Habakuk 3:8 - Nau Brah Ndu Ngơi 2023

⁸ Ơ Brah Yêhôva, di lĕ May ji nuih đah lĕ dak krong? Di lĕ nau May ji nuih tâm rdâng đah lĕ dak n'hor? Geh lĕ nau May hao nuih tâm rdâng đah dak mƀŭt, Lah May ncho seh ndrel ndeh seh gay tâm rklaih lĕ?

Habakuk 3:8 ပူးပေါင်းရင်းမြစ်များ

Nau Mprơ Ơm 104:3

Păng dơm lĕ rda jrô prêh Păng ta klơ dak prêh, Dŏng ndâr tŭk ƀư ndeh seh, Jêh ri ncho ta klơ năr sial.

Nau Mprơ Ơm 114:3

Dak Mƀŭt saơ nau nây jêh ri nchuăt du; Dak krong Yurdan hoch rlơ̆;

Nau Mprơ Ơm 114:5

Ơ dak rlai, mâm ƀư may nchuăt du? Ơ dak krong Yurdan, mâm ƀư may hoch rlơ̆?

Nau Mprơ Ơm 18:10

Păng ncho ta klơ Chêrubim jêh ri mpăr, Păng mpăr ta klơ ma năr n'hâm sial.

Nau Mprơ Ơm 45:4

Yorlah nau ngăn, nau rdơ̆ rbăn jêh ri nau sŏng srăng, Ăn nsoh hom nau hit rnam may, ncho ndeh hăn tât ma nau dơi; Ti ma may ƀư lĕ kan khư nau bu yơk.

Nau Mprơ Ơm 68:17

Ndeh Brah Ndu âk rbăn, âk rmưn, mâu dơi kơp; Kôranh Brah gŭ tâm nklang lĕ ndeh nây, Bơh yôk Sinai chuat lăp tâm ntŭk kloh ueh.

Nau Mprơ Ơm 68:4

Mprơ hom ma Brah Ndu, mprơ tâm rnê hom ma amoh Păng! Nkra hom trong ăn Nơm ncho ta klơ phung ndâr tŭk, Amoh Păng jêng Brah Yêhôva; Răm maak hom tanăp măt Păng!

Nau Mprơ Ơm 77:16

Ơ Brah Ndu, tơlah lĕ n'hor dak saơ May, Di yơh, tơlah lĕ n'hor dak saơ May jêh ri klach, Jêh ri brŏng jru râm nsâr.

Nau Ngluh Êjipt 14:16

Bi may, djôt leo hom mâng jra, nto ti may ta klơ n'ha dak mƀŭt jêh ri tâm nkhah dak bar ding gay ma phung ƀon lan Israel hăn ta neh sơh rgăn dak mƀŭt.

Nau Ngluh Êjipt 7:19

Brah Yêhôva lah ma Y-Môis: “Lah hom ma Y-Arôn: ‘Djôt hom mâng jra may jêh ri yơr ti may tâm lĕ tu dak n'gor Êjipt, jêng lĕ dak krong, dak n'hong jê̆, dak nglao, jêh ri lĕ ntu prăp dak, gay ma dak nây jêng mham. Mham mra geh ăp ntŭk tâm n'gor Êjipt, nđâp ma dak tâm lĕ thŭng ƀư ma si, ma lŭ.’”

Nau Ngluh Êjipt 7:20

Y-Môis jêh ri Y-Arôn ƀư tĭng nâm nau Brah Yêhôva hŏ ntĭnh jêh. Tanăp măt Pharaôn jêh ri phung oh mon păng, Y-Arôn yơr mâng jra păng, mbang dak krong, jêh ri lĕ rngôch dak krong jêng mham da dê.

Êsai 19:1

Nau mbơh lor ma Êjipt: “Aơ, Brah Yêhôva ncho ta klơ ndâr tŭk, Ngăch tât ta Êjipt. Phung rup brah bri Êjipt râm sâr da dê tanăp Păng, Nuih n'hâm phung Êjipt klach krit.

Êsai 50:2

Mâm ƀư tơlah Gâp văch, mâu geh bunuyh ôh? Tơlah Gâp kuăl, mâu geh bunuyh plơ̆ lah ôh? Ti Gâp jêng gleh ir hĕ kŏ păng mâu dơi tâm chuai? Mâu lah Gâp mâu geh nau brah mâu dơi tâm rklaih hĕ? Aơ, Gâp knŏng nduyh du tong, dak mƀŭt suăt kro ro. Gâp rgâl dak krong jêng bri rdah; Ka tâm dâng dak krong khĭt yor mâu geh dak. Jêh ri ƀâu ôm.

Êsai 66:15

Yorlah aơ, Brah Yêhôva mra văch tâm ŭnh, Jêh ri ndeh seh Păng mra jêng tâm ban ma sial vănh blông, Gay nkhŭt nau Păng ji nuih ktang, Jêh ri nau Păng nduyh tâm chiông ŭnh hit.

Nahum 1:4

Păng nduyh dak mƀŭt jêh ri ăn păng suăt ro, Păng ƀư ăn suăt lĕ rngôch dak krong. Bri Basan jêh ri yôk Karmel kro nhop da dê, Kao bri Liban mra nhop tâm ban lĕ.

Habakuk 3:15

May ncho seh hăn klơ dak mƀŭt, Ta klơ dak toyh dôl luh mpŭnh.

Markôs 4:39

Păng kah rngăl, buay phŭt sial jêh ri lah ma dak mƀŭt pô aơ: “Đăp mpăn hom jêh ri rngân!” Sial nsrŭng ro jêh ri dak mƀŭt rngân njup.

Nau Tâm Mpơl 16:12

Tông mpăr rơh prao nkhŭt ngan păng nơm tâm dak krong Ơphrat, dak krong suăt, gay ma nkra trong ma phung hađăch mpeh luh nar.

Nau Tâm Mpơl 19:11

Dôl nây gâp saơ trôk pơk jêh, jêh ri, ri, geh du mlâm seh nglang! Nơm ncho seh geh amoh NAU RĂP JĂP JÊH RI NANÊ̆ NGĂN; Păng phat dôih jêh ri tâm lơh ma nau sŏng srăng.

Nau Tâm Mpơl 19:14

Phung tahan ta klơ trôk nsoh ao bok mhay rhên, nglang jêh ri kloh da dê, ncho seh nglang hăn tĭng Păng.

Nau Tâm Mpơl 6:2

Gâp uănh, ri, du mlâm seh nglang. Nơm ncho seh nĕ geh du mlâm na jêh ri bu ăn ma păng du mlâm đon hađăch. Păng hăn luh nâm bu du huê bunuyh tŭn mpet jêh ri dơi jêh.