Habakuk 1:6 - Nau Brah Ndu Ngơi 2023

⁶ Aơ, Gâp nsônh phung Kaldê văch hao lơh; Khân păng jêng du phung ƀon lan djơh ngăn mâu djân bu ôh, Phung hăn lăp tâm ăp n'gor bri neh ntu dŭt huy, Gay pit âk ntŭk gŭ mâu di ôh ntŭk khân păng nơm.

Habakuk 1:6 ပူးပေါင်းရင်းမြစ်များ

II Phung Hađăch 24:1

Tâm rnôk Y-Jêhôjakim chiă uănh, hađăch Babilôn jêng Y-Nêbukatnetsar hăn lơh bri dak Yuđa. Y-Jêhôjakim, tông bâr hađăch tâm pe năm, jêh nây Y-Jêhôjakim mĭn plĕch jêh ri dâk tâm rdâng đah hađăch Babilôn.

II Phung Hađăch 24:2

Brah Yêhôva ƀư ăn âk phung tahan Kaldê, Aram, Môap jêh ri phung tahan Ammôn văch lơh jêh ri ƀư rai n'gor Yuđa, tĭng nâm nau Brah Yêhôva ngơi lor ma bâr mbung phung nơm mbơh lor jêng phung oh mon Păng.

II Nau Rêh Jêng 36:17

Yor nây, Brah Yêhôva đă hađăch phung Kaldê lơh khân păng, sŏk đao nkhĭt phung ndăm ta ngih brah kloh ueh khân păng, jêh ri mâu yô̆ ôh, ma phung ndăm mâu lah bu druh, bu ranh mâu lah phung rdja. Brah Yêhôva jao lĕ khân păng tâm ti hađăch phung Kaldê.

II Nau Rêh Jêng 36:6

Y-Nêbukatnetsar, hađăch Babilôn, rduh lơh păng, bu kât păng ma rse rvăk kông jêh ri têk leo păng ma ƀon Babilôn.

Êsai 23:13

Uănh hom bri neh phung Kaldê! Ta aơ mâu hôm geh phung ƀon lan ôh. Phung Asiri hŏ ƀư ntŭk nây jêng ntŭk gŭ ma mpa bri janh. Khân păng rdâk ngih tŭm, nchueng ƀon, ƀư rai ngih hađăch, jêh ri ƀư jêng mbŭch rlâm rai nchah.

Yêrêmi 13:20

N'gơr măt uănh hom Phung bunuyh tât tă bơh mpeh pa lơ. Phung biăp hŏ jao jêh ma may, Phung biăp ƀư ăn n'hao nuih may, lĕ rngôch ta ntŭk?

Yêrêmi 21:4

‘Yêhôva Brah Ndu Israel lah: Aơ, Gâp mra plăch rlơ̆ lơi ndơ tâm lơh khân may dôl djôt tâm ti gay tâm lơh mprơh lơi hađăch Babilôn jêh ri bunuyh Kaldê aƀaơ nchueng jŭm khân may ta padih mpêr ƀon, jêh ri rgum khân păng ta nklang ƀon aơ.

Yêrêmi 21:7

Brah Yêhôva lah: ‘Jêh nây, Gâp mra jao Y-Sêdêkia, hađăch Yuđa, phung oh mon păng jêh ri phung ƀon lan tâm ƀon, nâm bu ntĭt lĕ rngôch phung hôm klen pakơi nau ji tưp, tak đao, nau sât ji ngot, tâm ti Nêbukatnetsar, hađăch Babilôn, tâm ti phung rlăng khân păng jêh ri ma phung joi ƀư ngroh lơi nau rêh khân păng. Nêbukatnetsar mra lơh khân păng ma mpiăt đao, mâu mra yô̆ an, ti mâu djân, mâu geh nau rŏng.’

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 30:5

“Brah Yêhôva lah: ‘He hŏ tăng jêh bâr nter nau phit phơr Nau klach krit, mâu di nau đăp mpăn ôh.

Yêrêmi 4:11

Aƀaơ mra geh nau ngơi ma phung ƀon lan aơ jêh ri Yêrusalem pô aơ: “Geh du chông sail duh bơh lĕ yôk hil tâm bri rdah mra khôm ta klơ phung kon bu ur ƀon lan Gâp, mâu di gay nsiăng mâu lah mpruh ba,

Yêrêmi 4:6

Yơr hom n'ha kơ rle mpeh Siôn! Hăn du hom, lơi ta nsrŭng ôh! Yorlah Gâp mra djôt tât du nau mhĭk tă bơh mpeh pa lơ, Jêng du nau ƀư rai toyh.

Yêrêmi 4:8

Yor nây, put hom bok ƀau tâm săk Nhĭm nhhiăng vơl dăn, Yorlah nau Brah Yêhôva ji nuih Ê hŏ du bơh he ôh.”

Yêrêmi 5:15

Brah Yêhôva lah: “Hơi ngih phung Israel, Gâp mra djôt du ndŭl mpôl ƀon ngai tât tâm rdâng đah may. Nây jêng du ndŭl mpôl dăng ktang, Du ndŭl mpôl ơm jêh, Du ndŭl mpôl nau ngơi khân păng may mâu gĭt, Mâu gĭt rbăng moh nau khân păng ngơi.

Yêrêmi 8:10

Yor nây, Gâp mra jao ur khân păng ăn bu êng, Mir khân păng ăn kôranh mhe; Yorlah ntơm bơh bunuyh dŭt jê̆ tât ma nơm toyh, Kơnh sa kao nau mâu di da dê; Ntơm bơh phung nơm mbơh lor tât kôranh ƀư brah, Gŭ rêh mƀruh ndơm da dê.

Êsêkiêl 16:40

Khân păng mra leo du mpôl phung âk tâm rdâng đah ay, klŭp ma lŭ jêh ri ntâp ay ma đao.

Êsêkiêl 21:31

Kôranh Brah Yêhôva lah: ‘Prăp hom đon, doh lơi đon hađăch; lĕ rngôch ndơ aơ mâu hôm nâm bu kơt saơm đŏng ôh! Moh ndơ dêh mra n'hao ăn prêh, moh ndơ prêh bu mra ntrŭnh lơi ăn dêh.

Êsêkiêl 28:7

Yor nây, Gâp mra ƀư ăn ma phung bu năch djơh lơn tâm lĕ bri dak Dâk tâm rdâng đah may; Khân păng mra tăk đao tâm rdâng đah nau gĭt rbăng nau ueh may, Ƀư ƀơ̆ nau chrêk rmah may.

Êsêkiêl 31:12

Du phung djơh janh lơn tâm lĕ rngôch phung bu năch mra kăl păng jêh ri chalơi. Đơ n'gĭng păng tŭp lĕ klơ yôk jêh ri tâm lĕ rngôch rlŭng; lĕ n'gĭng păng lĕ pă ntŭk kơh dak tâm n'gor jêh ri lĕ rngôch ƀon lan ta neh ntu der ngai tă bơh n'hâm păng jêh ri chalơi păng.

Yôel 2:3

Tanăp măt khân păng, geh ŭnh sa rvăn, Pakơi khân păng, geh chiông ŭnh sa ƀhiau. Êlor panăp khân păng văch, bri neh nâm bu n'gar Êđen; Pakơi khân păng rgăn, knŏng hôm jêng bri rdah rngot njăp. Mâu geh ôh ndơ dơi klaih bơh khân păng.