Habakuk 3:10 - Nau Brah Ndu Ngơi 2023

¹⁰ Lĕ rngôch yôk saơ Păng klach krit da dê; Lĕ n'hor dak hoch thăng ngăn Hoch rbuh mro mrăng, Brŏng jru nteh n'gôr dak, jêh ri yơr ti leo klơ.

Habakuk 3:10 ပူးပေါင်းရင်းမြစ်များ

Nêhêmi 9:11

Kôranh Brah tâm nkhah dak mƀŭt tanăp măt phung ƀon lan May Gay ăn khân păng hăn rgăn ta klơ neh sơh ta nklang dak mƀŭt. Bi ma phung hăn tĭng pakơi, Kôranh Brah klŭp khân păng tâm dâng brŏng jru Nâm bu klŭp lŭ tâm dak toyh.

Nau Mprơ Ơm 104:32

Păng uănh ma neh, neh mpât n'gơ; Păng pah tât yôk, yôk luh nhhŭk ŭnh.

Nau Mprơ Ơm 148:7

Hơi phung mpa bri toyh tâm dak rlai jêh ri lĕ rngôch brŏng jru tâm neh, Tâm rnê hom ma Brah Yêhôva.

Nau Mprơ Ơm 18:15

Ơ Brah Yêhôva, yor nau May nduyh, Jêh ri yor n'hâm nsôr luh tă bơh trôm muh Păng, Blat dak mƀŭt mra mpơl Jêh ri lĕ mbon neh ntu mra saơ.

Nau Mprơ Ơm 65:13

Ndrêch gơ̆ bêng ma phung biăp, Lĕ rlŭng nkŭm ma ba răch; Lam ntŭk mprơ troh maak.

Nau Mprơ Ơm 66:6

Păng tâm rgâl dak rlai jêng neh sơh; Bu hăn jâng rgăn dak krong, Ta ntŭk nây hên răm maak tâm May.

Nau Mprơ Ơm 93:3

Ơ Brah Yêhôva, hao rbuh dak mƀŭt, Dak rlai nter ngrông; Dak Mƀŭt bâr nteh djhut djhut.

Êsai 43:20

Lĕ rngôch mpa bri janh, so bri jêh ri sĭm ôtrus, Mra tâm rnê Gâp, Yorlah Gâp ăn lĕ n'hong dak hoch tâm bri rdah, Jêh ri ăn lĕ dak krong hoch tâm ntŭk neh sơh, Gay ăn ma phung ƀon lan Gâp săch jêh geh dak nhêt.

Êsai 55:12

Yorlah khân may mra hăn ma nau răm maak, Bu mra njŭn khân may ma nau đăp mpăn. Yôk jêh ri dor mra mprơ tanăp khân may, Lĕ rngôch tơm si tâm bri mra tap ti.

Yêrêmi 4:24

Gâp n'gơr uănh lĕ yôk, khân păng mâu mpât n'gơ da dê, Ăp dor prêh n'găr nsâr da dê.

Mika 1:4

Lĕ yôk mra lêk hoch tâm dâng Păng, Lĕ rlŭng mra đang Nâm bu jrêng sŭt gŭ panăp ŭnh, Nâm bu dak hoch jŭr sop.

Nahum 1:5

Yor tă Kôranh Brah, gôl yôk n'găr n'gơ, Lĕ yôk chah rai da dê; Tanăp măt Păng, rplay neh jêh ri neh ntu Nđâp ma lĕ rngôch phung ƀon lan gŭ ta klơ neh dâk da dê.

Habakuk 3:6

Păng dâk, ƀư n'găr n'gơ rplay neh; Păng uănh, ƀư ma phung mpôl băl bunuyh râm sâr; Phung yôk ntơm bơh rnôk saơm chah rai da dê, Lĕ gôl yôk gŭ lĕ jŏ rnôk rlâm da dê. Trong Păng hôm tâm ban kăl e.

Mathay 27:51

Jêh ri, ri bok nching tâm ngih brah nkhêk jêng bar ntơm bơh klơ jŭr tât tâm dâng, neh n'gơ n'găr, lŭ klêr đang;

Mathay 8:24

Ƀât lât, geh phŭt sial ktang ngăn ta dak mƀŭt kŏ tât rbuh dak ler tâm trôm plŭng; ƀiălah Brah Yêsu gŭ bê̆ch.

ហេឞ្រើ 11:29

Yor ma nau chroh, phung Israel rgăn Dak Mƀŭt Chăng nâm bu hăn ta ntŭk neh sơh, bi phung Êjipt srôih hăn rgăn, lĕ rngôch khân păng ngâm tâm dak da dê.

Yôsuê 4:18

Lah phung kôranh ƀư brah tung Hip Nau Tâm Rnglăp Brah Yêhôva tă bơh nklang dak krong Yurdan hăn hao, jêh ri tơlah mpang jâng khân păng chuat jêh ta neh kơh, dak krong Yurdan plơ̆ sĭt ƀoi ơm, hoch bêng ler bar kơh nâm bu saơm.

Nau Tâm Mpơl 16:12

Tông mpăr rơh prao nkhŭt ngan păng nơm tâm dak krong Ơphrat, dak krong suăt, gay ma nkra trong ma phung hađăch mpeh luh nar.

Nau Tâm Mpơl 20:11

Nôk nây gâp saơ du mlâm sưng hađăch toyh jêh ri nglang ndrel ma Nơm gŭ ta sưng hađăch. Tanăp măt Păng neh ntu jêh ri trôk du lĕ, mâu hôm saơ geh ntŭk ma khân păng ôh.

Nau Tâm Mpơl 6:14

Trôk roh lĕ nâm bu ndrom samƀŭt bu klôn, lĕ rngôch yôk, lĕ rngôch kôdak trơn du bơh ntŭk ơm khân păng nơm.