Habakuk 1:7 - Nau Brah Ndu Ngơi 2023

⁷ Khân păng dŭt klach ngăn jêh ri krit klach hâu ngăn, Khân păng ƀư nau vay ma khân păng nơm, jêh ri n'hi êng n'hao êng khân păng nơm.

Habakuk 1:7 ပူးပေါင်းရင်းမြစ်များ

Êsai 14:17

Ƀư ma neh ntu plơ̆ jêng bri rdah, Rlă nkhŭt lĕ ƀon Jêh ri mâu pơk mpông ndrung ma phung bu krŭng ta ndrung ƀơh?”

Êsai 18:2

May njuăl nơm mbơh dŏng rkĭt ƀư ma rpho găn dak mƀŭt, Hăn ta klơ mpiăt dak! Ơ phung mbơh hăn ngăch, Hăn hom ta du bri dak geh phung mpôl jong jêh ri ntâu pler, Tât ma du phung ƀon lan êp ngai ăt bu klach, Du bri dak ktang jêh ri vay tŭn jot, Jêng bri dak geh âk dak krong tâm pă.

Êsai 18:7

Tâm rnôk nây, phung ƀon lan jong jêh ri ntâu pler, jêng phung bunuyh bu klach, nđâp lah gŭ êp mâu lah ngai, du bri dak ktang jêh ri vay tŭn jot, bri dak geh âk dak krong nkhah, khân păng yơh mra njŭn ndơ nhhơr ma Brah Yêhôva ma phung tahan, ta ntŭk prăp ma amoh Brah Yêhôva ma phung tahan gŭ, jêng yôk Siôn.

Êsai 47:8

Aƀaơ aơ iăt hom nau aơ, ơ nơm rêh ma nau ueh, Nơm gŭ ma nau đăp rmên, Tâm nuih n'hâm ay nơm lah êng: “Knŏng gâp yơh, rlau ma gâp mâu geh nơm êng ôh; Gâp mâu mra jêng ndrô sai ôh, Mâu lĕ gĭt mâp roh phung kon gâp ôh.”

Daniel 2:31

Ơ hađăch, aơ, may hŏ saơ jêh du mlâm rup toyh. Rup nây toyh ngăn jêh ri nchrat ang ngăn, gŭ dâk tanăp may, păng klach ngăn.

Sôphôni 2:15

Ƀon toyh aơ răm maak hŏ gŭ jêh ma nau mpăn lah êng pô aơ: “Gâp aơ, padih gâp mâu hôm geh bunuyh êng ôh!” Ƀiălah aƀaơ păng lĕ jêng rngol jêh, Ƀư ntŭk ma phung mpô mpa bri bê̆ch kuen! Ăp bunuyh hăn rgăn gơm mưch rvêh ti nsŭch da dê!

Nau Vay Nkah Tay 5:19

May mâu dơi ntŭng.

Nau Vay Nkah Tay 5:27

Pôri, ăn may hăn dăch jêh ri iăt lĕ nau Yêhôva Brah Ndu hên ntĭm nti, jêh nây nkoch tay ma hên lĕ nau Yêhôva Brah Ndu ngơi ma may. Hên mra iăt jêh ri ƀư tĭng nau nây.’