Habakuk 2:5 - Nau Brah Ndu Ngơi 2023

⁵ N'hêl nanê̆, păng geh ndrănh mƀruh, Păng sưr jêh ri mâu geh ôh nau gŭ đăp mpăn. Nuih n'hâm ŭch kơnh păng pơk huy nâm bu ƀon phung khĭt, Nâm bu nau khĭt, păng mâu blau mpay ôh; Păng tâm rgum lĕ rngôch bri dak Jêh ri sŏk lĕ rngôch phung ƀon lan sĭt ma păng nơm.”

Habakuk 2:5 ပူးပေါင်းရင်းမြစ်များ

II Phung Hađăch 14:10

May hŏ lơh jêh phung Êđôm jêh ri nuih n'hâm may bêng nau hưn. Gŭ hom tâm ngih gay mƀrơn ma nau chrêk rmah may. Mâm ƀư ŭch ƀư tay nau mhĭk ma may nơm, ƀư ăn ma may jêh ri lĕ phung Yuđa cha lôt?”

Nau Mprơ Ơm 138:6

Nđâp tơlah Brah Yêhôva jêng dŭt prêh, ăt Păng treng uănh ma phung jê̆ janh; Ƀiălah ntơm bơh ngai, Păng gĭt năl jêh phung sưr.

Nau Hôr 20:1

Ndrănh ƀư ăn bu tâm mưch, ndơ nhêt nhŭl ƀư ăn nau ngơi drơu drơu; Mbu nơm dŏng păng rlau keh ir mâu di ôh jêng blau mĭn.

Nau Hôr 21:24

“Mưch” jêng ntơ phung n'hao êng nơm, nau sưr, Păng gŭ ngao ma nau mƀruh tĭng nau mơng sưr rlau păng.

Nau Hôr 27:20

Găr măt kon bunuyh mâu blau dĭl, Nâm bu ƀon phung khĭt jêh ri brŏng jru mâu blau bêng.

Nơm Nti 5:10

Nơm rŏng ma prăk rêl kŏ mâu mpay ma prăk rêl; Nơm rŏng ma drăp ndơ kŏ mâu mpay lĕ ma nau sa kao. Nau aơ ăt jêng dơm dam.

Êsai 14:6

Jêng phung mâu rlu dong phung ndŭl mpôl bunuyh Tâm nau ji nuih Chiă uănh lĕ bri dak tâm nau ji nuih, Jêh ri nau ƀư mhĭk mâu geh nơm dơi king ôh.

Êsai 16:6

Hên tăng jêh nau sưr rlau phung Môap, Păng sưr ngăn! Păng hưn, sưr rlau jêh ri mưch bu; Nau păng ngơi hưn jêng dơm dam!

Êsai 2:17

Nuih n'hâm sưr kon bunuyh bu mra chŭn, Jêh ri nau hưn kon bunuyh bu mra n'glưh; Tâm nar nây, knŏng êng Brah Yêhôva geh nau bu yơk.

Êsai 21:5

Bu ndrăp sưng sông sa, Dăp bunuyh gak, jêh ri khân păng sông sa nhêt. “Ơ phung kôranh chiă uănh, dâk hom! Mhĭng hom khêl ma dak ngi!”

Êsai 5:14

Yor nây, ƀon phung khĭt pơk huy nuih n'hâm kơnh ŭch khân păng Jêh ri hă ăn huy mbung păng rlau keh; Phung ndrŏng jêh ri phung ƀon lan, Phung vay tâm djrel jêh ri phung nhŭl ndrănh, tŭp tâm nây da dê.

Êsai 5:8

Rêh ni ngăn ma phung ntop ngih lăp tâm ngih, Ntop lŏ lăp tâm lŏ, Kŏ tât mâu hôm geh ntŭk hŏng, Jêh ri khân may gŭ êng ta nklang bri!

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 50:29

Kuăl rgum hom phung pănh na, lĕ rngôch ăp nơm phung blau pănh hăn tât lơh Babilôn. Ƀư hom pôih gŭ jŭm păng; lơi ta ăn du huê dơi klaih! Mplơ̆ sĭt hom ma păng tĭng nâm kan păng hŏ ƀư jêh; ƀư hom ma păng tĭng nâm nau păng hŏ tă mâp ƀư jêh, yorlah păng sưr hŏ ngơi djơh tât Brah Yêhôva, Nơm Kloh Ueh Israel.

Yêrêmi 51:39

Dôl khân păng duh nuih janh ngăn, Gâp mra nkra nau sông sa ăn ma khân păng nhŭl hơm, ăn ma khân păng troh gơm, Jêh ri n'ho lêt bê̆ch, Mâu hôm kah rngăl đŏng ôh.” Brah Yêhôva lah pônây.

Habakuk 1:15

Phung rlăng tê̆ ndar sŏk lĕ rngôch, Khân păng seng ma jal têk n'hao khân păng Jêh ri rgum lĕ rngôch tâm nhuăl păng. Pônây khân păng răm jêh ri rhơn ngăn.

Habakuk 1:17

Di lĕ khân păng ƀư kloh mro yŭ jal khân păng, Gay mâu rlu ôh nkhĭt lơi phung ƀon lan mâu geh djê̆ ro nau yô̆ nđach?

Habakuk 2:4

Uănh hom, phung sưr rlau Mâu geh ôh nuih n'hâm sŏng; Ƀiălah bunuyh sŏng srăng mra gŭ rêh yor nau chroh păng nơm.

I Têsalônik 4:11

Nti gŭ rêh tâm nau klăk klêm, mĭn rvê ma nau kan êng khân may nơm jêh ri pah kan ma ti khân may nơm, nâm bu hên ntĭnh jêh ma khân may;

Yakơ 4:6

Ƀiălah păng ăn nau yô̆ toyh lơn, yor nây Nau Brah Ndu Ngơi lah: “Brah Ndu tâm rdâng đah phung sưr, ƀiălah ăn ma nau yô̆ ma phung dêh rhêt.”