Habakuk 2:19 - Nau Brah Ndu Ngơi 2023

¹⁹ Rêh ni ngăn ma nơm ngơi đah tơm si pô aơ: ‘Kah rngăl hom!’ Jêh ri ngơi đah lŭ mlo pô aơ: ‘Dâk hom may!’ Păng dơi ntĭm nti đŏng? Aơ, păng dơi mblum ma mah jêh ri prăk, Ƀiălah tâm păng mâu geh djê̆ ro n'hâm nsôr.

Habakuk 2:19 ပူးပေါင်းရင်းမြစ်များ

Nau Mprơ Ơm 135:15

Rup brah phung ƀon lan ƀư ma prăk jêh ri mah, Jêng kan bơh ti bunuyh ƀư.

Nau Mprơ Ơm 135:17

Geh tôr ƀiălah mâu tăng ôh, Jêh ri tâm trôm mbung khân păng mâu geh n'hâm nsôr.

Nau Mprơ Ơm 97:7

Ăn lĕ rngôch ma phung mbah rup brah, Jêh ri phung ngơi blă blơ ma rup brah geh nau bêk prêng da dê. Ơ lĕ brah, yơk mbah hom ma Brah Yêhôva!

Êsai 26:14

Khân păng khĭt jêh, mâu hôm mra rêh ôh; Lĕ phan bunuyh khĭt mâu hôm plơ̆ dâk ôh, Yorlah May tâm rmal jêh ri ƀư rai jêh khân păng, Jut lơi lĕ rngôch nau kah gĭt ndray ma khân păng.

Êsai 40:19

Dôl bu tŏ rup brah Nơm chiăr prăk mblum păng ma mah, Jêh ri tŏ lĕ rse rvăk rhên ma prăk ma Păng.

Êsai 41:26

Mbu nơm mbơh jêh nau nây bơh ntơm saơm gay ma he dơi gĭt? Mbu nơm mbơh bơh rnôk lor gay ma he dơi lah: “Păng jêng di lĕ”? Ƀiălah mâu geh nơm mbơh, mâu geh nơm tâm mpơl ôh, Mâu lĕ geh nơm tăng nau khân may ngơi ôh.

Êsai 44:17

Gâl si hôm e, bu ƀư du mlâm brah, nâm bu ntĭt du rup trah ma păng nơm, jêh nây chon mon tanăp măt păng gay yơk mbah jêh ri kuăl mbơh sơm ma păng pô aơ: “Tâm rklaih hom gâp, yorlah may jêng brah gâp!”

Êsai 46:6

Bu sŏk mah tă bơh dŭng, Jêh ri veh prăk ma njing; Khân păng nkhôm nơm chiăr prăk tŏ du brah, Jêh ri păn yơk mbah.

Êsai 57:6

Lĕ lŭ toyh pler rlip tâm rlŭng jêng ntŭk prăp ma may; Nanê̆, nĕ jêng drăp ndơ may. May hŏ ƀư ndơ nhhơr nhêt, Jêh ri nhhơr jêh ndơ ƀư brah rnih môi ma khân păng! Nau Gâp dơi bah lĕ ji nuih yor nau nây?

Yêrêmi 10:14

Ăp nơm jêng rluk da dê kƀah nau gĭt rbăng; Phung chiăr prăk prêng ma rup brah păng; Yorlah lĕ rup tŏ knŏng jêng nchơt dơm, Mâu geh n'hâm nsôr ôh tâm trôm nây.

Yêrêmi 10:3

Yorlah nau vay phung ƀon lan nây knŏng jêng dơm dam. Bu kăl tơm si tâm bri, Nơm blau rhăk dŏng sung njêng rup;

Yêrêmi 10:4

Sŏk prăk mah mblum ăn ma rup nây; Dŏng me nôp jêh ri kđĭn pâng nâp ngăn Gay rup mâu n'goh n'gơ.

Yêrêmi 10:9

Prăk chiăr n'hơ dơi lăp tă bơh Tarsis, Mah tă bơh Uphas, Ndơ nơm blau trah jêh ri kôp ti nơm chiăr prăk, Nsoh bok dak piêk sut chăng krăk ƀư ao; Lĕ rngôch tă bơh ti nơm blau da dê.

Yêrêmi 2:27

Khân păng ngơi ma n'gâng tơm si: ‘Păng jêng mbơ̆ gâp,’ Ma glo lŭ: ‘Păng hŏ deh jêh gâp.’ Yorlah khân păng hŏ ndôn kơi jêh, Mâu ŭch rle măt uănh Gâp. Ƀiălah tâm nôk nau rêh ni, khân păng ngơi: ‘Dăn gơnh sâm rklaih phung hên ƀă!’

Yêrêmi 2:28

Pôri ntŭk phung brah khân may ndâk êng, Lĕ rngôch ntŭk gŭ? Tơlah khân păng dơi rklaih khân may tâm nôk rêh ni Pôri ăn khân păng tât sâm rklaih hom! Yorlah hơi Yuđa, ndah âk ƀon may geh Pôri ăt geh âk brah ri yơh!

Yêrêmi 51:17

Ăp nơm jêng rluk da dê, mâu gĭt rbăng ôh; Phung chiăr prăk prêng da dê ma rup tŏ păng nơm; Yorlah rup brah jêng mƀruh, Mâu geh n'hâm nsôr ôh tâm trôm nây.

Yêrêmi 51:47

Yor ri, aơ, nar mra tât, Gâp mra tâm rmal lĕ rup brah ƀon Babilôn; Lĕ rngôch bri păng geh nau bêk prêng, Bunuyh bu nkhĭt mra chôt khĭt ta nklang ƀon.

Daniel 3:1

Hađăch Nêbukatnetsar ƀư du mlâm rup mah prêh bar jât pơh met, dĭ rkăng bar met pơh jêh ri rdâk ta neh lâng Dura, jêng tâm n'gor bri Babilôn.

Daniel 3:18

Ƀiălah tơlah Păng mâu tâm rklaih ôh, pôri dăn hađăch, ăn may gĭt hên mâu pah kan ma phung brah may ôh jêh ri mâu yơk mbah ma rup mah may rdâk jêh.”

Daniel 3:29

Yor nây, gâp ăn samƀŭt nau ntrŭnh aơ: Lĕ rngôch mbu phung ƀon lan, mbu bri dak, mbu nau ngơi geh nau ngơi mhĭk ma Brah Ndu Y-Sadrak, Y-Mêsăk, Y-Abetnêgô bu mra choh săk jăn khân păng, jêh ri ngih khân păng mra jêng mbŭch djah; yorlah mâu geh brah êng ôh mra dơi tâm rklaih tâm ban pônây.”

Daniel 3:7

Yor ri, tăng jêh bâr nŭng, bâr dĭng, bâr gong rêng, dĭng vưt, gong rêng loih, bâr rlet jêh ri ăp ntil gong kreh huy lĕ rngôch ntil phung, lĕ bri dak, lĕ nau ngơi, chon mon muh măt da dê jêh ri yơk mbah ma rup mah hađăch Nêbukatnetsar rdâk jêh.

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Daniel 5:4

Khân păng nhêt ndrănh n'ho tâm rnê ma phung brah ƀư ma mah, ma prăk, ma kông, ma loih, ma tơm si jêh ri ma lŭ.

Yônais 1:5

Phung ƀĭt kumpăn klach da dê, ăp nơm kuăl ma brah khân păng nơm. Jêh ri khân păng mƀăr lơi ndô ndơ tâm kumpăn tâm dak mƀŭt gay ma n'gơch kumpăn. Ƀiălah Y-Yôna trŭnh hăn jêh tâm trôm blat kumpăn lâng săk jêh ri hăk bê̆ch.

Kôranh Oh Mon 17:29

Pônây, jêng ndŭl mpôl Brah Ndu, he lơi mĭn Nơm Brah jêng tâm ban ma rup brah ma mah, prăk, mâu lah lŭ bơh nau blau jan jêh ri nau blau mĭn bơh kon bunuyh ƀư.

Nau Tâm Mpơl 17:4

Bu ur nĕ nsoh ao chăng krăk jêh ri chăng rhưch, ndơ nkrơ̆ ma mah, lŭ khlay, jêh ri lŭ rmah khlay, ta ti djôt du mlâm kachok mah bêng ma lĕ nau mưch rmot, ƀơ̆ ƀơch ma nau văng tĭr păng nơm.