Habakuk 2:1 - Nau Brah Ndu Ngơi 2023

¹ Gâp mra dâk ta ntŭk kâp gak, Gŭ chăm ta ntŭk pêr pôih, Lŏng uănh moh ntil nau Păng đă gâp ƀư, Jêh ri gâp mra geh nau plơ̆ lah ma yor nau gâp mâu hŏ vât.

Habakuk 2:1 ပူးပေါင်းရင်းမြစ်များ

II Samuel 18:24

Y-Đavit gŭ tâm nklang mpông ƀon. Bi bunuyh tahan gŭ gak hao klơ chor mpông pêr ta klơ mpêr ƀon, tơlah n'gơr măt uănh păng saơ du huê bunuyh nchuăt tât.

II Phung Hađăch 17:9

Phung ƀon lan Israel ƀư lĕ nau mâu di tâm nau ndâp, ŭch tâm rdâng đah Yêhôva Brah Ndu khân păng. Khân păng ndâk lĕ ntŭk prêh klơ tâm lĕ rngôch ƀon, ntơm bơh ngih tŭm gak tât ma ƀon geh pôih nâp.

II Phung Hađăch 9:17

Bunuyh tahan gŭ gak dôl dâk ta klơ ngih gung Jesrêel, păng saơ phung tahan Y-Jêhu dôl văch tât jêh ri nter huy: “Gâp saơ du phung tahan hăn văch.” Y-Jôram lah ro: “Săch hom du huê tahan ncho seh, prơh hăn tâm mâp đah phung nây jêh ri ăn păng ôp: ‘Nau đăp mpăn lĕ?’”

Ndrom Samƀŭt bơh Yôp 31:35

Ơ! Ŭch ma geh bunuyh iăt gâp! Aơ jêng nau gâp nglĕ dŭt! Dăn Nơm Geh Lĕ Nau Brah plơ̆ sĭt lah ma gâp! Dăn phung rlăng gâp nchih samƀŭt kachŭt nau tih gâp!

Ndrom Samƀŭt bơh Yôp 31:37

Gâp mra mbơh ma Kôranh Brah lĕ rngôch nhuat gâp hăn; Nâm bu du huê hađăch, gâp mra văch tanăp Păng.

Nau Mprơ Ơm 5:3

Brah Yêhôva ơi! Ơm ôi May tăng bâr gâp; Ơm ôi gâp nhhơr nau kuăl mbơh sơm jêh ri gŭ kâp.

Nau Mprơ Ơm 85:8

Gâp mra iăt moh nau Yêhôva Brah Ndu lah, Yorlah Păng mra lah nau đăp mpăn ma phung ƀon lan păng jêh ri phung răp jăp đah Păng; Ƀiălah khân păng mâu dơi plơ̆ tay nau rluk đŏng ôh.

Nau Mprơ Ơm 85:9

Nanê̆ nau Păng tâm rklaih gŭ dăch phung klach yơk ma Păng, Gay ma nau chrêk rmah Păng dơi gŭ tâm n'gor bri he mro.

Êsai 21:5

Bu ndrăp sưng sông sa, Dăp bunuyh gak, jêh ri khân păng sông sa nhêt. “Ơ phung kôranh chiă uănh, dâk hom! Mhĭng hom khêl ma dak ngi!”

Êsai 21:6

Yorlah Kôranh Brah lah ma gâp pô aơ: “Hăn hom, dăp bunuyh gak, Ntĭnh ăn păng mbơh moh nau păng saơ.

Êsai 21:8

Nơm gak kuăl huy: “Ơ Kôranh Brah, gâp gŭ râng lôch nar ta tŭm gak, Gâp gŭ ta ntŭk gâp gak lôch măng.

Êsai 62:6

Ơ Yêrusalem, ta klơ lĕ mpêr ƀon may, Gâp dơm jêh phung tahan gak; Lĕ măng nâm nar, Khân păng mâu mra gŭ rklăk ôh. Ơ khân may phung ăn Brah Yêhôva kah gĭt, Lơi gŭ rlu ôh,

Yêrêmi 12:1

Ơ Brah Yêhôva, May sŏng srăng mro Ăp tơ̆ gâp ngơi tâm rlăch nchră đah May; Nđâp pônây, gâp dăn ôp May ma nau phat dôih. Mâm ƀư trong phung ƀai geh nau ndrŏng ktang mro? Mâm ƀư phung gŭ rêh ndơm geh nau mpăn rlêk?

Yêrêmi 6:17

Gâp hŏ ndâk bunuyh gak njrăng khân may; ‘Rkêng hom tôr iăt bâr nŭng!’ Ƀiălah khân păng lah: ‘Phung hên mâu rkêng tôr iăt ôh!’

Êsêkiêl 3:17

“Hơi kon bunuyh, Gâp hŏ njêng may ƀư bunuyh kâp gak ăn ma ngih Israel. Pônây iăt hom nau ngơi tă bơh bâr mbung Gâp jêh ri tâm tang Gâp mbơh ăn ma khân păng.

Êsêkiêl 33:7

Aơ hơi kon bunuyh, Gâp hŏ njêng may ƀư bunuyh kâp gak ăn ma ngih Israel, yor nây iăt hom nau ngơi tă bơh bâr mbung Gâp jêh ri tâm tang Gâp mbơh ăn khân păng njrăng.

Mika 7:7

Bi ma gâp, gâp mra kâp uănh ma Brah Yêhôva, Kâp gân Brah Ndu nơm tâm rklaih gâp; Brah Ndu gâp mra tăng bâr gâp.

II Kôrintô 13:3

yorlah khân may dăn du nau mbơh gay gĭt Brah Krist lah bơh bâr mbung gâp. Păng mâu jêng rdja ôh tâm nau gŭ ngao đah khân may, ƀiălah Păng jêng Nơm bêng nau dơi ta nklang khân may.

Galati 1:16

maak nuih n'hâm mpơl Kon Păng ma gâp, gay gâp nkoch mbơh Nau Mhe Mhan Ueh ma Kon Păng ta nklang phung bu năch, pôri ƀât lât gâp mâu hôm tâm nchră đah kon bunuyh ôh.