ហេឞ្រើ 10:22 - Nau Brah Ndu Ngơi 2023

²² pôri ăn he sŏk hom nuih n'hâm nanê̆ ngăn ndrel ma nau chroh nâp, nuih n'hâm ăn dơi kloh jêh tă bơh nuih n'hâm djơh mhĭk, săk jăn rao kloh ma dak rsang văch dăch Brah Ndu.

Bunong Bible Latin Script Cambodian dialect

²² kơt ndri ăn bân hăn tât ta Kôranh Brah nơm hŏ, nđâp ma geh nuih n'hâm nsing ma Păng nâp rkâk ngăn, yorlah nuih n'hâm bân lĕ tâm ban ma geh mham Brah Krist djrah, gay ma jut lơi nau mân i hôm kah gĭt ndơ jan djơh nơh, jêh ri săk jăn bân lĕ tâm ban ma geh rao kloh ma dak.

Bunong

²² កើត​នទ្រី​អ៝ន់​ឞ៝ន់​ហាន់​ត៝ត់​តា​កោរាញ​ឞ្រាស​នើម​ហ៝ៈ នអ៝ប់​មា​គែស​នូយ្ស​នហ៝ម់​ញឆីង​មា​ពាង់​ន៝ប់​រាក៝ក់​ងាន់ យ៝រ​លាស​នូយ្ស​នហ៝ម់​ឞ៝ន់​លែៈ​តឹម​ឞាន​មា​គែស​មហាម​ឞ្រាស​ក្រីស  ​អ្យ្រាស គៃ​មា​ជូត​លើយ​នាវ​មឹន​អី​ហោម​កាស​គឹត​នទើ​ជាន​អ្យើស​នើស ជេសរី​ឆាក់​ជាន់​ឞ៝ន់​លែៈ​តឹម​ឞាន​មា​គែស​រាវ​ក្ល៝ស​មា​ទាក។

ហេឞ្រើ 10:22 ပူးပေါင်းရင်းမြစ်များ

I Phung Hađăch 15:3

Păng hăn tĭng trong nau tih mbơ̆ păng hŏ hăn. Păng mâu lĕ nuih n'hâm ôh ma Yêhôva Brah Ndu păng nâm bu Y-Đavit, chô yau păng.

I Nau Rêh Jêng 12:33

Tâm ndŭl mpôl Sabulôn, geh prăm rmưn nuyh ndrăp jêh hăn tâm lơh, djôt lĕ rngôch ndơ tâm lơh; khân păng geh nau dăp nkra jêh ri nuih n'hâm răp jăp ma Y-Đavit.

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

I Nau Rêh Jêng 29:17

Hơi Brah Ndu gâp! Gâp gĭt jêh Kôranh Brah sek uănh nuih n'hâm bunuyh jêh ri maak ma nau di. Mpeh ma gâp, gâp maak nuih n'hâm nhhơr lĕ ndơ nây nđâp ma nuih n'hâm sŏng. Aƀaơ ri, gâp saơ jêh phung ƀon lan May gŭ ta aơ ma nau răm rhơn nhhơr ma May.

Nau Mprơ Ơm 111:1

Halêluya! Gâp mra tâm rnê ma Brah Yêhôva, ma lĕ nuih n'hâm, Tâm phung sŏng jêh ri ta klang phung tâm rƀŭn.

Nau Mprơ Ơm 119:10

Kon tǐng joi May ma lĕ nuih n'hâm, Lơi ăn gâp der bơh nau vay May ntăm ôh.

Nau Mprơ Ơm 119:145

Ơ Brah Yêhôva, gâp kuăl mbơh sơm ma May ma lĕ nuih n'hâm, dăn plơ̆ lah an ma gâp; Gâp mra djôt prăp nau vay May dăp.

Nau Mprơ Ơm 119:2

Ueh maak yơh phung djôt prăp nau Păng ntĭnh. Jêh ri tĭng joi Păng ma lĕ nuih n'hâm.

Nau Mprơ Ơm 119:34

Dăn May ăn ma gâp nau gĭt rbăng gay gâp djôt prăp Jêh ri lĕ nuih n'hâm djôt prăp nau vay May.

Nau Mprơ Ơm 119:58

Gâp vơh vơl nau ueh May ma lĕ nuih n'hâm; Yô̆ nđach an ma gâp tĭng nâm nau May ngơi.

Nau Mprơ Ơm 119:69

Phung sưr sŏk nau ngơi mƀruh ƀư lư mhĭk ma gâp, Ƀiălah gâp mra djôt prăp nau May ntăm ma lĕ nuih n'hâm.

Nau Mprơ Ơm 119:7

Dôl gâp nti nau May phat dôih sŏng srăng Gâp mra tâm rnê ma May ma nuih n'hâm n'hêl nanê̆.

Nau Mprơ Ơm 119:80

Ăn nuih n'hâm gâp ƀư rĭng tâm lĕ nau vay May dăp; Gay ma gâp mâu bêk ôh.

Nau Mprơ Ơm 32:11

Hơi phung sŏng srăng, răm rhơn hom jêh ri hâk maak tâm Brah Yêhôva! Hơi lĕ rngôch mbu geh nuih n'hâm sŏng, nter maak hom!

Nau Mprơ Ơm 51:10

Ơ Brah Ndu! Dăn njêng tâm gâp du nuih n'hâm kloh rsang Jêh ri ƀư mhe tâm gâp du huêng sŏng.

Nau Mprơ Ơm 73:28

Ƀiălah ueh maak ngăn ma gâp dơi văch dăch ma Brah Ndu; Gâp săch Kôranh Brah Yêhôva ƀư ntŭk gâp gŭ krap, Gay nkoch bri lĕ rngôch kan May.

Nau Mprơ Ơm 84:11

Yorlah Yêhôva Brah Ndu jêng nar jêh ri khêl; Brah Yêhôva mra ăn nau yô̆ jêh ri nau chrêk rmah; Păng mâu dun du ntil nau ueh ôh Ăn ma phung gŭ rêh nŭm rĭng.

Nau Mprơ Ơm 9:1

Gâp mra tâm rnê lah ueh Brah Yêhôva ma lĕ nuih n'hâm; Gâp mra nkoch tay lĕ kan khlay Păng.

Nau Mprơ Ơm 94:15

Nau di mra plơ̆ sĭt ma nau phung sŏng srăng, Jêh ri lĕ rngôch phung geh nuih n'hâm sŏng mra tĭng nau nây.

Nau Ngluh Êjipt 29:4

May mra njŭn Y-Arôn jêh ri phung kon bu klâu păng tât ta mpông Ngih Bok Nau Tâm Rƀŭn jêh nây sŏk dak jut rao khân păng.

Nau Hôr 23:26

Hơi kon gâp, nhhơr hom nuih n'hâm may ma gâp, Jêh ri măt may maak rŏng hom tâm trong gâp;

Êsai 29:13

Kôranh Brah lah: “Yorlah phung ƀon lan aơ knŏng sŏk trôm mbung văch êp Gâp, Sŏk mpiăt tâm rnê Gâp, Ƀiălah nuih n'hâm khân păng ngai đah Gâp; Nau khân păng klach yơk ma Gâp knŏng jêng nau vay bunuyh ntăm dơm, Yor bunuyh ntĭm nti.

Êsai 52:15

Đŏng kơt nây, May mra ƀư kloh phung ndŭl mpôl bunuyh; Phung hađăch mra mêm mbung yor May. Yorlah khân păng mra saơ nau bu mâu mâp nkoch bri ma khân păng ôh, Jêh ri mra gĭt rbăng nau khân păng mâu mâp tăng ôh.

Yêrêmi 24:7

Gâp mra ăn ma khân păng nuih n'hâm gĭt năl Gâp jêng Brah Yêhôva. Khân păng mra ƀư ƀon lan Gâp jêh ri Gâp mra ƀư Brah Ndu khân păng, yorlah khân păng mra lĕ nuih n'hâm plơ̆ sĭt tay ma Gâp.’

Yêrêmi 3:10

Tât pônây jêh oh bu ur mâu răp jăp păng jêng Yuđa ăt mƀruh nchơt, mâu lĕ nuih n'hâm plơ̆ sĭt ndrel ma Gâp.” Brah Yêhôva lah pô aơ.

Yêrêmi 30:21

Kôranh khân păng tât bơh khân păng, Bunuyh chiă uănh ăt luh bơh khân păng. Gâp mra njŭn nơm nây văch dăch Gâp, jêh ri păng mra văch dăch Gâp, Yorlah mbu nơm janh văch dăch Gâp? Brah Yêhôva lah pônây.

Êsêkiêl 16:9

‘Gâp rao ay tâm dak, ƀư ăn kloh mham krêp ta klơ săk ay jêh ri mhĭng dak ƀâu kah ăn ma ay.

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Kan Lêvi 14:7

Kôranh ƀư brah mra nsrih mham nây pơh tơ̆ ta klơ nơm dơi ƀư kloh jêh ri mbơh nơm geh ji phŭng jêng kloh, jêh ri mƀơk sĭm hôm rêh luh tâm mir.

Kan Lêvi 16:4

Y-Arôn mra nsoh ao jong kloh ueh ma bok mhay, kho gleh ma bok mhay, rêt rse vân bŭt ma bok mhay jêh ri ndô môk ma bok mhay đŏng. Nây jêng kôp bok ao kloh ueh Y-Arôn mra nsoh lah păng lôch jêh ŭm tâm dak.

Kan Lêvi 8:6

Y-Môis jă Y-Arôn jêh ri phung kon bu klâu păng tât, jêh ri sŏk dak jut rao khân păng.

Sakari 13:1

Ta nar nây, mra geh du n'hor dak pơk ma ngih Y-Đavit jêh ri phung gŭ tâm ƀon Yêrusalem, gay ƀư kloh nau tih jêh ri nau ƀơ̆ ƀơch.

Nau Kơp Bunuyh 8:7

Aơ jêng nau may ƀư kloh ma khân păng: May nsrih dak nau ƀư kloh ta klơ khân păng; ăn may lah ma khân păng poih lĕ rngôch rsau săk jăn khân păng, pih kho ao jêh ri ƀư kloh khân păng nơm.

Mathay 3:11

Gâp ƀư ƀaptem ma khân may ma dak gay rmal nau tih; ƀiălah Nơm văch pakơi gâp, nau dơi lơn ma gâp, gâp mâu khư ôh doh rse ntâu jot Păng. Păng mra ƀư ƀaptem ma khân may ma Brah Huêng Ueh jêh ri ma ŭnh.

Luka 1:1

Hơi kôranh Y-Thêôphil bu yơk, geh âk bunuyh hŏ srôih pah kan nchih du nau rblang nkoch bri ma lĕ nau hŏ ƀư jêh ta nklang he,

Yôhan 3:5

Brah Yêsu lah: “Nanê̆ ngăn, Gâp lah ngăn ma may: Tơlah du huê bunuyh mâu rnơm ôh ma dak jêh ri ma Brah Huêng Ueh gay deh, mâu dơi lăp tâm ƀon bri hađăch Brah Ndu ôh.

Yôhan 8:9

Lah khân păng tăng nau nây, khân păng du rhôch rhôch, phung bu ranh hăn lor. Brah Yêsu gŭ êng n'hanh ma bu ur hôm gŭ ta nây.

Kôranh Oh Mon 22:16

Aƀaơ ri, moh ndơ may gŭ kâp? Dâk hom, kuăl mbơh sơm ma amoh Kôranh Brah gay dơn nau ƀaptem jêh ri ƀư kloh nau tih may.’

Kôranh Oh Mon 8:21

May mâu geh du kô̆ mâu lah mâu dơi tâm pă tâm kan aơ, yorlah nuih n'hâm may mâu sŏng ôh tanăp Brah Ndu.

I Kôrintô 6:11

Nôk alor tâm khân may geh ƀaƀă bunuyh tâm ban pônây. Ƀiălah tâm amoh Kôranh Brah jêng Brah Yêsu Krist jêh ri tâm Brah Huêng Ueh Brah Ndu he, khân may geh nau ƀư kloh, nau ƀư kloh ueh jêh ri dơi kơp sŏng srăng.

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

Êphêsô 3:12

Tâm Păng jêh ri yor ma nau chroh tâm Păng, he geh nau janh nuih jêh ri nâp nuih n'hâm hăn dăch Brah Ndu.

Êphêsô 5:26

gay ƀư kloh ueh Phung Ngih Brah Ndu jêh dŏng dak jêh ri nau ngơi Păng ƀư kloh Phung Ngih Brah Ndu,

Êphêsô 6:5

Hơi phung bunuyh dĭk bu, klach râm sâr hom, sŏk nuih n'hâm nau ngăn tông bâr ma kôranh ta neh ntu, tâm ban tông bâr ma Brah Krist,

I Timôthê 4:2

yor tă nuih n'hâm nklă phung bunuyh ngơi mƀruh kŏ tât nuih n'hâm sŏng khân păng lĕ men jêh.

Titus 3:5

mâu di ôh yor kan sŏng he hŏ ƀư jêh, ƀiălah yor nuih n'hâm yô̆ nđach bơh Păng, tâm nau ƀư kloh bơh nau deh mhe jêh ri nau rgâl mhe bơh Brah Huêng Ueh,

ហេឞ្រើ 10:1

Yorlah nau vay geh knŏng gui n'hâm ma lĕ nau ueh tât pakơi, mâu di jêng rup ngăn ma ndơ ƀư brah; yor nây, phung bunuyh văch dăch Brah Ndu mâu geh nau dŭt ueh ôh bơh mpa ƀư brah bu nhhơr ƀaƀơ ăp năm.

ហេឞ្រើ 10:19

Pôri, ơ phung oh nâu, yorlah ma mham Brah Yêsu he dơi lăp Ntŭk Dŭt Kloh Ueh,

ហេឞ្រើ 11:28

Yor ma nau chroh, păng djôt nkra rƀŭn Nau Găn jêh ri mhĭng mham, gay ma tông mpăr ƀư rai mâu pah tât ta kon bôk rah phung Israel.

ហេឞ្រើ 12:24

dăch ma Brah Yêsu, Nơm Tâm Nklang ma nau tâm rnglăp mhe, nâm bu ntĭt dăch ma mham nkhŭt jêh, jêng mham ueh lơn ma mham Y-Abel.

ហេឞ្រើ 4:16

Pôri, ăn he nâp nuih n'hâm hăn dăch ta sưng hađăch nau yô̆, gay ma dơi sŏk dơn nau yô̆ nđach jêh ri saơ nau yô̆ kơl he dôl he geh nau pưt.

ហេឞ្រើ 6:11

Ƀiălah hên ŭch ngăn ma ăp nơm khân may tâm mpơl nuih n'hâm duh nđơr tâm ban pônây gay djôt nâp nau kâp gân tât nglĕ dŭt;

ហេឞ្រើ 7:19

(yor nau vay mâu dơi ƀư ăn moh nau rah vah ôh); lah êng đŏng, geh du nau vay kâp gân ueh lơn, đah nau bu ăn, gay tâm nau nây he dơi hăn dăch Brah Ndu.

ហេឞ្រើ 9:10

ƀiălah jêng knŏng tât ma ndơ sông sa, ndơ nhêt jêh ri lĕ nau rƀŭn ƀư kloh êng, jêng lĕ nau vay nchâp nglay săk djôt prăp kŏ tât rnôk nau tâm rgâl.

ហេឞ្រើ 9:19

Yorlah nôk Y-Môis mbơh lĕ nau vay ntăm tâm nau vay ma phung ƀon lan, păng sŏk mham kon ndrôk jêh ri be nkuăng, ndrel ma dak, rse chăng krăk jêh ri n'gĭng hisôp, păng djrah ta ndrom samƀŭt jêh ri ndrel ma lĕ rngôch ƀon lan

Yakơ 1:6

Ƀiălah ăn păng mbơh sơm dăn ma nau chroh, mâu geh nau đing ôh, yorlah nơm vay đing tâm ban ma rbuh dak mƀŭt, sial đô̆ jêh ri rdu păng hăn aơ ri.

Yakơ 4:8

Văch dăch hom ma Brah Ndu ri mơ Păng mra văch dăch ma khân may. Hơi phung tih, rao kloh hom ti khân may; hơi phung geh bar nuih n'hâm, ƀư kloh hom nuih n'hâm khân may;

I Pêtrôs 1:2

tĭng nau gĭt lor tă bơh Brah Ndu jêng Mbơ̆, jêh ri geh nau ƀư kloh ueh tă bơh Brah Huêng Ueh, gay tông bâr Brah Yêsu Krist jêh ri geh kô̆ tâm nau mbrih mham Păng. Mbơh sơm dăn nau yô̆ jêh ri nau đăp mpăn lơ hô n'hao ma khân may!

I Pêtrôs 3:21

ƀaptem nar aơ jêng nau tâm ntĭt ma nau nây gay rklaih khân may; ƀaptem jêng mâu di sŏk lơi nau ƀơ̆ ƀơch luh bơh săk jăn, ƀiălah nau kuăl dăn ma Brah Ndu tă bơh nuih n'hâm sŏng kloh, ma nau Brah Yêsu Krist dâk rêh tay,

Nau Tâm Mpơl 1:5

jêh ri bơh Brah Yêsu Krist jêng Nơm mbơh nkoch ma nau răp jăp, Nơm deh lor lơn tă bơh nau khĭt jêh ri Kôranh Brah ma phung hađăch ta klơ neh ntu! Nơm rŏng ma he sŏk jêh mham Păng nơm tâm rklaih jêh he bơh nau tih,