III Yôhan 1:8 - Nau Brah Ndu Ngơi 2023

⁸ Yor nây, ăn he kơl phung bunuyh nây, gay ma he plơ̆ jêng phung pah kan ndrel ma khân păng yorlah nau ngăn.

Bunong Bible Latin Script Cambodian dialect

⁸ Lah ndri iăt ma bân blao kơl ma bunuyh i kơt nây, gay ma bân jan kar ndrel băl ta nau nti i ngăn.

Bunong

⁸ លាស​នទ្រី​អ្យាត់​មា​ឞ៝ន់​ឞ្លាវ​កើល​មា​ឞូនុយ្ស​អី​កើត​នៃ គៃ​មា​ឞ៝ន់​ជាន​ការ​នទ្រែល​ឞាល់​តា​នាវ​នតី​អី​ងាន់។

III Yôhan 1:8 ပူးပေါင်းရင်းမြစ်များ

Nau Mprơ Ơm 94:16

Mbu mra dâk yor ma gâp, tâm rdâng ma phung ƀai? Mbu nơm dâk koh dŏng gâp, tâm rdâng đah phung janh ƀai?

Mathay 10:14

Tơlah mbu nơm mâu vơt dơn, mâu lah mâu iăt nau khân may tơlah luh tă bơh ngih nĕ mâu lah ƀon nây, rtuh hom neh muy hŏ krêp ta jâng phung khân may.

Mathay 10:40

“Mbu nơm rom khân may jêng rom Gâp, mbu nơm rom Gâp jêng rom Nơm hŏ njuăl Gâp.

Luka 11:7

Tơlah bunuyh gŭ tâm trôm ngih plơ̆ lah: ‘Lơi rsuak gâp ôh, mpông ndâl jêh, phung kon jêh ri gâp nơm lĕ bê̆ch jêh, mâu dơi dâk sŏk piăng let ma may!’

II Kôrintô 6:1

Yorlah hên pah kan ndrel ma Brah Ndu, hên vơh vơl ma khân may lơi dĭng sŏk dơn nau Brah Ndu yô̆ dơm dam ôh.

II Kôrintô 8:23

Bi Y-Tit, păng jêng mĭt jiăng gâp jêh ri jêng nơm tâm rnglăp đah gâp gay sâm kơl ma khân may; bi bar hê nâu ri jêng phung mbơh tâm lĕ Phung Ngih Brah Ndu, jêh ri nau chrêk rmah ma Brah Krist.

Philip 4:3

Gâp dăn đŏng ma may, mĭt jiăng pah kan răp jăp ndrel ma gâp, kơl hom phung bu ur nây; khân păng dâk ndrel ma gâp tâm lơh yor ma Nau Mhe Mhan Ueh, ndrel ma Y-Klêmen jêh ri phung mĭt jiăng ndrel kan êng ma gâp; amoh khân păng Brah Ndu nchih jêh tâm ndrom samƀŭt nau rêh.

Kôlôh 4:11

Y-Yêsu, rnha jêng Y-Yustus, njuăl đŏng nau mbah jô̆ khâl khân may. Tâm phung bunuyh dơn koh ntâu, knŏng geh phung bunuyh nây pah kan ndrel ma gâp yor ƀon bri hađăch Brah Ndu, jêh ri khân păng jêng nau bonh leng ma gâp.

I Têsalônik 3:2

jêh ri njuăl Y-Timôthê hăn, oh nâu he, nơm pah kan ma Brah Ndu tâm nau mbơh nkoch Nau Mhe Mhan Ueh Brah Krist, văch ma khân may gay ndâk njêng jêh ri n'hao nuih khân may tâm nau chroh,

ផីលេមោន 1:2

njuăl đŏng ma H'Apia, oh ruh hên, ma Y-Archipus, bunuyh tâm lơh ndrel ma hên, jêh ri ma Phung Ngih Brah Ndu tâm ngih may:

ផីលេមោន 1:24

Y-Markôs, Y-Aristarkus, Y-Đêmas jêh ri Y-Luk, phung pah kan ndrel ma gâp tâm ban lĕ.

III Yôhan 1:10

Yor nây, tơlah gâp hăn tât, gâp mra rkê̆ch tay lĕ nau păng ƀư jêh, jêng lĕ nau ƀai mhĭk tâm rdâng đah hên. Nđâp lah kơt nĕ ê hŏ maak nuih n'hâm đŏng, păng lŏ mâu vơt rom phung oh nâu, jêh ri mbu nơm ŭch vơt rom, păng buay bu jêh ri mprơh lơi bơh Phung Ngih Brah Ndu.

III Yôhan 1:7

Khân păng luh hăn jêh yorlah amoh Brah Yêsu, jêh ri mâu sŏk dơn moh nau bơh phung padih ôh.

III Yôhan 1:9

Gâp nchih jêh bar pe rplay samƀŭt njuăl ma Phung Ngih Brah Ndu; ƀiălah Y-Điôtrep, nơm ŭch jêng mrô nguay, mâu dơn hên ôh.