Habakuk 3:14 - Nau Brah Ndu Ngơi 2023

¹⁴ May sŏk tak păng ntâp ta bôk phung tahan păng; Khân păng văch tât nâm bu sial vănh blông gay ƀư gâp pru pra, Khân păng hâk răm lah sa rvăn phung o ach tâm ntŭk du krap.

Habakuk 3:14 ပူးပေါင်းရင်းမြစ်များ

Nau Mprơ Ơm 10:8

Păng gŭ rmoch kâp tâm ntŭk lĕ ƀon jê̆, Nde krap ta ntŭk ngo gay nkhĭt bunuyh mâu geh nau tih. Măt păng uănh joi jŭm phung rêh ni.

Nau Mprơ Ơm 83:2

Yorlah ri, phung rlăng May ƀư nau uh ah, Jêh ri phung tâm rmot đah May n'gơr bôk.

Nau Ngluh Êjipt 1:22

Pharaôn ntăm ma lĕ rngôch phung ƀon lan păng: “Ăn khân nơm klŭp lĕ rngôch kon bu klâu mhe deh phung Hêbrơ tâm dak krong, ƀiălah bu ur rong ăn păng rêh.”

Daniel 11:40

Ta rnôk nglĕ dŭt, hađăch mpeh pa dâng mra hăn tâm lơh đah hađăch mpeh pa lơ. Ƀiălah hađăch mpeh pa lơ djôt ndeh seh, phung tahan ncho seh jêh ri âk kumpăn hăn tâm lơh nâm bu phŭt chuănh. Hađăch nây hôm e hăn lơh lĕ bri dak, ler nâm bu dak lip.

Sakari 9:14

Nôk nây, Brah Yêhôva mra mpơl ăn phung ƀon lan păng saơ, Hăr Păng luh du nâm bu lơp nglaih; Brah Yêhôva mra uh nŭng, Păng hăn ndrel ma sial vănh blông mpeh pa dâng.

Phung Kôranh Phat Dôih 7:22

Tâm nôk pe rhiăng phung uh nŭng, Brah Yêhôva ƀư ăn phung rlăng tâm lam rmlak tahan ăn đao ăp nơm tâm ntâp nkhĭt ndrăng băl păng nơm, jêh nây nchuăt du tât ta ƀon Bet-Sita, mpeh n'gor Sêrêra, kŏ tât ta n'har Abel-Mêhôla dăch Tabat.