Habakuk 2:18 - Nau Brah Ndu Ngơi 2023

¹⁸ Rup trah nơm rhăk hŏ trah mon jêh Geh ndơ khlay lĕ? Rup tŏ chiăr jêng nơm nti mƀruh, Mâm bunuyh rhăk rup mlo nây Rnơm nsing nkhơng ma kan ti păng nơm ƀư?

Habakuk 2:18 ပူးပေါင်းရင်းမြစ်များ

Nau Mprơ Ơm 97:7

Ăn lĕ rngôch ma phung mbah rup brah, Jêh ri phung ngơi blă blơ ma rup brah geh nau bêk prêng da dê. Ơ lĕ brah, yơk mbah hom ma Brah Yêhôva!

Êsai 1:31

Bunuyh ktang mra tâm ban ma rse mhay bu ƀư brai, Nau kan păng tâm ban ma mprănh ŭnh, Lĕ bar ŭnh mra sa ndrel n'grŭp, Mâu geh nơm dơi buh nhhât.

Êsai 37:38

Du nar, nôk hađăch Sênakêrip dôl chon mon mbah brah păng nơm tâm ngih brah Nirok, phung kon bu klâu hađăch jêng Y-Adramêlek jêh ri Y-Sarêser sŏk đao nkhĭt hađăch, jêh nây hăn du rlet n'gor Ararat. Kon hađăch jêng Y-Êsarhadôn chiă uănh thoi ntrok păng.

Êsai 40:19

Dôl bu tŏ rup brah Nơm chiăr prăk mblum păng ma mah, Jêh ri tŏ lĕ rse rvăk rhên ma prăk ma Păng.

Êsai 41:26

Mbu nơm mbơh jêh nau nây bơh ntơm saơm gay ma he dơi gĭt? Mbu nơm mbơh bơh rnôk lor gay ma he dơi lah: “Păng jêng di lĕ”? Ƀiălah mâu geh nơm mbơh, mâu geh nơm tâm mpơl ôh, Mâu lĕ geh nơm tăng nau khân may ngơi ôh.

Êsai 42:17

Bi phung rnơm nsing ma lĕ rup brah, Ngơi ma lĕ rup tŏ chiăr: “Khân may jêng phung brah hên,” Mra rle ndŭr kơi da dê jêh ri bêk brêng âk ngăn!

Êsai 44:12

Nơm chiăr sŏk du njăr loih gŭch sĭn jêh ta klơ rnga ŭnh, jêh ri dŏng me nôp gay ƀư rup; păng pah kan ma ti ktang păng. Nđâp lah ji ngot jêh ri mâu hôm dăng, păng mâu nhêt dak ôh, jêh ri rgănh huơi.

Êsai 45:16

Lĕ rngôch phung ƀư rup brah mra bêk, bu mưch; Khân păng rŭch plơ̆ sĭt tâm nau bêk prêng.

Êsai 45:20

Ơ phung ndŭl mpôl nchuăt du tâm lĕ bri dak, Tâm rƀŭn hom khân may jêh ri văch hom, văch êp ndrel n'grŭp! Phung tung rup brah trah ma si, Kuăl dăn ma brah mâu dơi rklaih bu ôh, Nanê̆ khân păng mâu gĭt rbăng ôh!

Yêrêmi 10:8

Khân păng jêng rluk mâl; Nau ntĭm nti tă bơh lĕ rup brah Mâu rlau ndơ bơh n'gâng tâm si.

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Yêrêmi 2:8

Lĕ phung kôranh ƀư brah mâu rngot tơlah ôp: ‘Ntŭk Brah Yêhôva gŭ?’ Phung nti nau vay mâu hôm gĭt tât ma Gâp đŏng ôh. Phung chiăp hăn tâm rdâng đah Gâp; Lĕ phung nơm mbơh lor sŏk amoh brah Baal ngơi mbơh lor, Nchuăt tĭng lĕ rup brah mâu khlay ôh.”

Yêrêmi 50:2

“Mbơh hom jêh ri tâm mpơl ăn ma lĕ rngôch bri dak, Ăn yơr hom kơ jêh ri tâm mpơl, Lơi ta pôn mo ôh; lah hom: ‘Babilôn lĕ bu ƀư rai jêh, Brah Bel prêng jêh, Brah Mêrôdak klach krit ngăn, Bu ƀư prêng rup trah păng, Rup brah păng bu ƀư rlâm rai jêh!’

Yêrêmi 51:17

Ăp nơm jêng rluk da dê, mâu gĭt rbăng ôh; Phung chiăr prăk prêng da dê ma rup tŏ păng nơm; Yorlah rup brah jêng mƀruh, Mâu geh n'hâm nsôr ôh tâm trôm nây.

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Amôt 2:4

Brah Yêhôva lah: “Yor nau tih mhĭk Yuđa ntop hôm nau tih mhĭk Yor ri Gâp mâu rhuăt tay nau tâm rmal bơh păng. Yorlah khân păng dun jêh ma nau vay Brah Yêhôva, Jêh ri mâu djôt prăp ôh nau vay păng ntĭnh, Ƀiălah lĕ nau mbruh ƀư vĭ trong, Hăn tĭng trong chô yau khân păng,

Yônais 2:8

Tơlah huêng gâp lĕ huơi jêh tâm gâp Pôri gâp kah gĭt ma Brah Yêhôva Jêh ri nau gâp mbơh sơm tât ma May, Lăp tât tâm ngih brah kloh ueh May.

Sakari 10:2

Yorlah phung rup brah knŏng ngơi nau dơm dam, Lĕ phung n'hŭm knŏng saơ nau mƀruh; Khân păng mbơh nkoch lĕ nau mbơi mƀruh ndơm bu, Jêh ri ngơi nau bonh leng mâu khlay ôh. Yor nây, phung ƀon lan chah rai du pru Nâm bu phung kon biăp rêh ni yorlah mâu geh rmăk chiăp.

Samƀŭt Pôl Njuăl Ăn Ma Phung Nsing Ta Ƀon Rôm 6:21

Nôk nây moh play aƀaơ aơ khân may geh nau bêk prêng? Play ƀư prêng khân ay may aƀaơ! Nau nglĕ dŭt lĕ nau nây jêng nau khĭt.

I Kôrintô 12:2

Khân may gĭt jêh, dôl khân may hôm jêng phung bu năch, phung rup brah mlo hŏ njŭn leo khân may hăn tâm trong tih.

Nau Tâm Mpơl 19:20

Ƀiălah bu nhŭp jêh mpô mpa dŭt janh nây jêh ri nơm mbơh lor nklă — nơm ƀư jêh lĕ nau mbên khlay tanăp mpô mpa, gay ndơm mƀruh ma phung bunuyh dơn jêh nau mbên tă bơh mpô mpa jêh ri phung bunuyh yơk mbah ma rup păng — bu nhŭp đŏng. Lĕ bar hê khân păng bu mƀăr rêh jŭr tâm nglao ŭnh mô ŭnh dôl hit.

Phung Kôranh Phat Dôih 17:4

Ƀiălah Y-Mika mplơ̆ sĭt prăk nây ma mê̆ păng. Mê̆ păng sŏk bar rhiăng glo prăk jao ma nơm chiăr gay tŏ du rup trah, n'gân tâm ngih Y-Mika.

I Samuel 12:21

lơi ta chalơi ôh Păng gay hăn tĭng lĕ rup brah dơm dam, khân păng mâu geh khlay ôh jêh ri mâu đŏng dơi tâm rklaih, yorlah khân păng knŏng jêng dơm dam.