ហេឞ្រើ 2:14 - Nau Brah Ndu Ngơi 2023

¹⁴ Yorlah phung kon geh mham jêh ri nglay săk ndrel, pôri Brah Yêsu yơh geh mham jêh ri nglay săk ndrel tâm ban ma khân păng, gay ma tâm nau khĭt, Păng ƀư rai nơm chiă uănh nau khĭt jêng phung brah mhĭk,

Bunong Bible Latin Script Cambodian dialect

¹⁴ Yor ma phung kon i nây geh săk jăn geh mham blao khât, dâng Brah Yêsu sŏ dơn săk jăn kơt bunuyh, jêh ri khât kơt bunuyh đŏng, gay ma tă bơh nau Păng khât nây nơh, Păng dơi lơh hêng lơi nơm i leo bunuyh geh nau khât, jêng Satăng i kôranh mpôl brah djơh. Aƀaơ dja Satăng i tơm ăn bunuyh khât mâu hôm ôh geh nau dơi,

Bunong

¹⁴ យ៝រ​មា​ផូង​ក៝ន​អី​នៃ​គែស​ឆាក់​ជាន់​គែស​មហាម​ឞ្លាវ​ខឹត ទឹង​ឞ្រាស​យេឆូ  ​ឆ៝ៈ​ទើន​ឆាក់​ជាន់​កើត​ឞូនុយ្ស ជេសរី​ខឹត​កើត​ឞូនុយ្ស​ដ៝ង់ គៃ​មា​តាៈ​ឞើស​នាវ​ពាង់​ខឹត​នៃ​នើស ពាង់​ទើយ​លើស​ហេង​លើយ​នើម​អី​លែវ​ឞូនុយ្ស​គែស​នាវ​ខឹត ជេង​ឆាតាង់  ​អី​កោរាញ​មពោល​ឞ្រាស​អ្យើស។ អាបៃ​អ្យា​ឆាតាង់​អី​តើម​អ៝ន់​ឞូនុយ្ស​ខឹត​មោ​ហោម​អោស​គែស​នាវ​ទើយ‌

ហេឞ្រើ 2:14 ပူးပေါင်းရင်းမြစ်များ

Nau Ntơm 3:15

Gâp mra ƀư ma may jêh ri bu ur, Noi deh may jêh ri noi deh bu ur tâm rlăng. Păng mra jot nkrâm sôt bôk may, Bi may mra kăp ndơl jâng păng.”

Êsai 25:8

Păng mra ƀư rai lôch n'ho ro nau khĭt. Kôranh Brah jêng Brah Yêhôva mra jut dak măt Bơh muh măt lĕ rngôch bunuyh; Jêh ri Păng mra jut lơi nau bêk prêng phung ƀon lan Păng Bơh lam neh ntu, Yorlah Brah Yêhôva lah jêh.

Êsai 53:12

Yor nây, Gâp mra tâm pă ma Păng du kô̆ ndrel ma phung toyh. Păng mra pă ndơ pit sŏk ndrel ma phung ktang; Yorlah Păng nkhŭt jêh nau rêh Păng kŏ tât khĭt, Bu kơp păng ndrel ma phung tih, Păng hŏ tuy jêh nau tih âk bunuyh, Jêh ri mbơh sơm kơl an ma phung tih.

Êsai 7:14

Yor nây, Kôranh Brah nơm mra ăn du nau tâm mbên khlay ma khân may: Aơ, du huê bu ur druh mra bă ntreo, deh du huê kon bu klâu jêh ri ntơ amoh kon nây jêng Êmanuel.

Ndrom Samƀŭt bơh Ôsê 13:14

Gâp mra tâm rklaih khân păng tă bơh nau dơi ƀon phung khĭt Jêh ri chuai khân păng tă bơh nau khĭt hĕ? Ơ nau khĭt, ta ntŭk nau mhĭk may? Ơ ƀon phung khĭt, ta ntŭk nau rai yot may? Nau yô̆ nđach bu pôn lơi jêh bơh trôm măt Gâp.

Mathay 16:17

Brah Yêsu lah ma păng: “Hơi Y-Simôn kon Y-Yôna, ueh maak ngăn ma may! Yor ri mâu di nglay săk jêh ri mham mpơl nau nây ma may ôh, ƀiălah jêng Mbơ̆ Gâp gŭ ta klơ trôk yơh.

Mathay 25:41

Jêh nĕ, Păng lah ma phung bunuyh mpeh pa chiau pô aơ: ‘Hơi phung bu rak rtăp jêh, du hom tă bơh Gâp, hăn tâm ŭnh n'ho ro hŏ ndrăp nkra jêh ma kôranh brah mhĭk jêh ri ma phung brah mhĭk oh mon păng.

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Yôhan 12:24

Nanê̆, Gâp lah ngăn ma khân may: Lah du ntil găr ba ƀlê srih ta neh mâu khĭt, păng hôm e du găr nây lĕ; ƀiălah lah păng khĭt, păng geh play âk ngăn.

Samƀŭt Pôl Njuăl Ăn Ma Phung Nsing Ta Ƀon Rôm 14:9

Yor ri yơh Brah Krist khĭt jêh ri dâk rêh tay gay ma dơi jêng Kôranh Brah ma phung khĭt nđâp ma phung rêh.

Samƀŭt Pôl Njuăl Ăn Ma Phung Nsing Ta Ƀon Rôm 8:3

Yorlah moh nau vay mâu dơi ƀư, yor nglay săk ƀư păng rdja, Brah Ndu ƀư jêh: Păng njuăl Kon Păng nơm geh nglay săk tâm ban ma nglay săk tih gay ma dăp nkra nau tih; Păng tâm rmal jêh nau tih tâm nglay săk,

I Kôrintô 1:28

Brah Ndu săch jêh lĕ nau dêh rhêt, nau bu gơm mưch tâm neh ntu, nđâp ma lĕ nau mâu geh, gay ƀư ma lĕ nau hŏ geh jêng dơm dam,

I Kôrintô 15:50

Hơi phung oh nâu, gâp lah, nglay săk jêh ri mham mâu dơi dơn ƀon bri hađăch Brah Ndu ôh; nau ôm rai mâu lĕ dơi dơn nau mâu blau ôm rai.

Galati 4:4

Ƀiălah tơlah tât nar tâm nal, Brah Ndu njuăl Kon Păng tât, tă bơh ma du huê bu ur deh, deh luh tâm dâng nau vay,

Kôlôh 2:15

Păng sŏk lơi lĕ nau chiă uănh, jêh ri nau ktang, sŏk si tâm rkăng Păng dơi đah phung nây, jêh ri ƀư bêk khân păng ta nklang lĕ rngôch bunuyh.

I Timôthê 3:16

Di ngăn dơn pô aơ nau khlay ndâp tâm nuih n'hâm klach yơk dŭt toyh hâu ngăn: Nơm tâm mpơl jêh tâm săk jăn, Brah Huêng Ueh kơp Păng sŏng srăng, Phung tông mpăr ntreng uănh, Bu mbơh nkoch ta nklang lĕ rngôch phung ƀon lan, Lĕ rngôch bunuyh chroh dơn jêh, Brah Ndu chông Păng leo klơ tâm nau chrêk rmah.

II Timôthê 1:10

Nau yô̆ nây aƀaơ aơ tâm mpơl ma nau Brah Yêsu Krist văch jêh, Nơm Tâm Rklaih he, Nơm ƀư rai jêh nau khĭt, sŏk Nau Mhe Mhan Ueh tâm mpơl jêh nau rêh jêh ri nau mâu blau khĭt.

ហេឞ្រើ 10:10

Tĭng nau ŭch mĭn nây, he geh nau kloh ueh ma nau nhhơr săk jăn Brah Yêsu Krist du tơ̆ nây dơm rĭng jêh.

ហេឞ្រើ 10:5

Yor nây, tơlah Brah Krist lăp tâm neh ntu, Păng lah pô aơ: “Kôranh Brah mâu ŭch ôh mpa ƀư brah, mâu đŏng ŭch ndơ nhhơr, Ƀiălah Kôranh Brah ndrăp lor jêh du săk jăn ma gâp.

ហេឞ្រើ 2:17

Pôri, Păng jêng tâm ban ma phung oh nâu Păng tâm lĕ rngôch ndơ, gay ma jêng kôranh ƀư brah toyh nuih n'hâm bêng ma nau yô̆ nđach jêh ri răp jăp tâm nau pah kan ma Brah Ndu, gay tâm chuai nau tih ma lĕ rngôch bunuyh.

ហេឞ្រើ 2:18

Yorlah Păng yơh dơn jêh nau rêh ni tâm nôk geh nau ndơm, pôri Păng kơl an phung geh nau ndơm.

ហេឞ្រើ 4:15

Yorlah he mâu geh du huê kôranh ƀư brah toyh lơn mâu dơi yô̆ ma nau rdja he, ƀiălah geh jêh du huê kôranh ƀư brah geh nau ndơm tâm lĕ rngôch nau nâm bu he, ƀiălah Păng mâu ƀư tih ôh.

ហេឞ្រើ 9:15

Yor ma nau nây, Păng jêng Nơm tâm nklang ma nau tâm rnglăp mhe; tă bơh nĕ, phung bunuyh geh jêh nau kuăl dơi sŏk dơn drăp ndơn n'ho ro ton jêh ma khân păng nơm, yorlah Păng khĭt jêh dơi tâm chuai nau tih khân păng hŏ ƀư tih tâm dâng nau tâm rnglăp tal nguay.

I Pêtrôs 1:20

tâm nal jêh êlor rhăk njêng trôk neh ntu, ƀiălah tâm mpơl tâm rnôk nglĕ dŭt aơ yorlah khân may.

Nau Tâm Mpơl 1:18

jêng Nơm Rêh; Gâp hŏ khĭt, aƀaơ aơ Gâp rêh n'ho ro, djôt keh khuă Nau Khĭt jêh ri Ƀon Phung Khĭt.

Nau Tâm Mpơl 12:9

Bu klŭp mƀăr bêh nhŭk nhăk toyh jŭr ta neh, jêng bêh ơm, bu rnha jêng brah mhĭk mâu lah Satan, nơm ndơm mƀruh lĕ kon bunuyh. Bu klŭp păng jŭr ta neh ntu; phung mbơh păng bu klŭp mƀăr jŭr ndrel ma păng.

Nau Tâm Mpơl 2:10

May lơi klach ôh ma lĕ nau rêh ni may bơi dơn. Aơ, brah mhĭk dăch mƀăr ƀaƀă tâm phung khân may ăn tâm ndrung gay rlong uănh khân may; jêh ri khân may mra geh nau rêh ni tâm jât nar. Gŭ răp jăp hom tât khĭt, jêh ri Gâp mra ăn ma may đon hađăch nau rêh.’

Nau Tâm Mpơl 20:2

Păng nhŭp bêh nhŭk nhăk, nâm bu ntĭt bêh kăl e, jêng brah mhĭk, jêng Satan, jêh ri kât păng du rbăn năm.