Habakuk 3:18 - Nau Brah Ndu Ngơi 2023

¹⁸ Gâp hôm răm maak tâm Brah Yêhôva; Gâp hôm hâk răm tâm Brah Ndu ma nau tâm rklaih gâp.

Habakuk 3:18 ပူးပေါင်းရင်းမြစ်များ

II Samuel 6:15

Pônây, Y-Đavit jêh ri lĕ rngôch Israel njŭn leo Hip Nau Tâm Rnglăp Brah Yêhôva plơ̆ sĭt tâm nau troh nter răm rhơn jêh ri ma bâr nŭng huy ngăn.

Ndrom Samƀŭt bơh Yôp 13:15

Nđâp lah Kôranh Brah nkhĭt gâp, gâp hôm e rnơm nsing ma Păng; Jêh ri gâp mra koh dŏng nau rêh gâp nơm tanăp măt Păng.

Nau Mprơ Ơm 104:34

Ăn nau gâp mĭn dơi ƀư maak ma nuih n'hâm Păng; Yorlah gâp răm maak tâm Brah Yêhôva.

Nau Mprơ Ơm 149:2

Ăn phung Israel răm maak tâm Nơm rhăk njêng jêh khân păng; Ăn phung kon ƀon Siôn răm maak tâm Hađăch khân păng.

Nau Mprơ Ơm 25:5

Dăn leo gâp tâm nau ngăn May jêh ri ntĭm nti gâp, Yorlah May jêng Brah Ndu, Nơm rklaih gâp; Ăp nar gâp kâp gân May.

Nau Mprơ Ơm 27:1

Brah Yêhôva jêng nau ang jêh ri nau tâm rklaih gâp, Ma mbu hôm gâp klach? Brah Yêhôva jêng pôih nâp nau rêh gâp, Ma mbu hôm gâp klach?

Nau Mprơ Ơm 33:1

Ơ phung sŏng srăng, maak hom tâm Brah Yêhôva! Nau tâm rnê ma Kôranh Brah di ma phung bunuyh sŏng.

Nau Mprơ Ơm 85:6

May mâu mra ƀư nau rêh ma hên Gay ma phung ƀon lan May răm maak tâm May lĕ?

Nau Mprơ Ơm 97:12

Ơ phung sŏng srăng, maak hom tâm Brah Yêhôva! Jêh ri tâm rnê lah ueh tâm amoh kloh ueh Păng.

Nau Ngluh Êjipt 15:1

Aƀaơ, Y-Môis jêh ri phung ƀon lan Israel mprơ nau mprơ aơ ma Brah Yêhôva: “Gâp mprơ tâm rnê Brah Yêhôva, Yorlah Păng dŭt prêh ma nau rnam ngăn. Păng hŏ mƀăr jêh tâm dak mƀŭt, Seh jêh ri phung tahan ncho seh.

Nau Ngluh Êjipt 15:2

Brah Yêhôva jêng nau dăng jêh ri jêng nau gâp mprơ: Păng jêng Nơm tâm rklaih gâp. Păng jêng Brah Ndu gâp, gâp tâm rnê ma Păng; Jêng Brah Ndu chô yau gâp, gâp yơk mbah ma Păng.

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 25:9

Tâm nar nây, bu mra lah: “Ri, aơ jêng Brah Ndu he; He kâp gân Păng, jêh ri Păng hŏ tâm rklaih he jêh. Aơ yơh jêng Brah Yêhôva he kâp gân, Ăn he hâk răm jêh ri maak yor nau Păng tâm rklaih!”

Êsai 41:16

May mra mpruh khân păng, jêh ri sial mra khôm khân păng, Trôm sial vănh blông mra ƀư khân păng nchah rai pru pra. Ƀiălah may mra maak tâm Brah Yêhôva, Jêh ri may mra rnê êng tâm Nơm Kloh Ueh Israel.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Yôel 2:23

Hơi phung kon ƀon Siôn, maak răm rhơn hom Tâm Yêhôva Brah Ndu khân may! Yorlah Păng ăn dak mih tŭp yan bôk rah tâm di ăn ma khân may; Nkhŭt dak mih yan bôk rah jêh dak mih kêng dŭt yan Jŭr ăn ma khân may nâm bu saơm.

Mika 7:7

Bi ma gâp, gâp mra kâp uănh ma Brah Yêhôva, Kâp gân Brah Ndu nơm tâm rklaih gâp; Brah Ndu gâp mra tăng bâr gâp.

Sakari 10:7

Phung Êphraim mra jêng nâm bu phung geh nau janh, Nuih n'hâm khân păng hâk răm nâm bu nôk nhŭl ndrănh; Phung kon khân păng mra saơ nau nây jêh ri răm maak, Nuih n'hâm khân păng mra maak tâm Brah Yêhôva.

Luka 2:30

Yorlah măt gâp saơ jêh nau tâm rklaih bơh May,

Nau Vay Nkah Tay 12:18

Ƀiălah ăn khân may sa lĕ ndơ nây tanăp Yêhôva Brah Ndu ta ntŭk Păng lĕ săch, nđâp ma kon bu klâu, kon bu ur, nơm kơl kan bu klâu jêh ri nơm kơl bu ur jêh ri phung Lêvi gŭ tâm ƀon toyh khân may, jêh ri khân may mra hâk răm tanăp Yêhôva Brah Ndu tâm lĕ nau kan khân may hŏ ƀư jêh.

Philip 4:4

Răm maak mro hom tâm Kôranh Brah, gâp lah tay đŏng: Răm maak hom!

Yakơ 1:2

Hơi phung oh nâu gâp, ăn khân may kơp ma nau rlong uănh ăp ntil tât ma khân may tâm ban ma nau răm maak da dê,

I Pêtrôs 1:8

Nđâp tơlah ê hŏ saơ Păng, khân may ăt rŏng jêh ma Păng, nđâp tơlah ê hŏ tâm mâp đah Păng, khân may ăt chroh jêh ma Păng, jêh ri hâk răm tâm nau răm maak dŭt hâu ngăn, mâu blau rblang ôh;

I Samuel 2:1

Rnôk nây H'Anna mbơh sơm: “Nuih n'hâm gâp hâk răm ngăn tâm Brah Yêhôva, Tă bơh Brah Yêhôva, n'hâm suan gâp dăng ktang. Trôm mbung gâp gơm mưch ma phung rlăng gâp; Yorlah nau May tâm rklaih ƀư ma gâp răm rhơn.