II Kôrintô 1:12 - Nau Brah Ndu Ngơi 2023

¹² Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

Bunong Bible Latin Script Cambodian dialect

¹² Ta nuih n'hâm hên nơm lĕ gĭt n'hêl, nau gŭ ngao hên ta neh ntu dja hên gŭ răp jăp ma lĕ nuih n'hâm, ngơi nau ngăn dơm, hên jan kơt nây ta năp dâng lĕ bunuyh, lơ ma hô jan ta năp khân ay may. Ta nau i nây, hên mâu ôh dŏng nau mân gĭt blao bunuyh, yơn ma gŭ ngao tâng ma nau Kôranh Brah nơm ŭch, tă bơh nau Păng kơl ma nau ueh Păng nơm. Gâp răm maak ngăn ma nau i nây.

Bunong

¹² តា​នូយ្ស​នហ៝ម់​ហេន​នើម​លែៈ​គឹត​នហេល នាវ​គុ​ងាវ​ហេន​តា​នែស​នតូ​អ្យា​ហេន​គុ​រាប់​ជាប់​មា​លែៈ​នូយ្ស​នហ៝ម់ ងើយ​នាវ​ងាន់​ទើម ហេន​ជាន​កើត​នៃ​តា​នាប់​ទឹង​លែៈ​ឞូនុយ្ស លើ​មា​ហោ​ជាន​តា​នាប់​ខាន់​អៃ​មៃ។ តា​នាវ​អី​នៃ ហេន​មោ​អោស​ទ៝ង់​នាវ​មឹន​គឹត​ឞ្លាវ​ឞូនុយ្ស យើន​មា​គុ​ងាវ​តឹង​មា​នាវ​កោរាញ​ឞ្រាស​នើម​អុច តាៈ​ឞើស​នាវ​ពាង់​កើល​មា​នាវ​អ្វែស​ពាង់​នើម។ គ៝ប់​រាម់​មអាក​ងាន់​មា​នាវ​អី​នៃ។

II Kôrintô 1:12 ပူးပေါင်းရင်းမြစ်များ

II Samuel 22:22

Yorlah gâp djôt prăp lĕ trong ndô̆ Brah Yêhôva, Mâu chalơi Brah Ndu gâp gay ƀư nau mhĭk.

Ndrom Samƀŭt bơh Yôp 13:15

Nđâp lah Kôranh Brah nkhĭt gâp, gâp hôm e rnơm nsing ma Păng; Jêh ri gâp mra koh dŏng nau rêh gâp nơm tanăp măt Păng.

Êsai 38:3

“Ơ Brah Yêhôva, dăn kah gĭt hom pô aơ gâp hôm chuat hăn răp jăp tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.

Kôranh Oh Mon 23:1

Y-Pôl uănh thâng ma Mpôl Kôranh Phat Dôih jêh ri lah: “Hơi phung oh nâu, tanăp Brah Ndu, gâp gŭ rêh jêh ma nuih n'hâm sŏng tât ta nar aơ.”

Kôranh Oh Mon 24:16

Yor nây, gâp srôih ƀaƀơ gay geh nuih n'hâm sŏng, mâu geh nau nduyh ôh tanăp Brah Ndu jêh ri tanăp kon bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 9:1

Gâp lah nau nanê̆ tâm Brah Krist, gâp mâu mƀruh ôh, nuih n'hâm sŏng gâp mbơh nau nây ma gâp tâm Brah Huêng Ueh

I Kôrintô 1:17

Yorlah Brah Krist mâu ôh njuăl gâp hăn gay ƀư ƀaptem, ƀiălah gay ma mbơh nkoch Nau Mhe Mhan Ueh, mâu di ma nau blau ngơi ôh, klach lah nau brah si tâm rkăng Brah Krist mra roh nau brah.

I Kôrintô 12:8

Ma bunuyh aơ geh Brah Huêng Ueh ăn ma nau ngơi blau mĭn, tă bơh nguay Brah Huêng Ueh, bunuyh êng dơn dơi nau ngơi gĭt rbăng.

I Kôrintô 15:10

Ƀiălah yor ma nau yô̆ Brah Ndu gâp dơi jêng nâm bu nar aơ, jêh ri nau yô̆ Păng ăn ma gâp mâu di jêng dơm dam ôh. Ƀiălah, gâp pah kan âk lơn ma lĕ rngôch bunuyh êng; nau nây mâu di gâp, ƀiălah jêng nau yô̆ Brah Ndu gŭ ndrel ma gâp.

I Kôrintô 2:13

Hên mbơh nau nây, mâu di ma lĕ nau ngơi nti tă bơh nau blau mĭn kon bunuyh ôh, ƀiălah luh tă bơh Brah Huêng Ueh ntăm nti, dŏng rplay ngơi tâm nau rêh huêng rblang lĕ nau ngăn tâm nau rêh huêng.

I Kôrintô 4:4

Yorlah gâp mâu saơ tâm gâp nơm geh du nau tih, ƀiălah mâu di ma nau nây ôh gâp dơi kơp sŏng srăng. Nơm phat dôih gâp jêng Kôranh Brah yơh.

I Kôrintô 5:8

Pôri, ăn he kah gĭt ndray rƀŭn Nau Găn, lơi dŏng ndrui ơm ôh, jêng ndrui nau djơh mhĭk jêh ri ƀai, ƀiălah ma piăng let mâu geh ndrui nau răp jăp jêh ri nau ngăn.

II Kôrintô 1:17

Di lĕ gâp vât vâng lah gâp mĭn nau aơ? Mâu lah nau gâp hŏ tâm nal tĭng nâm nglay săk kŏ tât geh tơ̆ lah “Ơ” geh tơ̆ lah “Mâu” ôh?

II Kôrintô 11:3

Ƀiălah gâp klach, nâm bu bêh dŏng tâm nchră ndơm mƀruh H'Êva, nau mĭn khân may geh đŏng nau mhĭk, roh nau nanê̆ ngăn jêh ri nau kloh rsang đah Brah Krist nâm pônây.

II Kôrintô 2:17

Yorlah, hên mâu tăch rgâl ma nau ngơi Brah Ndu nâm bu âk bunuyh êng. Ƀiălah jêng bunuyh Brah Ndu njuăl hăn, hên mbơh nkoch ma nuih n'hâm răp jăp tâm Brah Krist, tanăp Brah Ndu.

II Kôrintô 4:2

Hên dun jêh lĕ nau kan ndâp pôn jêh ri khư geh nau bêk prêng; hên mâu sŏk nau ndơm mâu lah nau nchơt nklă nau Brah Ndu ngơi ôh. Ƀiălah, hên rblang rah vah ma nau ngăn, hên ăn ma nuih n'hâm sŏng lĕ rngôch bunuyh tâm nal ma hên tanăp Brah Ndu.

II Kôrintô 8:8

Gâp lah nau aơ mâu di ŭch ntrŭnh ma khân may ôh, ƀiălah gâp knŏng ŭch saơ nuih n'hâm duh nđơr phung êng gay uănh nuih n'hâm khân may geh nau rŏng nanê̆ mâu lah mâu.

Galati 6:4

Ăp nơm sek uănh hom ma kan păng nơm, jêh mra saơ nau gay rnê êng mâu jêng nsing păng nơm, mâu di tâm rđĭl đah bu êng ôh.

Êphêsô 6:14

Pô ri, gŭ nâp hom, văn rse bŭt ma nau ngăn, nsoh ao loih ma nau sŏng srăng,

Philip 1:10

kơl ma khân may gĭt rnglah êng moh nau jêng dŭt ueh, gay tâm nar Brah Krist khân may geh nau kloh, mâu geh ntŭk dơi nduyh ôh,

I Têsalônik 2:10

Khân may mbơh nkoch, jêh ri Brah Ndu mbơh đŏng pô aơ ma khân may jêng phung chroh, hên hŏ gŭ ngao tâm nau kloh, nau sŏng srăng jêh ri mâu geh nau nduyh ôh.

I Timôthê 1:5

Nau ŭch bơh nau ntĭnh nây jêng nau rŏng luh bơh nuih n'hâm kloh, bơh nuih n'hâm sŏng ueh jêh ri ma nau chroh nanê̆ ngăn.

Titus 2:7

Tâm lĕ rngôch nau, may jêng nơm leo trong tâm lĕ nau kan ueh jêh ri tâm mpơl nau di, ăn gŭ ngao ueh lah may ntĭm nti;

ហេឞ្រើ 13:18

Mbơh sơm hom ma hên ƀă, yorlah hên gĭt năl n'hêl nanê̆ hê nơm geh nuih n'hâm sŏng ueh, ŭch gŭ ngao nau ueh rah vah tâm lĕ ntil ndơ.

Yakơ 4:6

Ƀiălah păng ăn nau yô̆ toyh lơn, yor nây Nau Brah Ndu Ngơi lah: “Brah Ndu tâm rdâng đah phung sưr, ƀiălah ăn ma nau yô̆ ma phung dêh rhêt.”

Yôsuê 24:14

Pônây aƀaơ ri, klach yơk hom ma Brah Yêhôva jêh ri pah kan ma Păng ma lĕ nuih n'hâm jêh ri ma nau răp jăp. Mƀăr lơi hom phung brah phung chô yau khân may pah kan ta đah ri dak krong tâm ban ma tâm n'gor Êjipt jêh ri knŏng pah kan hom ma Brah Yêhôva.

I Pêtrôs 3:16

Nôk geh nau ngơi mhĭk, ăn khân may djôt prăp nuih n'hâm sŏng khân may nơm ăn kloh, gay ma phung nsak nkhăng ma nau khân may gŭ ngao ueh tâm Brah Krist geh nau đit prêng.

I Pêtrôs 3:21

ƀaptem nar aơ jêng nau tâm ntĭt ma nau nây gay rklaih khân may; ƀaptem jêng mâu di sŏk lơi nau ƀơ̆ ƀơch luh bơh săk jăn, ƀiălah nau kuăl dăn ma Brah Ndu tă bơh nuih n'hâm sŏng kloh, ma nau Brah Yêsu Krist dâk rêh tay,