ហេឞ្រើ 7:28 - Nau Brah Ndu Ngơi 2023

²⁸ Yorlah nau vay njêng phung bunuyh rdja jêng kôranh ƀư brah toyh; ƀiălah nau ton geh jêh pakơi ma nau vay njêng Kon, jêng Nơm geh nau rah vah n'ho ro.

Bunong Bible Latin Script Cambodian dialect

²⁸ Tâng ma nau vay Môsê, geh bunuyh jan kôranh jan brah dŭt kuŏng, tih ma dâng lĕ bunuyh i nây jêng bunuyh rdja dadê dơm. Bơh kơi lĕ jêh geh nau vay Môsê, Kôranh Brah đă Kon Păng nơm jan kôranh jan brah dŭt kuŏng ta kalơ trôk ma nau ngơi Păng ton, jêh ri Kon i nây jan kôranh jan brah dŭt kuŏng i dŭt ueh ƀaƀơ n'ho ro.

Bunong

²⁸ តឹង​មា​នាវ​វៃ​មោឆេ  គែស​ឞូនុយ្ស​ជាន​កោរាញ​ជាន​ឞ្រាស​ទុត​ក្វ៝ង់ តីស​មា​ទឹង​លែៈ​ឞូនុយ្ស​អី​នៃ​ជេង​ឞូនុយ្ស​រាអ្យា​ទាទេ​ទើម។ ឞើស​កើយ​លែៈ​ជេស​គែស​នាវ​វៃ​មោឆេ  កោរាញ​ឞ្រាស​ដាៈ​ក៝ន​ពាង់​នើម​ជាន​កោរាញ​ជាន​ឞ្រាស​ទុត​ក្វ៝ង់​តា​កាលើ​ត្រោក​មា​នាវ​ងើយ​ពាង់​ត៝ន ជេសរី​ក៝ន​អី​នៃ​ជាន​កោរាញ​ជាន​ឞ្រាស​ទុត​ក្វ៝ង់​អី​ទុត​អ្វែស​បាបើ​នហ៝​រ៝។

ហេឞ្រើ 7:28 ပူးပေါင်းရင်းမြစ်များ

Nau Mprơ Ơm 110:4

Brah Yêhôva sân săk jêh, Păng mâu tâm rgâl nau mĭn ôh: “May jêng du huê kôranh ƀư brah gŭ n'ho ro tĭng mpôl Mêlkisedek.”

Kan Lêvi 4:3

Tơlah păng jêng kôranh ƀư brah toyh lơn dơn jêh nau bu tŏ dak ngi, ƀiălah păng ƀư tih njŭn ma phung ƀon lan khan tâm nau tih, yor nau tih păng hŏ ƀư nây, kôranh ƀư brah nây nhhơr hom ma Brah Yêhôva du mlâm ndrôk mâu geh ntŭk têl khap ôh, gay ƀư mpa ƀư brah chuai nau tih.

Luka 13:32

Păng plơ̆ lah: “Hăn lah hom ma mpik nây pô aơ: ‘Nar aơ, nar ôi taơ, Gâp mprơh brah mhĭk jêh ri ƀư bah nau ji, tât nar tal pe, Gâp mra lôch jêh nau kan Gâp.

Yôhan 19:30

Lah Brah Yêsu hŏ dơn jêh dak srat nây, Păng lah: “Lĕ rngôch nau kan hŏ lôch jêh!” Jêh nây Păng kŭnh bôk, tăch n'hâm.

ហេឞ្រើ 1:2

Ƀiălah tâm lĕ nar dăch dŭt aơ, Păng ntĭm nti jêh ma he bơh Kon Păng Nơm, jêng Kon Păng hŏ rdâk jêh jêng Nơm dơn lĕ rngôch ndơ; tâm Kon nây đŏng, Păng rhăk njêng jêh trôk neh ntu.

ហេឞ្រើ 2:10

Yorlah lĕ rngôch ndơ tâm mpơl jêng bơh Brah Ndu jêh ri yor ma Brah Ndu, tơlah Păng ŭch njŭn leo âk kon sau tât ma nau chrêk rmah, Păng ƀư ăn Nơm jêng tơm nau yô̆ tâm rklaih khân păng tâm nau rêh ni gay ma dơn nau ueh rah vah ngăn jêng nau tâm di.

ហេឞ្រើ 2:17

Pôri, Păng jêng tâm ban ma phung oh nâu Păng tâm lĕ rngôch ndơ, gay ma jêng kôranh ƀư brah toyh nuih n'hâm bêng ma nau yô̆ nđach jêh ri răp jăp tâm nau pah kan ma Brah Ndu, gay tâm chuai nau tih ma lĕ rngôch bunuyh.

ហេឞ្រើ 3:1

Yor nây, hơi phung oh nâu kloh ueh, jêng phung bunuyh dơn nau kuăl tă bơh trôk, mĭn rvê hom ma phung mbơh jêh ri kôranh ƀư brah toyh he mbơh jêng Brah Yêsu.

ហេឞ្រើ 3:6

Ƀiălah Brah Krist gŭ răp jăp tâm ban ma kon bu klâu mât uănh ma ngih Brah Ndu. He jêng ngih ma Păng, knŏng tơlah he djôt nâp nau rnơm nsing jêh ri tâm rnê êng tâm nau he kâp gân kŏ tât nglĕ dŭt.

ហេឞ្រើ 4:14

Yor nây, yorlah he geh du huê kôranh ƀư brah toyh lơn găn jêh lĕ ndâr trôk jêng Brah Yêsu, Kon Brah Ndu, pôri djôt nâp hom lĕ nau he mbơh.

ហេឞ្រើ 5:5

Pônây lĕ, Brah Krist mâu n'hao êng Păng nơm ôh jêng kôranh ƀư brah toyh, ƀiălah bơh Nơm lah ma Păng pô aơ: “May jêng Kon Gâp, Nar aơ Gâp hŏ deh jêh May.”

ហេឞ្រើ 7:21

ƀiălah Brah Yêsu jêng kôranh ƀư brah ndâk jêh ma nau ton, nôk Brah Ndu lah jêh ma Păng pô aơ: “Kôranh Brah ton jêh, jêh ri mâu mra tâm rgâl nau mĭn ôh; May jêng kôranh ƀư brah n'ho ro.”

ហេឞ្រើ 7:24

Ƀiălah Brah Yêsu djôt prăp nau pah kan kôranh ƀư brah n'ho ro, yorlah Păng gŭ rêh ƀaƀơ n'ho ro.

ហេឞ្រើ 7:3

Păng mâu geh mbơ̆, mâu geh mê̆, mâu geh noi deh, mâu geh nar deh, mâu đŏng geh nar khĭt, ƀiălah nâm bu Kon Brah Ndu, jêng kôranh ƀư brah n'ho ro.