ហេឞ្រើ 9:28 - Nau Brah Ndu Ngơi 2023

²⁸ Tâm ban lĕ, Brah Krist nhhơr jêh Păng nơm knŏng du tơ̆, gay lâm lơi nau tih âk bunuyh; Păng mra tâm mpơl tal bar, mâu di gay sŏk lơi nau tih đŏng ôh, ƀiălah gay ăn nau tâm rklaih ma phung gŭ kâp Păng.

Bunong Bible Latin Script Cambodian dialect

²⁸ kơt ndri đŏng Brah Krist geh khât du tơ̆ dơm nôk Păng jêng ndơ jan brah jao săk Păng nơm gay ma n'groh lơi nau tih ŏk bunuyh. Ta nar jât năp tay Păng plơ̆ tay du tơ̆ jât, mâu hôm ôh sŏ mƀăr lơi nau tih jât, Păng văch gay ma rklaih bu moh i hôm gŭ răp jăp kŏp Păng.

Bunong

²⁸ កើត​នទ្រី​ដ៝ង់​ឞ្រាស​ក្រីស  ​គែស​ខឹត​ទូ​តឹ​ទើម​នោក​ពាង់​ជេង​នទើ​ជាន​ឞ្រាស​ជាវ​ឆាក់​ពាង់​នើម​គៃ​មា​ងគ្រ៝ស​លើយ​នាវ​តីស​អ៝ក់​ឞូនុយ្ស។ តា​នារ​ជឹត​នាប់​តៃ​ពាង់​ព្លឹ​តៃ​ទូ​តឹ​ជឹត មោ​ហោម​អោស​ឆ៝ៈ​មអារ់​លើយ​នាវ​តីស​ជឹត ពាង់​វាច់​គៃ​មា​រាក្លាយ្ស​ឞូ​ម៝ស​អី​ហោម​គុ​រាប់​ជាប់​ក៝ប់​ពាង់។

ហេឞ្រើ 9:28 ပူးပေါင်းရင်းမြစ်များ

Êsai 25:9

Tâm nar nây, bu mra lah: “Ri, aơ jêng Brah Ndu he; He kâp gân Păng, jêh ri Păng hŏ tâm rklaih he jêh. Aơ yơh jêng Brah Yêhôva he kâp gân, Ăn he hâk răm jêh ri maak yor nau Păng tâm rklaih!”

Kan Lêvi 10:17

“Mâm ƀư khân may mâu sa puăch mpa ƀư brah chuai nau tih tâm du ntŭk kloh ueh? Nĕ jêng du kô̆ dŭt kloh ueh, ndơ Brah Yêhôva hŏ ăn jêh ma khân may gay ma khân may dơi tuy nau tih tâm lĕ phung tâm rƀŭn jêh ri ƀư ndơ ƀư brah chuai nau tih ma khân păng tanăp Brah Yêhôva.

Sakari 14:5

Khân may mra nchuăt du tâm rlŭng ăp yôk Gâp, yorlah rlŭng yôk nây jong mra tât ta ntŭk Asal. Khân may mra nchuăt du nâm bu khân may hŏ nchuăt jêh nôk n'găr neh ntu tâm rnôk rô̆ Y-Usia hađăch n'gor Yuđa. Nôk nây, Yêhôva Brah Ndu gâp mra văch, jêh ri lĕ rngôch phung kloh ueh gŭ ndrel ma păng.

Nau Kơp Bunuyh 18:1

Brah Yêhôva lah ma Y-Arôn: “May, phung kon bu klâu may, ndŭl mpôl may ndrel ma may mra anh lĕ nau tih tât ma Ntŭk Kloh Ueh; bi ma may, phung kon bu klâu may nđâp ma may mra anh lĕ nau tih tât ma nau pah kan kôranh ƀư brah.

Nau Kơp Bunuyh 18:23

Ƀiălah phung Lêvi mra pah kan tâm Ngih Bok Nau Tâm Rƀŭn jêh ri khân păng mra anh nau tih khân păng. Khân păng mâu mra geh drăp ndơn ôh ta nklang phung ƀon lan Israel. Nĕ jêng du nau vay dăp n'ho ro tâm lĕ rngôch rô̆.

Nau Kơp Bunuyh 7:33

du mlâm ndrôk nkuăng rah, du mlâm biăp nkuăng; du mlâm biăp kon nkuăng du năm dŏng ma ndơ ƀư brah gŭch;

Mathay 20:28

Nđâp ma Kon Bunuyh văch jêh mâu di gay bu pah kan, ƀiălah gay pah kan, jêh ri nhhơr nau rêh Păng nơm jêng rnoh chuai ma âk bunuyh.”

Mathay 25:31

“Tơlah Kon Bunuyh mra văch tâm nau chrêk rmah Păng, ndrel ma lĕ rngôch phung tông mpăr, Păng mra gŭ ta klơ sưng hađăch chrêk rmah.

Mathay 26:28

Yorlah aơ jêng mham Gâp, mham nau tâm rnglăp nkhŭt jêh ăn ma âk bunuyh dơi yô̆ an nau tih.

Yôhan 14:3

Lah Gâp hăn nkra ntŭk ma khân may jêh, Gâp mra plơ̆ tay, sŏk leo khân may gŭ ndrel Gâp, gay ta ntŭk Gâp gŭ khân may gŭ ta nây lĕ.

Kôranh Oh Mon 1:11

jêh ri lah: “Hơi phung Galilê, mâm ƀư khân may dâk n'gơr uănh ta klơ trôk ri? Brah Yêsu aơ Brah Ndu chông hao klơ trôk tă bơh phung khân may, Păng mra plơ̆ văch tâm ban ma khân may saơ Păng hao klơ trôk nây đŏng.”

Samƀŭt Pôl Njuăl Ăn Ma Phung Nsing Ta Ƀon Rôm 3:25

Brah Ndu hŏ rdâk jêh Păng jêng mpa ƀư brah chuai nau tih ma mbu nơm geh nau chroh tâm mham Păng. Nau aơ mpơl nau sŏng srăng Brah Ndu, yorlah Păng sŏk nuih n'hâm srôih sŏk lơi lĕ nau tih tâm rnôk kăl e.

Samƀŭt Pôl Njuăl Ăn Ma Phung Nsing Ta Ƀon Rôm 5:15

Ƀiălah nau tih mâu tâm ban ma nau ăn ma tă bơh Kôranh Brah ôh. Yorlah tơlah bơh nau tih du huê bunuyh âk bunuyh khĭt jêh, ri mơ nau yô̆ lơ hô toyh lơn, jêh ri ndơ ăn tâm nau yô̆ luh tă bơh du huê Bunuyh jêng Brah Yêsu Krist lơ hô âk rmeh ma âk bunuyh êng êng đŏng.

Samƀŭt Pôl Njuăl Ăn Ma Phung Nsing Ta Ƀon Rôm 6:10

Yorlah Păng khĭt, jêng khĭt ma nau tih du tơ̆ tŏng jêh; ƀiălah Păng rêh, jêng gŭ rêh ma Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 8:23

mâu di knŏng êng lĕ rngôch ndơ, ƀiălah nđâp ma he jêng phung bunuyh geh Brah Huêng Ueh jêng play bôk yan, rđêng lĕ tâm nuih n'hâm dôl gŭ kâp gân nau jêng kon mât rong, jêng nau tâm chuai ma săk jăn he.

Samƀŭt Pôl Njuăl Ăn Ma Phung Nsing Ta Ƀon Rôm 8:3

Yorlah moh nau vay mâu dơi ƀư, yor nglay săk ƀư păng rdja, Brah Ndu ƀư jêh: Păng njuăl Kon Păng nơm geh nglay săk tâm ban ma nglay săk tih gay ma dăp nkra nau tih; Păng tâm rmal jêh nau tih tâm nglay săk,

I Kôrintô 1:7

gay ma khân may mâu pưt ôh du ntil nau yô̆ tâm nau rêh huêng, tâm nôk gŭ kâp Kôranh Brah he tâm mpơl jêng Brah Yêsu Krist.

I Kôrintô 15:54

Tơlah săk jăn blau ôm rai mra nsoh nau mâu blau ôm rai, săk jăn blau khĭt aơ nsoh ndơ mâu blau khĭt, ri mơ nôk nây mra tât di ngăn nau nchih jêh: “Nau dơi rvăn jêh nau khĭt.”

I Têsalônik 1:10

jêh ri gŭ kâp Kon Păng bơh trôk, jêng Brah Yêsu, Păng hŏ ƀư ăn dâk rêh tay tă bơh nau khĭt, jêng Nơm tâm rklaih he bơh ma nau ji nuih dăch tât.

II Têsalônik 2:1

Hơi phung oh nâu, nau plơ̆ văch Kôranh Brah he jêng Brah Yêsu Krist, jêh ri nau rgum he ndrel ma Păng, hên dăn khân may

II Timôthê 4:8

Ntơm aƀaơ đon hađăch nau sŏng srăng rơm ndrăp jêh ma gâp; Kôranh Brah jêng kôranh phat dôih sŏng mra ăn đon nây ma gâp tâm nar nây, ƀiălah mâu di knŏng ma gâp ôh ƀiălah nđâp ma phung rŏng ma nau Păng văch.

Titus 2:13

dôl gŭ kâp nau kâp gân ueh maak jêh ri nau tâm mpơl ma nau chrêk rmah Brah Ndu dŭt toyh, jêng Nơm Tâm Rklaih he đŏng jêng Brah Yêsu Krist,

ហេឞ្រើ 1:14

Mâu di hĕ lĕ rngôch phung tông mpăr jêng phung huêng brah pah kan, Brah Ndu njuăl hăn pah kan ma phung bunuyh dơn nau tâm rklaih hĕ?

ហេឞ្រើ 10:10

Tĭng nau ŭch mĭn nây, he geh nau kloh ueh ma nau nhhơr săk jăn Brah Yêsu Krist du tơ̆ nây dơm rĭng jêh.

ហេឞ្រើ 12:14

Joi hom nau đăp mpăn ma lĕ rngôch bunuyh jêh ri tĭng joi nau kloh ueh; yorlah tơlah mâu gŭ kloh ueh, mâu geh du huê dơi saơ Kôranh Brah ôh.

ហេឞ្រើ 2:3

mâm ƀư he dơi klaih đah nau tâm rmal tơlah he uănh mâu khlay ma nau tâm rklaih toyh ngăn? Nây jêng nau tâm rklaih Kôranh Brah mbơh jêh ntơm saơm, jêh phung bunuyh tăng jêh mbơh nau nây jêng ngăn ma he.

ហេឞ្រើ 4:15

Yorlah he mâu geh du huê kôranh ƀư brah toyh lơn mâu dơi yô̆ ma nau rdja he, ƀiălah geh jêh du huê kôranh ƀư brah geh nau ndơm tâm lĕ rngôch nau nâm bu he, ƀiălah Păng mâu ƀư tih ôh.

ហេឞ្រើ 5:9

jêh ri nôk hŏ lôch jêh, Păng jêng tơm tâm rklaih n'ho ro ma lĕ rngôch bunuyh tông bâr ma Păng,

ហេឞ្រើ 7:27

Păng mâu tâm ban ma phung kôranh ƀư brah toyh êng, Păng mâu hôm nhhơr mpa ƀư brah ăp nar, lor lơn ma nau tih khân păng nơm, jêh ri ma nau tih phung ƀon lan. Păng nhhơr Păng nơm jêng mpa ƀư brah knŏng du tơ̆ rĭng jêh.

ហេឞ្រើ 9:25

Păng mâu đŏng nhhơr Păng nơm âk tơ̆ nâm bu kôranh ƀư brah toyh lơn lăp ăp năm tâm Ntŭk Dŭt Kloh Ueh nhhơr mham mâu di mham păng nơm.

I Pêtrôs 2:24

Păng djôt nau tih he tâm săk jăn Păng ta klơ tơm si, gay ma he khĭt jêh đah nau tih jêh ri gŭ rêh ma nau sŏng srăng; tă bơh lĕ sôt rmanh Păng, khân may geh nau ƀư bah jêh.

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;

II Pêtrôs 3:12

dôl dŭh nuih n'hâm kâp gân ma nar Brah Ndu gơnh tât. Nar nĕ ndâr trôk mra geh ŭnh sa lĕ jêh ri roh rai, lĕ rngôch ndơ mra lêk hoch tâm ŭnh!

I Yôhan 3:2

Hơi phung gâp rŏng, aƀaơ he jêng kon Brah Ndu; bi mâm nau he mra jêng ê hŏ tâm mpơl ôh. He gĭt tơlah Păng tâm mpơl, he mra tâm ban ma Păng, yorlah he mra saơ Păng nâm bu Păng ơm geh kơt nây.

I Yôhan 3:5

Khân may gĭt Păng tâm mpơl jêh gay sŏk lơi nau tih; tâm Păng mâu geh nau tih ôh.

Yuđas 1:21

Mât mray hom khân may nơm tâm nau Brah Ndu rŏng. Gŭ kâp hom nau yô̆ nđach bơh Kôranh Brah he jêng Brah Yêsu Krist gay geh nau rêh n'ho ro.

Nau Tâm Mpơl 1:7

Ri, Păng văch ndrel ma lĕ ndâr tŭk! Lĕ rngôch măt mra saơ Păng, nđâp ma phung hŏ tă ntâp Păng; lĕ rngôch ndŭl mpôl ta neh ntu mra nhĭm nhhiăng yor ma Păng. Nanê̆ di nâm kơt nây! Amen.