlah khân may tâm rƀŭn tâm Phung Ngih Brah Ndu, geh nau tâm pă tâm phung khân may; gâp chroh nau aơ geh du kô̆ di ngăn.

I Kôrintô 15:31

Hơi oh nâu, ăp nar gâp gŭ dăch nau khĭt. Gâp ngơi kơt nây yor nau rnê êng gâp ma khân may tâm Brah Yêsu Krist, Kôranh Brah he.

II Kôrintô 2:5

Tơlah du huê ƀư nau rngot rvê, bunuyh nây mâu knŏng ƀư rngot rvê ma gâp ôh, ƀiălah tâm du gưl nĕ dơm — Gâp mâu ngơi rlau keh ôh — hŏ ƀư rngot rvê ma lĕ rngôch khân may.

II Kôrintô 5:12

Hên mâu n'hao êng ma hên nơm đah khân may du tơ̆ đŏng ôh, ƀiălah ŭch prăp ma khân may du mông găl rnê êng ma hên, gay ma khân may dơi plơ̆ sĭt lah ma phung knŏng tâm rnê êng ma nau padih, mâu di tâm nuih n'hâm khân păng ôh.

II Kôrintô 9:2

Yorlah gâp gĭt jêh ma nuih n'hâm lŏng khân may, jêh ri gâp tâm mpơl ma khân may đah phung Masêđôn ma phung Akai rơm ndrăp jêh bơh năm e, nuih n'hâm duh nđơr tâm n'hao nuih khân may hŏ ntrôl âk bunuyh.

Philip 1:10

kơl ma khân may gĭt rnglah êng moh nau jêng dŭt ueh, gay tâm nar Brah Krist khân may geh nau kloh, mâu geh ntŭk dơi nduyh ôh,

Philip 1:26

Kơt nĕ tơlah gâp plơ̆ sĭt chop khâl, khân may mra geh âk nau hâk răm ma gâp tâm Brah Yêsu Krist.

Philip 1:6

Gâp chroh ngăn ma Nơm ntơm kan ueh tâm phung khân may mra ƀư lôch kan nây ma tât nar Brah Yêsu Krist.

Philip 2:16

Djôt nâp hom nau ngơi rêh mro mrăng, gay tâm nar Brah Krist, gâp dơi tâm rnê êng ma gâp nơm mâu nchuăt dơm dam jêh ri mâu jâk jêr dơm dam.

Philip 4:1

Pônây, hơi phung oh nâu gâp rŏng ngăn, jêng phung mĭt jiăng jêh ri klâng rvê, jêng nau maak jêh ri đon hađăch ma gâp, gŭ nâp hom tâm Kôranh Brah!

I Têsalônik 3:13

tă bơh nĕ Păng ƀư ăn khân may geh nau nâp nuih n'hâm, nau kloh ueh, mâu geh ôh nau nduyh tanăp Brah Ndu, Mbơ̆ he, Brah Yêsu, Kôranh Brah he plơ̆ văch ndrel ma lĕ rngôch phung kloh ueh Păng!

I Têsalônik 5:23

Dăn Brah Ndu ăn nau đăp mpăn ƀư ăn kloh khân may ăn nŭm. Dăn Păng prăp nuih n'hâm, huêng, jêh ri săk jăn khân may ăn ueh, mâu geh nau nduyh lah Kôranh Brah he, jêng Brah Yêsu Krist plơ̆ văch!